អាជ្ញាធរខេត្តបាត់ដំបងប្រារព្វពិធីបុណ្យអ៊ុំទូកប្រពៃណីជាតិលើកទី១៤ ក្នុងឱកាសអបអរសាទរបុណ្យចេញ ព្រះវស្សានៅដងស្ទឹងសង្កែ នៅថ្ងៃរសៀល ថ្ងៃទី០៧ នឹងទី០៨ ខែតុលា ឆ្នាំ២០១៤ ក្រោមអធិបតីភាពឯកឧត្តម អ៊ុក វង្ស ប្រធាន ក្រុមប្រឹក្សាខេត្តបាត់ដំបង ឯកឧត្តម ប៊ុន សេង មេបញ្ជាការរងទព័ជើងគោក និងជាមេបញ្ជាការ យោធា ភូមិភាគទី៥ ឯកឧត្តម ច័ន្ទ សុផល អភិបាលខេត្តបាត់ដំបង ។
ពិធីនេះ ក៏មានអញ្ជើញចូលរួមពីសំណាក់ គណប្រតិភូព្រះរាជាណាចក្រថៃ ខេត្ត ច័ន្ទ បូរីត្រាត នឹងខេត្ត សូរិន ខេត្តកំពង់ឆ្នាំង ខេត្ត ប៉ៃលិន ថ្នាក់ដឹកនាំមន្ត្រីរាជការ កងកម្លាំងប្រដាបអាវុធគ្រប់ប្រភេទជុំវិញខេត្ត កីឡាករ កីឡាការិនី ទូកទាំង ៣ខេត្ត សរុប ប្រមាណ ៨៨៦ នាក់ មានទូក ២២ទូក និងប្រជាពលរដ្ឋភ្ងៀវជាតិ នឹងអន្តរជាតិ
ចូលរួមរាប់ម៉ឺននាក់ផងដែរ។
បន្ទាប់ពីរបាយការណ៍របស់លោក អ៊ុយ វី សមាជិកក្រុមប្រឹក្សាខេត្ត នឹងប្រធានគណកម្មាធិការ រៀបចំអ៊ុំទូកខេត្ត បានបញ្ជាក់នៅក្នុងរបាយកាណ៍ថា ខេត្តបាត់ដំបង បានរៀបចំពិធីអ៊ុំទូកថ្នាក់ខេត្តនេះ ចាប់តាំងពីឆ្នាំ២០០០មក នឹងបន្តធ្វើជារៀងរាល់ ឆ្នាំ រហូតមកដល់ឆ្នាំ២០១៤នេះ គឺលើកទី ១៤ ហើយតែអាជ្ញាធរខេត្ត ក៏បានផ្អាក ២ ឆ្នាំ
ផ្ទួនៗ ពីឆ្នាំ២០១២ និងឆ្នាំ២០១៣ កន្លងទៅ លុះឆ្នាំ២០១៤ នេះ គណកម្មាធិការជាតិរៀបចំបុណ្យជាតិ និងអន្តរជាតិជាពិសេស សម្តេចតេជោហ៊ុនសែន បានអនុញ្ញាត ឱ្យធ្វើ ពិធី បុណ្យអ៊ុំទូកថ្នាក់ខេត្ត នឹងថ្នាក់ជាតិនេះឡើងវិញរួចមក ខេត្តបាត់ដំបង យើងបានប្រារព្វពិធីបុណ្យអ៊ុំទូកនេះឡើងវិញដើម្បី អបអរសាទររំលឹក ខួបដល់វីរៈ កងទ័ពជើងទឹកដ៏អង់អាចក្លាហាន ដែលបានប្រយុទ្ធយកជ័យជំនះលើខ្មាំងសត្រូវនាសម័យមុន ដែល មានស្នាដៃជាប្រវត្តសាស្ត្ររបស់កងទ័ពជើងទឹក កាលពីសម័យមុន ផងដែរ ។
ឯកឧត្តម អ៊ុក វង្ស ប្រធានក្រុមប្រឹក្សាខេត្តបាត់ដំបង មានប្រសាសន៍ស្វាគមន៍ទៅកាន់អង្គពិធី នឹងបានថ្លែងអំណរគុណដល់ ក្រុមការងារទាំងអស់ ដែលបានខិតខំរៀបចំ ពិធីនេះឡើង នាពេលនេះ ដើម្បីអបអរសាទរ បុណ្យអ៊ុំទូកថ្នាកខេត្តនេះឡើងដើម្បី ជ្រើស រើស ចំណាត់ថ្នាក់ល្អ យកទៅប្រកួតនៅរាជធានីភ្នំពេញ នាពេលខាងមុខនេះ នឹងប្រកាសបើកពិធីអ៊ុំទូកនេះចាប់ពីពេលនេះ តទៅ ៕
