កំពង់ធំៈ ហាងខារ៉ាអូខេ ពិភពសម្រស់៩៩៩៩៩ មានឈ្មោះល្បីល្បាញខាងបំរើសេវាកម្មផ្លូវភេទ និងសេពគ្រឿងញៀនជាទីតាំងផ្តល់សេវា ជាប់លំដាប់ថ្នាក់ក្នុងស្រុកបារាយណ៍ ខេត្តកំពង់ធំបានដំណើការដោយរលូន ដែលកន្លងមកជាប់មានការសង្ស័យថាសមត្ថកិច្ចដែនដី ជាអ្នកពេញចិត្ត និងបានសើមមាត់សើមក ។
ថ្មីៗនេះគេបានឃើញលោកអ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំដឹកនាំកំលាំង ចុះឆែកឆេរនិងឃាត់ខ្លួនស្រីខារ៉ាអូខេបាន ៣២នាក់តែបានតែមួយដង្ហើមចង្រឹតប៉ុណ្ណោះ។
តាមប្រភពព័ត៌មានពីអ្នកដែលធ្លាប់ចេញចូល បានឲ្យដឹងថា ហាងពិភពសម្រស់ខារ៉ាអូខេ ហៅ ហាងប្របួន៥ដើម(៩៩៩៩៩) គឺជាហាងដែលមានការជួញដូរ ផ្លូវភេទ ដោយចំហរ មិនខ្លាចក្រែងច្បាប់ មិនតែប៉ុណ្ណោះ មានការសេពគ្រឿងញៀនដើម្បីឲ្យសេវាផ្ឡូវភេទដើរស្រួលផងដែរ ផ្គើន បញ្ជារយ៉ាងក្តៅគគុគរបស់រាជរដ្ឋាភិបាលក្នុងការបង្ក្រាបទប់ស្កាត់លុបបំបាត់គ្រឿងញៀន ។
ជាក់ស្តែងនៅក្នុងកិច្ចសហប្រតិបត្តិការបង្ក្រាប ខារ៉ាអូខេ ពិភពសម្រស់ (ហាង៩៩៩៩៩) ដឹកនាំសម្របសម្រួលដោយលោកអ៊ិត សុធាព្រះរាជអាជ្ញាអមសាលាដំបូងខេត្តកំពង់ធំកាលពីវេលាម៉ោង ៩និង៣០នាទីយប់ កុម្ភះ ឆ្នាំ២០១៧លទ្ធផលកស្មើសូន្យ។
បើតាម លោក កែ កញ្ចនា អធិការរងនគរបាលស្រុកបារាយណ៍បានអោយដឹងថា ក្រោយពីចាប់ឃាតខ្លួនស្រីខារ៉ាអូខេ ទាំង៣២នាក់រួចមកគេ មិនបានពិនិត្យទឹកនោម រកសារជាតិគ្រឿងញៀនអីនោះទេ ដោយសារមនុស្សច្រើនពេក រួចក៏ដោះលែងវិញអស់់ទាំងយប់តែម្ដង ចំណែកសេវ៉ាផ្លូវភេទក៏រកមិនឃើញដែរ គឺរកមិនឃើញអ្វីទាំងអស់(ស៊ិក) ។
ការឆ្លើយដោះសារ របស់លោក កែ កញ្ចនា អធិការរងស្រុកបារាយណ៍ ថាការដោះលែងមកពីមនុស្សច្រើពេកថ្វើឲ្យសកម្មភាពចុះឆែកឆែររកបទល្មើសក្នុងហាងពិភពសម្រស់ខារ៉ាអូខេ ហៅ ហាងប្របួន៥ដើម(៩៩៩៩៩) ដែលអ្នកណាក៏ដឹងថាជាហាងដែលមានការជួញដូរ ផ្លូវភេទ ដោយចំហរនោះទទួលបានលទ្ធផលស្មើសូន្យ។ជឿអត់ថាលទ្ធផលស្មើសូន្យនោះ??។ ប្រជាពលរដ្ឋដែលដឹងហេតុការណ៍និយាយថាចោលម្សៀតហ្ម៉ងប្រតិបត្តិការមួយនេះ ។ព្រោះថាបើធ្វើរឿងមួយអត់បានការណ៍មានន័យថាគ្មានសមត្ថភាពនិងផ្ទុយទៅវិញគឺទទួលបានលាភសក្ការៈ៕
