បាត់ដំបង ៖ ប្រជាពលរដ្ឋរស់នៅក្នុងភូមិស្វាយជាតិរិះគន់ខ្លាំងៗថា អាជ្ញាធរឃុំរាំងកេសីថាបាននិងកំពុងឃុបឃិតគ្នាចាក់ដីលុបបឹងបូរាណមួយកន្លែងលក់យកលុយចែកគ្នា។
ប្រជាពលរដ្ឋបានឲ្យដឹងនៅថ្ងៃទី៧ខែកុម្ភះឆ្នាំ២០១៧ក្នុងពេលសកម្មភាពចាក់ដីនៅបន្តថា៖បឹងបូរាណមួយកន្លែងមានឈ្មោះថាបឹងស្វាយជាតិស្ថិតក្នុងភូមិស្វាយជាតិ ឃុំរាំងកេសី
ស្រុកសង្កែ ខេត្តបាត់ដំបង ដោយមានទំហំដី៦ហិកតា ។ពីដើមមកបឹងមួយនេះមានទឹកខួបប្រាំងខួបវស្សាមិនដែលដាច់ឡើយហើយប្រជាពលរដ្ឋក្នុងភូមិទាំងមូលអាស្រ័យផលប្រើប្រាស់ទឹកបឹងនេះទាំងអស់គ្នា តែក្រោយមកបឹងមានសភាពរាក់នឹងជួបគ្រោះរាំងស្ងួតខ្វះទឹកប្រើប្រាស់ផងនោះខាងអង្គការបានចំណាយលុយរាប់ម៉ឺនដុល្លារអោយពលរដ្ឋស្តារបានទឹកប្រើប្រាស់រហូតដល់សព្វថ្ងៃនេះ។
ពលរដ្ឋនិយាយទៀតថា៖អាជ្ញាធរភូមិឃុំរាំងកេសីនេះមិនត្រឹមតែមិនបានថែរក្សាអភិរក្សបឹងបូរាណទុកអោយបានគង់វង្សនោះទេថែមទាំងបានឃុបឃិតគ្នាចាក់ដីលុបបឹងពុះជាឡូលក់ក្នុងរូបភាពផ្សេងៗជាលេសដើម្បីយកលុយចែកគ្នាទៀតផង។
ពាក់ព័ន្ធទៅនឹងបឹងបូរាណនេះដែរ លោក ម៉ិញ ភឿត ជាមេឃុំរាំងកេសី បានប្រាប់ សារព័ត៌មានយើងថា៖បញ្ហាលុបបឹងនេះគឺលុបមែនប៉ុន្តែមិនមែនលុបទាំងស្រុងនោះទេគឺគ្រាន់តែលុបប្រវែង៥០ម៉ែត្រដែលជាចំណីផ្លូវរថភ្លើងប៉ុណ្ណោះដើម្បីអោយបងប្អូនដែលលក់ដូរនៅលើចិញ្ចើមចុះទៅលក់ខាងក្រោមវិញព្រោះគេជិតជួសជុលផ្លូវរថភ្លើងឆាប់ៗនេះហើយ។ ចំណែកថាលោកលុបដីបឹងលក់គឺមិនមែនទេគឺគ្រាន់តែបើសិនជាការលុបនោះចំណាយលុយអស់(មួយម៉ឺនដុល្លារ)លោកអោយប្រជាពលរដ្ឋដែលពាក់ព័ន្ធនៅលើដីនោះរៃអង្គាសគ្នាគ្រប់(មួយម៉ឺនដុល្លារ)ទៅអោយគេតែប៉ុណ្ណោះឃុំមិនកេងប្រវ័ញ្ចយកលុយនោះទេ។
ចំណែកលោក គឹម វណ្ណះ អភិបាលនៃគណះអភិបាលស្រុកសង្កែលោកថា៖មិនបានដឹងទេពាក់ព័ន្ធនឹងការលុបដីបឹងបូរាណមួយនេះ?។លោកបានចាត់អោយលោកសំចន្ថាអភិបាលរងស្រុកចុះទៅមើលហើយក្រោយមកមានការសម្របសម្រួលគ្នាជាមួយប្រជាពលរដ្ឋដោយព្រមព្រៀងគ្នាឲ្យលុប ប៉ុន្តែត្រូវកាយស្រះថ្មីនៅក្នុងបឹងនោះអោយពួកគាត់មួយផងដើម្បីបានទឹកប្រើប្រាស់។
ទោះជាយ៉ាងណាស់ប្រភពផ្សេងទៀតជាច្រើនបានរិះគន់ផងដែរថាបើទោះបីជាលោកមេឃុំចង់អភិវឌ្ឍន៍គួរតែររកទីកន្លែងផ្សេងមកអភិវឌ្ឍន៍អោយពួកគាត់ទៅលក់ដូរមិនគួរលុបយកបឹងបូរាណដែលជាបឹងអភិរក្សអោយរស់នៅលក់ដូរទីនោះទេបឹងមួយនេះគួរតែមានការស្តាឡើងវិញទើបត្រឹមត្រូវ.៕
