ស្វាយរៀង៖រហូតមកដល់ថ្ងៃទី១៣ ខែកុម្ភៈ ឆ្នាំ២០១៧នេះ កងកម្លាំងចម្រុះ នៃគណកម្មការបង្ក្រាបបទល្មើសថ្នាក់ជាតិ និងថ្នាក់ខេត្ត រួមទាំងមេព្រៃចុះមកពីក្រសួង ដឹកនាំបញ្ផាដោយលោកព្រះរាជអាជ្ញាអមសាលាដំបូងខេត្តស្វាយរៀងផងនោះនៅមិនទាន់រាយការណ៍ឲ្យដឹងពីលទ្ធផលនៃការរកឃើញឃ្លាំងស្តុកឈើប្រណិតសម្រាប់នាំចេញទៅស្រុកយួននោះឡើយដែលធ្វើឲ្យមានការព្រួយបារម្ភថាប្រតិបត្តិការណ៍មួយនេះទទួលបានលទ្ធស្មើសូន្យ។សូមបញ្ជាក់ថា៖កងកម្លាំងចម្រុះមួយនេះបានចុះឆែកឆេរឃ្លាំងឈើចំនួន ៣កន្លែង ស្ថិតនៅក្នុងខេត្តស្វាយរៀង ចាប់តាំងពីថ្ងៃទី១០ ខែកុម្ភៈ ឆ្នាំ២០១៧មកម្លេះ ។ ជាក់ស្ដែងនៅក្នុងការការចុះឆែកឆេនេះសមត្តកិច្ចបានរក ឃើញឈើរាប់សឹបម៉ែតគូបនៅលើរថយន្តអាវេអង ចំនួន៧រថយន្តកន្លះ សង្ស័យថាមានភាពមិនប្រក្រតី ។ តែបើប្រពន្ធ លោកសាយដែលជាម្ចាស់ឃ្លាំង បានអះអាងថាឈើប្រណីតរាប់សិបម៉ែតគូបនេះគឺ សុទ្ធសឹងតែឈើមានច្បាប់(ស៊ិក)។ ប្រការនេះបានធ្វើឲ្យគេសង្ស័យថាម្ចាស់ឈើពិតប្រាកដគឺជាឧកញ៉ាលឹមប៊ុនណាហៅឧកញ៉ខ្នាព្រោះថាឧកញ៉ាឈ្មួញឈើល្បីឈ្មោះនៅភូមិភាគឥសាន្តរូបនេះគឺជាអ្នកដែលទទួលបានសិទ្ធប្រម៉ូលឈើពីបាតអាងសេសាន២ដែលឧកញ៉ាគិតម៉េងទទួលបានសិទ្ធកសាងទំនប់វ៉ារីអគ្គិសនី។
សូមបញ្ជាក់ដែរថា ឃ្លាំងឈើទី១-ឈ្មោះសាយនោះ បានយកទៅផ្ញើរក្នុងដេប៉ូឈើ ឈ្មោះ ឯក ស៊ីថា ស្ថិតក្នុងភូមិតាណែង និងឃ្លាំងចំនួនជាង៣រថយន្តកន្លះ ។ទី២- ទុកនៅចំណុចការ៉ាសសាំង ខ្លួនឯង《ឃ្លាំងលោកសាយ》ស្ថិតនៅក្នុងភូមិពោន នៅក្នុងឃុំសង្កែ ស្រុករំដួល ខេត្តស្វាយរៀងដូចគ្នាមានចំនួនជាង៤រថយន្ត អាវេអង ។ ចំណែកដេប៉ូទី៣- មានម្ចាស់ឈ្មោះ លាភ ជាក់ស្ពែងពុំមានឈើនៅលើរថយន្តនោះទេ តែមានឈើដុលៗ ធំៗ វែងៗ ជាច្រើនសង្ស័យថាលើសប៉េសេ 《ច្បាប់ដឹកជញ្ជូន》មាន ប្រហែល១០០ម៉ែត្រគូប តែម្ចាស់បានអះអាងថា ជាឈើមានច្បាប់ត្រឹមត្រូវដែរ? ។
បើយោងតាមការប៉ាន់ប្រមាណពីមហាជនបានឱ្យដឹងថា ឈើនៅលើរថយន្ត អាវេអងជាង៧រថយន្តនោះ មានចំនួនមិនក្រោមពីចំនួន៤០០ម៉ែត្រគូបនោះទេប្រសីនបើវាស់វែងត្រឹមត្រូវ។ ដូចការសន្និដ្ឋានខាងលើចឹងប្រជាពលរដ្ឋ មានការព្រួយបារម្ភ ខ្លាចក្រែងមាន សមត្ថកិច្ចខឹលខូចខ្លះ លួចស៊ិសស៊ុះ ឃុបឃិតគ្នា ជាមួយពួកឈ្មួញ មុខឌឺ ទាំងនោះ លួចទទួលសំណូក ឬលាភសក្ការៈផ្សេងៗ ហ៊ានភូតកុហក់លាក់បាំងជាមួយថ្នាក់លើ ធ្វើរបាយការណ៍ បន្ធូបន្ថយចំនួនឈើដែលខុសច្បាប់ ដើម្បីជួយសម្រាលដល់ពួកឈ្មួញ ក្នុងការចូលខ្លួនទៅបង់ពិន័យ ជូនរដ្ឋឱ្យបានត្រឹមត្រូវទៅតាមផ្លូវច្បាប់និងមិនឲ្យមានទោសពីបទប្រព្រឹត្តបទឧក្រឹដ្ឋព្រៃឈើ។
បានជាមានការព្រួយបារម្ភចឹងព្រោះតាំងពីថ្ងៃទី១៥មករាឆ្នាំ២០១៦រាជរដ្ឋាភិបាលបង្កើតឲ្យមានក្រុមប្រតិបត្តិការបទល្មើសព្រៃឈើចំរុះដឹកនាំដោយលោកនាយឧត្តមសេនីយ៍សៅសុខាមេបញ្ជារការប៉េអឹមលើផ្ទៃប្រទេសចុះបង្ក្រាបក្តៅគគូករកឃើញឈើប្រណិតល្មើសច្បាប់ជាង៧ម៉ឺនម៉ែតគូបតែរកមិនឃើញឧក្រឹដ្ឋជនបទល្មើសព្រៃឈើណា ម្នាក់មកផ្តន្ទាទោសឡើយបើទោះបីជាមានភស្តុតាងជាក់ស្តែងនៅតាមក្រុមហ៊ុនតាមឃ្លាំងឯកជនក៏ដោយ??។
ទោះជាយ៉ាងណាមួយករណីក្រោយនេះសង្ឃឹមថាសមត្តកិច្ចចំរុះនឹងបើកចំហរជាសាធារណៈអំពីសកម្មភាពវ៉ាស់វែងឈើដើម្បីដឹងថាឈើមកពីខាងណាពិតប្រកដហើយមេៗខាងលើនឹងចាត់វិធានការ យ៉ាងម៉ឺងម៉ាត់បំផុត ទៅតាមផ្លូវច្បាប់ មិនយោគយល់ ចំពោះបុគ្គលណា ដែលហ៊ានយកឋានៈ និងតួនាទីទៅប្រឡូកប្រឡាក់ ឬពាក់ព័ន្ធក្នុងរឿងអំពើពុករលួយ នេះជាមិខាន។ ព្រោះដើម្បីបញ្ជាក់ថាបទបញ្ជាដ៏ខ្ងខ្ពស់ របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាពិតជាមានប្រសីទ្ធីភាពមែន!!!៕