ពិធីប្រណាំងទូករយៈពេល ២ថ្ងៃ ដែលចាប់ផ្តើមពីថ្ងៃទី ៧ ខែតុលា របស់ខេត្តបាត់ដំបងត្រូវបានរៀបចំពិធីបិទ កាលពី រសៀលថ្ងៃទី ៨ ខែតុលា ក្រោមអធិបតីភាព ឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង។
តាមរបាយកាណ៍លទ្ធផលនៃការប្រណាំងទូក របស់ឯកឧត្តម មុំ ក្រាត សមាជិកក្រុមប្រឹក្សាខេត្ត និងជាប្រធានគណកម្មាធិ- ការ បច្ចេកទេស បានឱ្យដឹងពីលទ្ធផលការប្រកួតផ្តាច់ព្រ័តៈ ប្រភេទទូកខ្លី អន្តរជាតិផ្នែកបុរស ចំណាត់ថ្នាក់លេខ ១ បានទៅលើទូក ឈ្មោះ សាធារណៈសជ័យបារមី កំចាយមា មន្ទីរសាធារណៈការខេត្ត , លេខ ២ ទូក ឈ្មោះ យុវជន បាត់ដំបង មានជ័យ បារមី គង្គា របស់មន្ទីរ ស,ស,យ,ក ខេត្ត ,លេខ ៣ បានទៅលើតូក ឈ្មោះ ផ្សោតមានជ័យ ដែនដីសុវណ្ណ របស់មន្ទីររៀបចំ ដែនដី។ ផ្នែកនារី ចំណាត់ថ្នាក់លេខ ១ បានទៅលើទូកឈ្មោះ អប់រំសែនជ័យយុវវ័យ មានរិទ្ធី របស់មន្ទីរអប់រំ លេខ ២ បានទៅលើទូកឈ្មោះ នារីមានជ័យ មន្ទីរកិច្ចការនារី , លេខ ៣ បានទៅលើទូកឈ្មោះ នារីសង្គមកិច្ច របស់មន្ទីរសង្គមកិច្ច។ ប្រភេទទូកប្រពៃណីផ្នែកបុរសៈ លេខ ១ បានទៅទូក ឈ្មោះ រតនៈមានជ័យ ស្រុករតនៈមណ្ឌល , លេខ ២ ទូកឈ្មោះ សុវណ្ណមយូរ៉ា បុច្ចាជយដែន ស្រុកកំរៀង លេខ ៣ បានទៅលើទូកឈ្មោះ ភត្រារាជសីហ៍ ស្រុកបាណន់។ ប្រភេទទូកដៃ ប្រពៃណី លេខ ១ បានទៅលើទូកឈ្មោះ នរិន្ទ ស្រីសពិចិត្រ ស្រុកឯកភ្នំ លេខ ២ ទូកឈ្មោះ ហេងឬស្សី បារមីជំហដែក ស្រុកមោងឬស្សី លេខ ៣ ទូកឈ្មោះ ព្រែកហ្លួងសជ័យបារមី បូពា៍ សាលា ខេត្ត។
ប្រភេទទូកវែងប្រពៃណីចំណុះ ៦៩នាក់ លេខ ១ ទូកឈ្មោះ ហនុមានរាជសីហ៍មានជ័យ បារមីតេជោ ស្នងការដ្ឋាន នគរបាន ខេត្ត លេខ ២ ទូកឈ្មោះ បទុបពេជ្របារមីក្សត្រីក្តុល ស្រុកបវេល លេខ ៣ ទូកឈ្មោះ សុវណ្ណភេត្របាត់ដំបង សជ័យ សាលក្រុង បាត់ដំបង។ពានរង្វាន់ទូកខ្លីអន្តរជាតិបុរស នារី លេខ១ បាន ពានរង្វាន់ ថវិការ ៦៦០,០០០ រៀល លេខ ២ ទង់ ១ ថវិការ ៤៤០,០០០ រៀល លេខ ៣ ទង់១ ថវិការ ៣៣០,០០០ រៀល។ ទូកខ្លីប្រពៃណី លេខ១ ទទួលបានពានរង្វាន់ ទង់១ ថវិការ
