ខេត្តឧត្តមានជ័យ ៖ ក្រោមបទបញ្ជារបស់ឯកឧត្តម សរ ថាវី អភិបាលខេត្តឧត្តមានជ័យ លោក សូត ស៊ីសុឃៀង ប្រធានមន្ទីកសិកម្ម ខេត្តឧត្តមានជ័យ និង លោក អឹម សាវរឹទ្ធ នាយខណ្ឌរដ្ឋបាលព្រៃឈើខេត្ត បានសហការជាមួយនិងកងកំលាំងអន្តរាគមន៍ពិសេស នៃស្នងការនគបាលខេត្ត ដឹកនាំដោយលោកឧត្ដមសេនីត្រី ហង្ស បូ បានចុះធ្វើការបង្ក្រាបឃ្លាំងស្តុកលាក់ទុកឈើក្រញូងដ៍ធំជាង នៅស្រុកអន្លង់វែងរបស់ជនជាតិវៀតណាម ឈ្មោះយាយ ម៉ៃ និងឈ្មោះ ទូ កាលពីថ្ងៃទី៤ កុម្ភៈ ឆ្នាំ២០១៧ នៅទីតាំងឃ្លាំងលាក់ទុកឈើក្រញូង ស្ថិតនៅក្នុងភូមិអភិវឌ្ឍន៍ ឃុំត្រពាំងប្រិយ ស្រុកអន្លង់វែង ខេត្តឧត្តមានជ័យ ។
តែអ្វីគួឲ្យចាប់អារម្មណ៍នៅត្រង់ថា លទ្ធផលរាយការណ៍ដោយសមត្តកិច្ចគឺបង្ហាញពីការឃុបឃឹតគ្នាជួយលាក់ឈើដែលរកឃើញឲ្យឈ្មួញ។
យោងតាមសេចក្តីរាយការណ៍របស់សមត្ថកិច្ចនៅក្នុងយុទ្ធនាការចុះបង្ក្រាបឃ្លាំងស្តុបឈើក្រញូង និងធ្វើការរឹបអូសឈើក្រញូង ដែលបានធ្វើឡើងមួយថ្ងៃពេញ ដោយសមត្ថកិច្ចចម្រុះខេត្តឧត្តមានជ័យ ពួកគេបានធ្វើការរឹបអូសបានឈើក្រូងញូងបានជាងពីតោន និងម៉ាស៊ីនតាប ចំនួន៣គ្រឿង ជញ្ជីងថ្លឹង និងផ្លែរណាជ្រាកជាច្រើន ។ ផ្ទុយទៅវិញ ប្រភពច្បាស់ការណ៍បានបង្ហើបអោយដឹងថា ឈើក្រញូងដែលបានស្តុកទុកនៅក្នុងឃ្លាំងរបស់ជនជាតិវៀតណាមឈ្មោះយាយម៉ៃ និងឈ្មោះទូ មានចំនួនជិត៧តោនឯណោះ គឺខុសគ្នានិងរបាយការណ៍សមត្ថកិច្ចដូចមេឃនិងដី ដែលថ្វើឲ្យគេសង្ស័យថា ៖ សមត្ថកិច្ចទាំងនោះ បានត្រូវរ៉ូវនិងឃុបឃិតគ្នាយកឈើទៅលក់នៅគ្រាដែលបញ្ជូនវត្ថុតាងទាំងនោះទៅរក្សារទុកនៅខណ្ឌ័រដ្ឋបាលព្រៃឈើ។
បើតាមការអោយដឹងពីរនាក់នៅក្នុងហេតុការណ៍ដែលសុំលាក់ឈ្មោះបានអោយដឹងថា ៖ ឈើក្រញូងដែលសមត្ថកិច្ចរឹបអូសបានចំនួនបីរថយន្ដ ១.រថយន្ដសារ៉ែនម៉ាកអ៊ីស៊ុយៗរបស់នគបាលអន្តរាគមន៍ស្នងការ ទី២ រថយន្ដត្រៃតុនរបស់ខណ្ឌ័រដ្ឋបាលព្រៃឈើ និងទី៣ រថយន្ដស្ទូចម៉ាកហ្វុយហ្សូ ។ ដែលរដ្ឋយន្ដទាំងបី សុទ្ធតែផ្ទុកឈើពេញប្រៀបទាំងអស់ ។
បើតាមការសន្និដ្ឋានទាំងក្រុមការងាចូលរូមផ្សេងនោះ គ្រាន់តែរថយន្ដស្ទួចមួយគ្រឿងក៍ផ្ទុកបានឈើក្រញូងជាងបីតោនដែរ ។ នេះមិនគិតពីឈើធ្នង់បូកចូលជាមួយផងនោះ។
លោក សូត ស៊ីសុខឃៀង ប្រធានមន្ទីកសិកម្មខេត្តឧត្តមានជ័យ លោកមិនបញ្ជាក់អំពីទិន្នយ័ពិត អំពីវត្ថុតាងបទល្មើសឈើក្រញូងដែលបង្ក្រាបបាននោះឡើយនៅថ្ងៃអាទិត្យ ទី៥ខែកុម្ភៈនេះ ។
រីឯលោក អឹម សាវរឹទ្ធ ក៍ឆ្លើយរបៀបការទូតមិនខុសគ្នាប៉ុន្មានទេដោយ លោកថា រង់ចាំបន្តិច បើចង់ច្បាស់អោយសួរទៅលោកប្រៃងាម ដែលជាមន្ត្រីមន្ទីព៍ត័មានខេត្តទៅវិញ ។ នេះហើយដែលគេកំពុងសង្ស័យថា មន្ត្រីជុំនាញពាក់ព័ន្ធកំពុងតែឆ្លើយដាក់គ្នា ដែលធ្វើអោយវត្ថុតាងឈើក្រញូងបាត់ច្រើនដ៍សែនលើសលុប ។
ករណីឃុបឃឹតគ្នាស៊ីករណីនៃការចុះបង្ក្រាបឃ្លាំងឈើរបស់ឈ្មញយួនល្បីឈ្មោះនេះ ប្រសិនបើអង្គភាពប្រឆាំងអំពើពុករលួយចង់ស្រាវជ្រាវងាយស្រួលចាប់អ្នកប្រព្រឹត្តដាក់គុកដូចបកចេកចឹង! ៕
