រតនគិរី ៖ ស្ដ្រីរងគ្រោះម្នាក់បានដាក់ពាក្យប្ដឹងអាជីវករផ្សារបានលុងចំនួន៥នាក់ម្ដាយនិងកូនទៅតុលាការពីករណីព្រួតគ្នាវាយទៅលើខ្លួនបណ្ដាលឱ្យរងរបួសជាទម្ងន់ដោយទាមទារសំណងជំងឺចិត្ដចំនួន១០ម៉ឺនដុល្លារ។
ជនដៃដល់ទាំង៥នាក់ដែលព្រួតគ្នាវាជនរងគ្រោះនោះរួមមានទី១ឈ្មោះហេងផល្លីភេទស្រីយុ៤៥ឆ្នាំជនជាតិខ្មែរមានរបរលក់ចានឆ្នាំទី២ឈ្មោះសៀគឹមអៀងភេទស្រីអាយុ២៨ឆ្នាំទី៣ឈ្មោះសៀស្រីពេជ្រភេទស្រីអាយុ២៦ឆ្នាំទី៤ឈ្មោះសៀដារាភេទប្រុសអាយុ២៣ឆ្នាំនិងទី៥ឈ្មោះសៀដារូភេទប្រុសអាយុ២៦ឆ្នាំពួកគេជាម្ដាយនិងកូនរស់នៅភូមិជ័យជំន:សង្កាត់ឡាបានសៀកក្រុងបានលុង។
ចំណែកស្ដ្រីរងគ្រោះឈ្មោះសេងចាន់ហមអាយុ៣៩ឆ្នាំជនជាតិខ្មែរមានទីលំនៅភូមិ១សង្កាត់ឡាបានសៀកក្រុងបានលុងមានរបរលក់អង្ករនៅក្បែរជនសង្ស័យ។
គួរបញ្ជាក់ថា កាលពីព្រឹកថ្ងៃទី២៦ ខែមករា ឆ្នាំ២០១៧ ជនសង្ស័យឈ្មោះ សៀង គឹមអៀង បាននិយាយពាក្យដដែលៗម្ដងជាពីរដងថា អញនឹងវាយងែងទាល់តែងាប់ រួចដើរចូលគុក ។ ប៉ុន្ដែពាក្យសំដីទាំងនោះ មិនសំដៅចំឈ្មោះជនណាម្នាក់ឡើយ។
លុះដល់វេលាម៉ោងប្រហែលបួនល្ងាចថ្ងៃដដែលនោះ ក៏មានបុរសម្នាក់បានជិះម៉ូតូចូលទៅចតនៅខាងមុខតូបរបស់ជនសង្ស័យ គឺម៉ូយរកទិញអីវ៉ាន ។ ម៉ួយនោះបានដើរហួសទៅរកទិញអង្ករបស់ខ្ញុំ(ស្ដ្រីរងគ្រោះ) ហើយភ្លាមនោះ ខាងជនសង្ស័យឈ្មោះ សៀ ស្រីពេជ្រ ក៏បានស្រែកប្រាប់អ្នកទិញអង្ករថា កុំយកម៉ូតូមកចតនៅកន្លែងហ្នឹង បើទិញអីវ៉ាន់កន្លែងណា ឱ្យឈប់ម៉ូតូកន្លែងនុងទៅ ។
ជនរងគ្រោះបានប្រាប់អ្នកព័ត៌មានយើងឱ្យដឹងថាក្រោយពីស្ដីឱ្យអ្នកទិញអង្ករស្ដ្រីឈ្មោះហេងផល្លីរួមនិងកូនបួននាក់បានដើសំដៅទៅរកគាត់ហើយឈ្មោះហេងផល្លីស្រែកថាង៉ែងខ្លាំងអីអញវាយង៉ែងទាល់តែងាប់រួចពួកគេនាំគ្នាសម្រុកចូលទៅចាប់វាយដូចជាសត្រូវស៊ីសាច់ហុតឈាមអីចឹងអ្នកខ្លះចាប់បោចសក់អ្នកខ្លះខាំដៃអ្នកខ្លះទៀតវាយដំលើដងខ្លួននិងក្បាលបណ្ដាលឱ្យដួលរួចទាត់ធាក់ផ្ទប់ទៅនឹងដីស្ទើតែស្លាប់បាត់បង់ជីវិត។
ស្ដ្រីរងគ្រោះបានបន្ដឱ្យដឹងទៀតថាពេលជាមួយគ្នានោះកូនស្រីខ្ញុំដែលទើបតែសម្រាលកូនបានបីខែបានបង្ខំចិត្ដចូលទៅជួយខ្ញុំហើយក៏ត្រូវពួកគេចាប់វាយជាច្រើនដៃទៅលើនាងបណ្ដាលឱ្យធ្លាក់ខ្លួនឈឺធ្ងន់ដែរ។
