ខេត្តក្រចេះ ៖ នៅរសៀលថ្ងៃទី០២ ខែកុម្ភៈ ឆ្នាំ២០១៧នេះ កម្លាំងនគរបាលការិយាល័យប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននរគបាលខេត្តក្រចេះ នឹងបញ្ជូនជនសង្ស័យម្នាក់ទៅកាន់សាលាដំបូងខេត្តក្រចេះ ពីបទប៉ុនប៉ងរំលោភសេពសសន្ថវៈ លើក្មេងស្រីអនីតិជន ក្មេងស្រីក្រមុំវ័យ១៥ឆ្នាំ ។
ហេតុការណ៏នេះ បានកើតឡើងកាលពីយប់ថ្ងៃទី០១ ខែកុម្ភៈ ឆ្នាំ២០១៧ កន្លងទៅនៅភូមិស្រែចា ឃុំស្វាយជ្រះ ស្រុកស្នួល ខេត្តក្រចេះ ។
លោក ប៊ុន នឿន អធិការរងនគរបាលស្រុកស្នួល បញ្ជាក់ថា ជនល្មើសត្រូវបានកម្លាំងនគរបាលចាប់ឃាត់ខ្លួនបាន បន្ទាប់ពីជននេះបានព្យាយាមឡើងទៅលើផ្ទះរបស់ក្មេងស្រីរងគ្រោះនៅភូមិស្រែចារ ឃុំស្វាយេជ្រះ ស្រុកស្នួល ដើម្បីធ្វើសកម្ម ភាពចាប់រំលោភលើរូបនាង កាលពីពាក់កណ្តាលយប់ថ្ងៃទី១ កុម្ភះ ឆ្នាំ២០១៧តែមិនបានសម្រេច។
លោកបានបន្តឲ្យដឹងទៀតថា នៅយប់ថ្ងៃកើតហេតុខណះដែល នាងបានដេកនៅលើផ្ទះតែម្នាក់ឯង ដោយសារតែឳពុកម្តាយមិននៅ ជាប់រវល់ទៅស៊ីឈ្នួលដកដំឡូង។
ឃើញឱកាសល្អ ជនល្មើសឈ្មោះ សំ បាត់ធា អាយុ៤១ឆ្នាំរស់នៅភូមិឃុំ ជាមួយគ្នា បានលួចឡើងទៅលើផ្ទះរបស់នាង និងបានធ្វើសកម្មភាពចាប់នាងរំលោភ។
បើតាមលោកអធិការរងបានឲ្យដឹងទៀតថា ក្នុងសកម្មភាពដែលជននេះបានចាប់ រំលោភលើរូបនាង គឺមិនបានសម្រេចនោះទេ ដោយសារតែនាងបានប្រឹងស្រែកអោយគេឯងជួយ និងប្រឹងរើបំរាស់ រហូតធ្លាក់ពីលើផ្ទះ រងរបួសលើរាងកាយ និងបានរត់ឲ្យគេជួយ ។
លោក កែវ ចន្ធី ប្រធានការិយាល័យប្រឆាំងការជួញដូរមនុស្ស និងការពារអនីតិជន បានឲ្យដឹងថា កាលពីព្រឹកថ្ងៃទី០២ ខែកុម្ភៈ ឆ្នាំ២០១៧ ក្រោយសួរនាំជនសង្ស័យលើករណីនេះជ ននោះបានសារភាពថា ខ្លួនបានប៉ុនប៉ងរំលោភពិតមែន ។ បច្ចុប្បន្នកម្លាំងរបស់លោកកំពុងកសាងសំនុំរឿងទៅសាលាដំបូងខេត្តក្រចេះ នៅរសៀលថ្ងៃទី០២ ខែកុម្ភៈ ឆ្នាំ២០១៧ ដើម្បីចាត់ការតាមនីតិវិធីច្បាប់ ៕
