កិច្ចប្រជុំសាមញ្ញោលីកទី៥ អាណត្តិទី២ របស់ក្រុមប្រឹក្សាខេត្តបាត់ដំបង បានប្រព្រឹត្តទៅកាលពីរសៀលថ្ងៃទី២ ខែតុលា នៅសាលប្រជុំសាលាខេត្ត ក្រោមអធិបតីភាពឯកឧត្តម អ៊ុក វង្ស ប្រធានក្រុមប្រឹក្សាខេត្ត ហើយក៏មានវត្តមាន ឯកឧត្តម លោក លោកស្រី ជាអភិបាល អភិបាលរង នៃគណអភិបាលខេត្ត អញ្ជើញចូមរួមផងដែរ។
ក្រោយពីប្រសាសន៍បើកអង្គប្រជុំ របស់ឯកឧត្តមប្រធានក្រុមប្រឹក្សា និងការពិនិត្យ ដោយលោក សឿម ប៊ុនរិទ្ធី នាយក រដ្ឋបាលសាលាខេត្តរួចមក អង្គប្រជុំបានអនុម័ត សេចក្តីព្រាងរបៀបថាៈ កិច្ចប្រជុំសាមញ្ញោលីកទី៥ ក៏ដូចជាពិនិត្យអនុម័តសេចក្តី ព្រាងកំណត់ហេតុ កិច្ចប្រជុំសាមញ្ញោលីកទី ៤ កាលពីថ្ងៃទី២៩ ខែសីហា ឆ្នាំ២០១៤ និងស្តាប់របាយការ សកម្មភាពការងារ របស់ គណកម្មាធិការ ពីគ្រោះយោបល់ កិច្ចការស្ត្រី និងកុមារ ប្រចាំខែកញ្ញ របស់លោកជំទាវ អ៊ីវ តារា ប្រធាន គ,ក,ស,ក ខេត្ត បាន បញ្ជាក់ពីសកម្មភាព លទ្ធផលការងារមានៈ សកម្មភាពលទ្ធផលការងារ របស់សមាជិក គ,ក,ស,ក មកពីមន្ទីរអង្គភាពជំនាញ ការងារសង្គមកិច្ច អតីតយុទ្ធជន និងយុវជាតិសម្បទា កាងារកិច្ចការនារី ការងារស្នងការដ្ឋាន នគរបាលខេត្ត ការងារអភិវឌ្ឍន៍ ជនបទ ការងារអប់រំយុវជន និងកីឡា និងការងារកសិកម្មជាដើម។
ទន្ទឹមនិងនោះអង្គប្រជុំបានពិនិត្យពិភាក្សា និងអនុម័តលើសេចក្តីព្រាង សេចក្តីសម្រេចស្តីពីការបែងចែកភារៈកិច្ច ជូនដល់ សមាជិកក្រុមប្រឹក្សាខេត្ត បានជួយប្រាស្រ័យទាក់ទង និងសហការជាមួយក្រុមប្រឹក្សាក្រុង ស្រុក ឃុំ សង្កាត់ មន្ទីរអង្គភាពជំនាញ និងជាមួយសហគម ប្រជាពលរដ្ឋក្នុងខេត្ត ព្រមទាំងបានពិនិត្យពិភាក្សា និងអនុម័តលើសេចក្តីព្រាង ប្រតិទិនការងារ សម្រាប់ ដំណេរិការកសាងផែនការអភិវឌ្ឍន៍ ៥ ឆ្នាំ ២០១៥-២០១៩ និងពិនិត្យពិភាក្សា អនុម័តសេចក្តីព្រាងប្រតិទិន ការងារសម្រាប់ ដំណើរការកសាង កម្មវិធី វិនិយោគបីឆ្នាំរំកិល ២០១៥-២០១៧ របស់ខេត្ត។
ឯកឧត្តម អ៊ុក វង្ស បានកោតសរសើរ និងវាយតម្លៃខ្ពស់ ចំពោះសកម្មភាពការងារដ៏មមាញឹករបស់គណអភិបាលខេត្ត រយៈពេលមួយខែកន្លងមក សម្រេចបានលទ្ធផលគួរកត់សំគាល់ និងថ្លែងអំណគុណ ដល់សមាជិកក្រុមប្រឹក្សាខេត្តទាំងអស់ ដែល បានចូលរួមពិភាក្សា ប្តូរយោបល់យ៉ាងផុលផុស ក្នុងគោលដៅជំរុញការអភិវឌ្ឍន៍ លើគ្រប់វិស័យក្នុងខេត្ត ឱ្យកាន់តែមានសន្ទុះ មួយកំរិតថែមទៀត ៕