ខេត្តរតនគិរី ៖ បន្ទាប់ពីមានការស្ងប់ស្ងាត់បទល្មើសព្រៃឈើអ ស់រយៈពេលជាច្រើនថ្ងៃកន្លងមក ហើយ ឈ្មួញភាគច្រើន ពុំមានឃើញបន្តធ្វើសកម្មភាព ដឹកជញ្ជូនបទល្មើសព្រៃឈើចេញចូលសោះឡើយ។
ដោយឡែក ក្រុមឈ្មួញមួយចំនួនតូចឆ្លៀតឱកាសបន្តលួច លោតឆ័ត្រ ឆ្មក់ កញ្ឆក់កណ្តៀត ( បោះសន្ទូចរំលងភ្នំ ) តាមរថយន្តខ្នាតតូចស៑េរីទំនើបៗបំភ័ន្តភ្នែកសមត្ថកិច្ច។ល។
ជាក់ស្តែង រថយន្តម៉ាកកាម៉ារីគូទកាត់មួយគ្រឿងព័ណទឹកប្រាក់ពាក់ស្លាកលេខបាត់ដំបង 2A: 1428 ផ្ទុកឈើប្រណិតពេញណែនប្រភេទឈើធ្នុងដឹកចេញពីចំណុច ភូមិតឺន ឃុំ តឺន ស្រុកកូនមុំខេត្តរតនគិរី ឆ្ពោះមកក្រុងបានលុង ខណៈមកដល់ចំណុចរង្វង់មូលយាយទូលចេក ស្ថិតក្នុងភូមិ១ សង្កាត់កាចាញ ក្រុងបានលុង ខេត្តរតនគិរី ត្រូវកម្លាំងនគរបាលប្រឆាំងបទល្មើសសេដ្ធកិច្ចស្ទាក់ចាប់បង្ក្រាបបានភ្លាមៗតែម្តង។
មន្ត្រីនគរបាលដែលចុះបង្ក្រាបបានបង្ហើបអោយសារព័ត៏មានដំណឹងភ្នំពេញអោយដឹងថា៖ ការចុះបង្ក្រាបនេះធ្វើឡើងកាលពីយប់ថ្ងៃទី06ខែមករាឆ្នាំ 2017 (វេលាម៉ោង02,និង30នាទី រំលងអធ្រាត) ។
មន្ត្រីដដែលបន្តថា៖ ដោយមានការសហការល្អ ជាមួយភ្នាក់ងារសម្ងាត់ខិតខំយកចិត្តទុកដាក់ពួនស្ទាក់និងក្លំមើលសកម្មភាពដឹកជញ្ជូនបទល្មើសផ្សេងៗ ទើបឈានទៅ ធ្វើការចាប់បង្ក្រាបបានរថយន្តមួយគ្រឿងខាងលើនេះបានយ៉ាងរលូនតែ តែតៃកុងរថយន្តបើកទ្វារត់គេចខ្លួនបាត់ស្រមោល។
បច្ចុប្បន្នទាំងវត្វុតាង រថយន្ត សមត្ថកិច្ចនាំមករក្សាទុកទាំងយប់នៅស្នងការដ្ឋាននគរបាលខេត្ត ដើម្បីបំពេញសំណុំបែបបទបញ្ជូនអោយទៅជំនាញផ្នែករដ្ឋបាលព្រៃឈើលំផាត់ចាត់ការបន្តតាមនិតិវិធីច្បាប់ព្រៃឈើ ៕
ដោយ ៖ លោក ចាប សំអាន ប្រចាំខេត្តរតនគិរី
