សៀមរាប ៖ នៅព្រឹកថ្ងៃទី ១០ ខែ កុម្ភៈ ឆ្នាំ ២០១៧ នគរបាលចរាចរហៅ ឃាត់រថយន្ត Mercedes សេរីទំនើបពណ៌ខ្មៅមួយគ្រឿងដែល លើសល្បឿនកំណត់ ដើម្បី ផាកពិន័យ ។ ប៉ុន្តែពេលចុះពីលើឡានមក យុវជនយុវជនដែលជាអ្នកបើកបរឡានស៊េរីទំនើបល្មើសច្បាប់បានស្ទុះមកវាយមន្ត្រីនគរបាលចរាចរតែម្ដង ។ ឃើញស្ថានភាពបែបនេះមន្ត្រីនគរបាលចរាចរក៏រួមគ្នាចាប់យុវជនរូបនេះបញ្ជូនទៅស្នងការដ្ឋាននគរបាលខេត្តសៀមរាបដើម្បីដោះស្រាយតាមផ្លូវច្បាប់។ ប៉ុន្តែគួរអោយសោកស្ដាយ ជនបង្កមិនទាន់បានទៅដល់ស្នងការដ្ឋានស្រួលបួលផងក៏ មានការអន្តរាគមន៍ពីអ្នកមានអំណាចនៅខេត្តសៀមរាបអោយដោះលែងជាបន្ទាន់តាមផ្លូវបាត់ ។
ទង្វើរបស់អ្នកមានអំណាចនៅខេត្តសៀមរាបអន្តរាគមន៍បែបនេះធ្វើអោយមន្ត្រីនគរបាលចរាចរជាអ្នកអនុវត្តច្បាប់អាក់អន់ចិត្តជាខ្លាំង ។ គេមិនដឹងថាអ្នកអន្តរាគមន៍ឲ្យដោះលែង ជាអ្នកណាទេតែប្រជាពលរដ្ឋបានស្គាល់ច្បាស់ថាយុវជនដែលបានប្រព្រឹត្តបទល្មើសពីរដងផ្ទួនគ្នាគឺជាកូនប្រុសលោក តោ គឹមស៊ាន សមាជិកក្រុមប្រឹក្សាខេត្តសៀមរាបដ៏មានឥទ្ធីពលម្នាក់។ស្រុកខ្មែរឲ្យតែមានធុនៗហ្នឹងតេជោសែននាយករដ្ឋមន្ត្រីចាំតែលាទៅទាន!!. សង្ឃឹមថា នឹងមានការពន្យល់ពីករណីមួយនេះ ពីភាគីពាក់ពន្ធ័ជាមិនខានថាហេតុអីបានវ៉ៃប៉ូលិស?ហេតុអីបានដោះលែង?៕
