ស្ទឹងត្រែង ៖ ឈើប្រណិតក្រញូងជិត១តោន និងរថយន្ត១គ្រឿង សេរីឡុចសីស៤៥០ ត្រូវកម្លាំងអាវុធហត្ថលើផ្ទៃប្រទេសសហការជាមួយកម្លាំងករាជអាវុធហត្ថខេត្តស្ទឹងត្រែង ចុះបង្ក្រាបខណៈកំពុងដឹកជញ្ចូនលើដងផ្លូវជាតិលេខ ៧៨ កាលពីម្សិលម៉ិញថ្ងៃ១៤ កុម្ភៈ ២០១៧ ក្នុងភូមិកាតូតឃុំកំផុន ស្រុកសេសាន ខេត្តស្ទឹងត្រែង ។
សមត្ថកិច្ចអោយដឹងថា រថយន្តដែលបង្ក្រាបបានខាងលើ ជារថយន្តម៉ាកឡុចស៉ីស៤៥០ពណ៌ខ្មៅ ពាក់ស្លាកលេខភ្នំពេញ 2E-3170 បានដឹកឈើក្រញូងពីស្រុកថា ឡាបរិវ៉ាត់គោលបំណងឆ្ពោះទៅកាន់ខេត្តទីផ្សារ នាំចេញទៅកាន់ប្រទេសវៀតណាម តែរថយន្តដឹកឈើក្រញូងនោះ បានបញ្ឆោតសមត្ថកិច្ចនៅចំនុចអូរពងមាន់ ធ្វើដំណើទៅខេត្តក្រចេះ រួចបកត្រលប់ក្រោយ ឆ្ពោះទៅខេត្តរតនគិរី ។
ដោយមានការសង្ស័យថា រថយន្តនោះអាចនិងបន្លំដឹកឈើកម្លាំង សមត្ថកិច្ចក៏បានប្រដេញស្ទាក់ចាប់បានតែម្តង រីឯតៃកុងបានរត់គេចខ្លួនបាត់ស្រមោលភ្លាមៗផងដែរ។
សមត្ថកិច្ចអោយដឹងទៀតថា ក្រោយការបង្ក្រាបសមត្ថកិច្ចបាននាំយករថយន្តដឹកឈើក្រញូងទៅរក្សាទុក ដើម្បីប្រគល់អោយព្រៃ ។
លោកបញ្ចាក់ថា ឈើក្រញូងដែលបង្ក្រាបបាននោះ មានចំនួន៨១ដុំស្មើ៧៦៤គីឡូក្រាម ហើយបច្ចុប្បន្នត្រូវបានប្រគល់ទៅអោយជំនាញរដ្ឋបាលព្រៃឈើចាត់ការបន្តតាមនិតិវិធីច្បាប់ ។
គួរបញ្ជាក់ផងដែរថា ជំនាញមេព្រៃខេត្តស្ទឹងត្រែងហាក់បីដូចជាព្រងើយកន្តើយ ចំពោះការងាររបស់ខ្លួន ដោយបណ្តែតបណ្តោយអោយចរាចរឈើគ្រប់ប្រភេទចេញគ្រប់ល្ហក ពីក្នុងខេត្តស្ទឹងត្រែងហើយមិនមានការចុះបង្ក្រាបឡើយ សង្ស័យតែមានការឃុបឃិតគ្នាជាមួយឈ្មួញ ទើបបានចរាចរទៅបានរួចចាំតែទទួលវត្ថុតាងពីកម្លាំងសមត្ថកិច្ចកម្លាំងប្រដាប់អាវុធបង្ក្រាបបាន ៕
ដោយ ៖ ឡុង កាន់សំនៀង