លោក មាស ពៅបូរ៉ា ស្នងការរងទទួលបន្ទុកការិយាល័យនគរបាលព្រហ្មទណ្ឌកំរិតស្រាល បានឱ្យអ្នកសារព័ត៌មានដឹងតាមទូរស័ព្ទកាលពីថ្ងៃទី៦ខែកុម្ភះនេះថាករណីជនសង្ស័យ៥នាក់ម្ដាយនិងកូនដែលព្រួតគ្នាវាយស្ដ្រីម្នាក់លក់អង្ករនៅផ្សារបានលុងភ្លាមៗនោះកម្លាំងយើងបានចុះទៅឃាត់ខ្លួនបានពីរនាក់គឺម្ដាយនិងកូនរួចបញ្ជូនពួកគេមកកាន់ស្នងការខេត្ដធ្វើកាសាក់សួរ។
លោកស្នងការរងបានបន្ដឱ្យដឹងទៀតថា យើងបានធ្វើការសាកសួរជនសង្ស័យរួច ក៏បានបង្កសំណុំរឿងនោះ បញ្ជូនខ្លួនពួកគេទាំងពីរនាក់ទៅតុលាការកាលពីថ្ងៃទី២៨ខែមករាដើម្បីឱ្យជួយចាត់ការបន្ដតាមនិតិវិធីច្បាប់ ។ ប៉ុន្ដែបើខាងជនរងគ្រោះចង់ប្ដឹងម្ទាស់ និងការសម្រេចរបស់តុលាការនោះគឺជាសិទ្ធិរបស់ពួកគាត់ទេ។
នៅក្នុងរឿងនោះដែរ ខាងជនរងគ្រោះ គឺអ្នកស្រី សេង ចាន់ហម បានអះអាងប្រាប់អ្នកសារព័ត៌មានថា តុលាការបានដោះលែងជនសង្ស័យទាំងពីរនាក់នោះ ដោយមិនមានការព្រមព្រាងជាមួយជនរងគ្រោះនោះឡើយ គឺដោះលែងដោយស្ងាត់ៗ ចូលតាមទ្វារមុខចេញតាមទ្វារក្រោយ ខណ:ពេលខ្ញុំកំពុងសម្រាកព្យាបាលមុខរបួស ។
អ្នកស្រីបានបញ្ជាក់ថា ក្រោយពីតុលាការដោះលែងជនសង្ស័យរួចនៅទី៣០ ខែមករា ខាងចៅក្រមបានកោះហៅខ្ញុំឱ្យចូលទៅបំភ្លឺជុំវិញដំណើររឿងនោះ ។ នៅពេលនោះដែរ ខ្ញុំបានបន្ដដាក់ប្ដឹងពីពួកគេទាំង ៥ នាក់នោះ ទៅសាលាឧទ្ទរ គឺតាមរយ:តុលាការខេត្ដ ដើម្បីសុំឱ្យលោកជួយរកយុត្តិធម៌ជូននាងខ្ញុំនិងទាមសំណងជំងឺចិត្ដចំនួន១០ម៉ឺនដុល្លារ ។
លោកស្រី ជ័យ មាលា ចៅក្រមស៊ើបសួរសាលាដំបូងខេត្ដរតគិរី បានបញ្ជាក់ប្រាប់អ្នកសារព័ត៌មានឱ្យដឹងដោយខ្លីតាមទូរស័ព្ទ កាលពីថ្ងៃទី៦ ខែកុម្ភ: ឆ្នាំ២០១៧ ថា ករណីដោះលែងជនសង្ស័យខាងលើ មិនមែនជាការជំនុំជម្រោះដែលត្រូវបង្ហាញជាសាធារណ:ទេ ។ បើមានការអីលោកអាចទាក់ទងទៅលោកសួសឡាប្រធានតុលាការទៅ។
លោក សួស ឡា ប្រធានតុលាការខេត្ដរនគិរីធ្លាប់បានបញ្ជាក់ប្រាប់អ្នកសារព័ត៌មានថា ការដោះលេងជនសង្ស័យខាងលើគឺពុំមានស្ថានទំងន់ទោស ហើយជននោះគឺឋិតនៅក្រោមការឃ្លាំមើលរបស់ តុលាការ៕
ម៉ី មេងហ៊ុយ រតនគិរី