ក្រចេះ ៖ នគរបាលស្រុកសំបូរ រួមជាមួយកម្លាំងនគរបាលប៉ុស្ដិ៍រដ្ឋបាលក្បាលដំរី បានសហការជាមួយជំនាញរដ្ឋបាលព្រៃឈើសង្កាត់សណ្ដាន់ ក្រោមបញ្ជាលោក ធុច បញ្ចសន្តិភាព ព្រះរាជអាជ្ញារងសាលាដំបូងខេត្តក្រចេះ បានឃាត់រថយន្ដសាំងយ៉ុងដឹកឈើ ១ គ្រឿង និងឃាត់ខ្លួនអ្នកពាក់ពន្ធ័និងអ្នកនៅនិងកន្លែងដឹកឈើចំនួន៨នាក់ រួមនឹងវត្ថុតាង ។
ប្រតិបត្តិការនេះធ្វើឡើងនៅវេលាម៉ោង១១និង៣០នាទីថ្ងៃទីខែកុម្ភៈ ឆ្នាំ២០១៧ នៅភូមិអូរពោរឃុំក្បាលដំរីស្រុកសំបូរខេត្តក្រចេះ ។
នគរបាលស្រុកសំបូរបញ្ជាក់ឲ្យដឹងថា រថយន្ដ១គ្រឿងនោះម៉ាក់សាំងយ៉ុង ស្លាកលេខភ្នុំពេញ2Y8445 ដឹកសសរចំនួន៨ដើម និងឈើក្ដារបន្ទះ ចំនួន១៩សន្លឹក ប្រវែង៣មែត្រ និងឃាត់ខ្លួនមនុស្សចំនួន៨នាក់ ៣នាក់់ជាប់ពាក់ពន្ធនឹងដឹកឈើខុសច្បាប់ និង៥នាក់ទៀតជាប់ពាក់ពន្ធ័ពីបទកំហែងយក ដោយអ្នកទាំង៥នាក់ ជាមន្ត្រីអង្គការការពារបរិស្ថាននិងសិទ្ធពលរដ្ឋកម្ពុជា ហើយ អ្នកទាំងនេះបានឃាត់រថយន្ដសាំងយ៉ុង១គ្រឿងដឹកឈើយកមកទុកផ្ទះខ្លួនឯង ដើម្បី ជំរិតទារប្រាក់។
លោក ណយ ស៊ីថាច អធិការងស្រុកសំបូរទទួលកាងារយុត្តិធម៌ បានឲ្យដឹងថា ក្រោយពីឃាត់ខ្លួនអ្នកទាំង៥នាក់ ជាមន្ត្រីអង្គការការពារបរិស្ថាន និងរថយន្ដរបស់ពួកគេចំនួន២គ្រឿង យកទៅសួរនាំ ហើយ កម្លាំងចែកក្នុងរថយន្ដអ្នកទាំង ៥ នោះ រកឃើញកាំបិតផ្គាក់ និងកាំបិតតាំងតោក្នុងរថយន្ដ ។
ជនសង្ស័យទី១ ៖ ឈ្មោះ ស៊ីម គឹមស៊ា ភេទប្រុសអាយុ២៧ រស់នៅភូមិអូពោឃុំក្បាលដំរីស្រុកសំបូរខេត្តក្រចេះ ។
ទី២ ឈ្មោះ រាជ ប្រកប ភេទប្រុសអាយុ៤០ឆ្នាំ រស់នៅភូមិស្រែត្រែងឃុំក្បាលដំរីស្រុកសំបូរខេត្តក្រចេះ ។ ទី៣ ឈ្មោះ ថៃ លាង ភេទប្រុសអាយុ២៦ឆ្នាំ មានទីលំនៅភូមិទី១ ឃុំកោះសំរោង ស្រុកកំពងសៀម ខេត្តកំពង់ចាម ។ ទី៤ឈ្មោះ ប៊ុន ចាន់ ថ្លាភេទប្រុសអាយុ១៩ឆ្នាំ រស់នៅភូមិអូពោឃុំក្បាលដំរីស្រុកសំបូ ខេត្តក្រចេះ និងទី៥ ឈ្មោះ ឡៃ សេងហ៊ាប ភេទប្រុសអាយុ៣៧ឆ្នាំ រស់នៅភូមិសណ្ដាន់ឃុំសណ្ដាន់ ស្រុកសំបូរ ខេត្តក្រចេះ ។ អ្នកទាំង៥នាក់មុខរបរធ្វើការអង្គការការពាបរិស្ថាននិងសិទ្ធពលរដ្ឋកម្ពុជា។
បច្ចប្បន្នអ្នកទាំង ៥ នាក់ត្រូវនគរបាលឃាត់ខ្លួនបណ្ដោះអាសន្ន នៅអធិការដ្នាននគរបាលស្រុកសំបូរ ដើម្បី សួរនាំបន្ដនិតិវិធី ។ ដោយឡែក មនុស្ស៣នាក់ដែលជាម្ចាស់រថយន្ដនិងព្រូរថយន្ដដឹកឈើនោះ ត្រូវឃាត់ខ្លួនបណ្ដោះអាសន្ននៅសង្កាត់រដ្ឋបាលព្រៃឈើសណ្ដាន់ ដើម្បី កសាងសំសុំរឿងតាមនិតិវីធីរដ្ឋបាលព្រៃឈើ ។
សូមបញ្ជាក់ថា ក្នុងចំណោម៥នាក់ជាមន្ត្រីអង្គការការពាបរិស្ថាន និងសិទ្ធិពលរដ្ឋកម្ពុជាឈ្មោះ ស៊ីម គឺមស៊ា ជាមេខ្លោងកន្លងមកធ្លាប់ប្រដេញរថយន្ដដឹកឈើបន្ដិចបន្តួច បណ្ដាលឲ្យក្រឡាប់ពីលើផ្លូវ និងរបួសអ្នកជិះក្នុងរថយន្ដដឹកឈើជាច្រើននាក់ទៀតផង ។ មិនតែប៉ុណ្ណោះ ក្រុមអង្គការការពារបរិស្ថាន និងសិទ្ធិពលរដ្ឋកម្ពុជានេះ តែងតែធ្វើសកម្មភាពបើករថយន្ដប្រដេញឡានរាល់ថ្ងៃលើកំណាត់ផ្លូវជាតិលេខ ៧ ស្ថិតនៅស្រុកសំបូរ ៕