៦៦០,០០ រៀល លេខ ២ ទង់ ១ ថវិការ ៣៣០,០០០ រៀល។ ទូកវែងប្រពៃណី ចំណុះ ៤៩ នាក់ លេខ ១ ទទួលបានពានរង្វាន់ ទង់ ១ ថិការ ១,៦០០,០០០ រៀល លេខ ២ ទង់១ ថវិការ ១,៣០០,០០០ រៀល លេខ ៣ ទង់ ១ ថវិការ ១,០០០,០០០ រៀល។ ទូកវែងប្រពៃណីចំណុះ ៦៩ នាក់ លេខ ១ ទទួលបានពានរង្វាន់ ទង់ ១ ថវិការ ១,៦០០,០០០ រៀល លេខ ២ ទង់ ១ ថវិការ ១,៣០០,០០០ រៀល និង លេខ ១ ទង់ ១ ថវិការ ១,០០០,០០០ រៀល។
ក្នុងប្រសាសន៍ ប្រកាសបិទ ឯកឧត្តម ច័ន្ទ សុផល រយៈពេល ២ ថ្ងៃ កន្លងមកនេះ ប្រជាពលរដ្ឋទូទាំងខេត្ត បានចូលរួមទស្សនា ការប្រណាំងទូកក្នុងស្ទឹងសង្កែ យ៉ាងច្រើន កុះករពោរពេញដោយភាពសប្បាយរីករាយបំបាត់ទុក្ខកង្វល់ និងបង្កើនបានប្រាជ្ញាស្មារតី ពង្រីកកិច្ចការថ្មីៗ ទៀតក្នុងការអភិវឌ្ឍន៍សេដ្ឋកិច្ចគ្រួសារនិងសង្គម។នេះជា សក្ខីភាព បញ្ជាក់ឱ្យឃើញថាប្រជាពលរដ្ឋ ខេត្តបាត់ដំបង យើងបានប្រកាន់ខ្ជាប់នូវ ប្រពៃណីរបស់ដូនតាយើងចូលរួមគាំទ្រ និងចាត់ទុកការប្រណាំងទូក និង បណ្តែតប្រទីបនេះជាបុណ្យដ៏ធំ ដែលប្រជាពលរដ្ឋយើង មកពីគ្រប់ទិសទីប្រមូលផ្តំុ ដើរលេងសប្បាយ ។
គណកម្មាធិការបានរៀបចំកាន់តែមានភាពល្អប្រសើរ ស្រប ទៅនិងទិដ្ឋភាពច្រាំងដងស្ទឹងសង្កែ និងសួនច្បារតាមបណ្តោយមាត់ស្ទឹងផងនោះ ធ្វើឱ្យបរិយាកាសនៃការ ប្រណាំងទូក បណ្តែតប្រទីប ឆ្នាំនេះកាន់តែមានភាពអធិកអធម្ម និងរក្សាបាននូវភាពទាក់ទាញ ល្បីល្បាញពីប្រវត្ត នៃអ្នកចំរៀងកវីនិពន្ធជំនាន់មុន ដែលបានរៀប រាប់ពីជីវិតពិត សង្គមនូវអនុស្សាវរីយ៍ រាប់មិនអស់ទាក់ទង និងស្ទឹងសង្កែ។ក្នុងនាមរដ្ឋបាលខេត្តបាត់ដំបង ខ្ញុំសូមវាយតម្លៃខ្ពស់ និង មោទនៈភាពបំផុតចំពោះសមិទ្ធផល ដែល ខេត្តបាត់ដំបងយើង ទទួលបានលើការងារប្រឡងប្រណាំងទីក្រុងស្អាត ដែលទទួលបានពិន្ទុ នាំមុខ ផ្ការំដួល ៣ទង និងសូមឱ្យប្រជាពលរដ្ឋទូទាំងខេត្ត ទទួលបានភាពសុខសាន្ត និងការអភិវឌ្ឍន៍គ្រប់ៗគ្នា ៕
