ក្រចេះ ៖ រថយន្តសាំងយ៉ុងដឹកឈើកំពុងធ្វើសកម្មភាពដឹកជញ្ជូនយ៉ាងអនាធិបតេយ្យពេញទឹកពេញដី ឆ្លងកាត់ទឹកដីនៃក្រុងក្រចេះ ភ្ញាក់ផ្អើលដល់ប្រជាពលរដ្ឋ ប៉ុន្តែសមត្ថកិច្ច មន្ត្រីជំនាញរដ្ឋបាលមេព្រៃខេត្ត និងស្ថាប័នពាក់ព័ន្ធធើមិនដឹង? ។ប្រជាពលរដ្ឋនៅក្រុងក្រចេះ បានអោយដឹងថា៖ ក្នុងមួយថ្ងៃមានរថយន្តសាំងយ៉ុងដឹកឈើយ៉ាងតិចបំផុតមិនក្រោម១០០គ្រឿងនោះទេ បើពេលយប់វិញច្រើនជាងនោះទៅទៀត ហើយបើកលឿនដូចហោះ ថែមទាំងបង្កគ្រោះថ្នាក់ជាញឹកញាប់ទៀតផង ។
រថយន្តសាំងយ៉ុងដឹកឈើទាំងនោះ គឺឆ្លងកាត់ពីស្រុកសំបូរ ចិត្របុរី ក្រុងក្រចេះ ស្រុកឆ្លូង និងស្រុកស្នួល ហើយឆ្លងកាត់មុខស្នាក់ការសមត្ថកិច្ច មន្ត្រីជំនាញមេព្រៃជាច្រើនកន្លែង ប៉ុន្តែរថយន្តបទល្មើសទាំងនោះ បែរជាទៅដោយរលូនប្រកបដោយសុវត្ថិភាព ដោយគ្មានការចុះបង្ក្រាបពីកម្លាំងសមត្ថកិច្ច ជំនាញមេព្រៃអ្វីឡើយ រាប់ទាំងក្រុមកាងារបង្ក្រាប់ដឹកនាំដោយលោកនាយឧត្តមសេនីយ៍សៅសុខាទៀតស្ងាត់ឈឹងដែលធ្វើឲ្យប្រជាពលរដ្ឋគិតថាប្រហែលជាអស់លោកទាំងនោះ ត្រូវរូវគ្នាទទួលបានលាភសក្ការៈអស់ហើយ ។
ជាក់ស្តែង ឈ្មួញរកស៊ីដឹកឈើដុះស្លែម្នាក់ឈ្មោះ «ពៅ» ដ៏មានឥទ្ធិពលខ្លាំងក្លាដែលត្រូវបានគេស្គាល់ថា ជាមន្ត្រីនរគបាលខេត្តត្បូងឃ្មុំ សមត្ថកិច្ចជំនាញហាក់បីដូចជាមានការរអារក្នុងការបង្ក្រាបមេឈ្មួញឈើដ៏ធំមួយនេះ ។
ប្រពភពត័មាន បានបង្ហើបឲ្យដឹងថា ឈ្មួញទាំងនោះមានឈ្មោះ ឆយ , អូន ,ពៅ ,ឡាយ , ហុង , មនោ ដែលជាក្រុមឈ្មួញដ៏សកម្មក្នុងការ
រកស៊ីដឹកជញ្ជូនឈើ ហើយបានរត់ការបង់ក្បាលឡាន និងដាក់ខែអោយសមត្ថកិច្ច និងជំនាញមេព្រៃ នៅតាមដងផ្លូវអស់ហើយ ។
ប្រភពដដែលបានបន្តថានៅក្នុងជំនួញឈើខុសច្បាប់របស់មន្ត្រីនគរបាលរូបនេះ គឺគេមានដៃគូរដ៏ល្បីម្នាក់ទៀត ជាអ្នកសារពត៍មានប្រចាំខេត្តក្រចេះ ហើយជាចាងហ្វាងកាសែតដែរ។អ្នក ទាំងពីរបានចាប់ដៃគូនឹងគ្នាក្នុងការប្រកបរបរកស៊ីដឹកជញ្ជូនឈើខុសច្បាប់ដឹកតាមរថយន្តសាំយ៉ុងម្តងៗមិនតិចជាង១០គ្រឿងធ្វើចរាចរណ៍ឈើដោយមិនខ្វាយខ្វល់ពីទង្វើខុសច្បាប់ឡើយ ពិសេសមិនខ្វល់ពីសុវត្ថិភាពរបស់អ្នកធ្វើដំណើរតាមដងផ្លូវឡើយ ។
ប្រភពដដែលបន្តថាសកម្មភាពដឹកជញ្ជូនឈើខុសច្បាប់ទាំងអស់នោះត្រូវបានឈ្មួញប្រមូលទិញពីតបន់នាៗស្ថិតក្នុងចំនុចភ្នំខៀវជាប់ព្រំប្រទល់ក្រចេះ_ស្ទឹងត្រែងក្នុងភូមិសាស្ត្រអូរកណ្តៀឃុំអូរគ្រៀងស្រុកសំបូរខេត្តក្រចេះឆ្លងកាត់ស្រុកឆ្លូងឆ្ពោះទៅខេត្តត្បូងឃ្មុំ បានយ៉ាងរលូនដោយមានការឃុបឃិតពីមន្ត្រីជំនាញព្រៃឈើក្រចេះមួយចំនួនរួមនិងសមត្ថកិច្ចពាក់ព័ន្ធតាមដងផ្លូវជួយ សម្រួលបើកផ្លូវផងដែរ ។
ជាក់ស្តែងកាលពីយប់ថ្ងៃទី០១ខែគុម្ភៈឆ្នាំ២០១៧មានក្បួនរថយន្តរបស់មេឈ្មួញខាងលើបានធ្វើចរាចរណ៏ដឹកឈើខុសច្បាប់តាមរថយន្តសាំយ៉ុងមានចំនួនប្រមាណ១០គ្រឿងយ៉ាងរលូនលើដងផ្លូវជាតិលេខ៧ ។
ប្រភពមួយផ្សេងទៀតបានឲ្យដឹងដែរថា ជាមួយនិងសកម្មភាពខាងលើនេះអាចដំណើរការទៅបានគឺដោយមានឈ្មោះ«ពៅជាមន្ត្រីនគរបាលមកពីខេត្តត្បូងឃ្មុំ ជិះរថយន្តបាឡែន រត់ការជួបជាមួយជំនាញ និងសមត្ថកិច្ចពាក់ព័ន្ធ ។
ទាក់ទងនឹងបញ្ហាខាងលើនេះយើងមិនអាចទំនាក់ ទំនងសុំការបំភ្លឺពីលោក បួយ រតនា នាយផ្នែករដ្ឋបាលព្រៃឈើក្រចេះបានឡើយ ព្រោះថាទូរស័ព្ទខលចូលតែពុំមានការឆ្លើយតប ។