ខេត្តរតនគិរី៖ ឈ្មួញឈើជាច្រើនអ្នកនៅក្នុងក្រុងបានលុង ខេត្តរតនគិរី បាននាំគ្នាដឹកជញ្ជូនឈើទាំងយប់ទាំងថ្ងៃ យកទៅលក់នៅប្រទេសវៀតណាមតាមផ្លូវជាតិលេខ៧៨ ឆ្ពោះទៅច្រកទ្វារអន្តរជាតិអូរយ៉ាដាវ ក្នុង១ថ្ងៃៗរាប់រយឡានតែមិនដែលឃើញសមត្ថកិច្ចជំនាញណាមួយរាប់តាំងពីមេព្រៃលោកកែបកតត់បង្ក្រាបនោះទេ គឺមានតែកត់ចំនួនក្បាលឡានដើម្បីយកលុយដាក់ក្នុងហោប៉ៅធ្វើមាន ធ្វើបាន រៀងៗខ្លួនតែប៉ុណ្ណោះ។ ក្រុមឈ្មួញឈើទាំងនោះមានឈ្មោះដូចជាស្រីល័ក្ខ យាយអ៊ី យាយអ៊ូក ស្រីពេជ្រ ស្រីល័ក្ខសក់ក្រហម ស្រីម៉ី និងឈ្មោះឡុង (ជនជាតិវៀតណាម)ព្រមទាំងប្រពន្ធតាអៀងដែលក្នុង១ថ្ងៃ ៗពួកគេដឹកឈើយកទៅលក់នៅប្រទេសវៀតណាមមិន តិចជាងឡាន២-៣គ្រឿងហើយមិនដែលឃើញមេព្រៃសង្កាត់ ផ្នែកខណ្ឌ និងប៉ូលិសសេដ្ឋកិច្ចខេត្ត និងក្រសួង ពិសេសសមត្តកិច្ចនៅច្រកអូរយាដាវចាប់ឃាត់ឡានទាំងនោះទេ ។
មានសេចក្តីរាយការណ៍ថា៖ព្រោះក្រុមឈ្មួញបានបង់លុយចំនួនជើងក្នុង១ថ្ងៃៗគឺឡានសាំយ៉ុង១ប៉ូលិសេដ្ឋកិច្ចខេត្តអោយបង់លុយ៣៥-៤០ម៉ឺនរៀលក្នុង១ឡាន បង់មុនឲ្យហើយទើបអោយចេញឡាន។ តែបើក្រុមឈ្មួញណាមិនព្រមបង់លុយអោយនោះទេប៉ូលិសសេដ្ឋកិច្ចខេត្តនោះទេគឺត្រូវតែចាប់តែម្តង តែបើបង់លុយគ្រប់ចំនួនហើយគឺOK នេះអ្នកយកពត៌មាននិយាយតែសមត្ថកិច្ច១នោះទេ ចំណែកឯសមត្ថកិច្ចជំនាញដ៏ទៃទៀតក៏មិនខុសពីប៉ូលិសសេដ្ឋកិច្ចខេត្តនោះដែរ។
អ្នកសារព័ត៌មានបានរកឃើញឃ្លាំងឈើមួយដ៏ធំផ្ទុកដោយឈើប្រណិតដែលមានមុខកាត់ធំៗ សមត្ថកិច្ចជំនាញក្នុងខេត្តទាំងអស់មិនហ៊ានចាប់ថៅកែឈើនោះទេ ព្រោះសមត្ថកិច្ចទាំងនោះត្រូវរ៉ូវតម្លៃគ្នាអស់ហើយដូច្នេះប្រជាពលរដ្ឋនៅក្រុងបានលុងសំណូមពរអោយក្រសួងពាក់ព័ន្ធពិសេសក្រុមការងារថ្នាក់ជាតិដឹកនាំដោយលោកនាយឧត្តមសេនីយ៍សៅសុខាមេត្តាចុះមកសួរសុខទុក្ខកូនចៅនៅខេត្តរតនគិរីនេះផង។ ព្រោះកម្លាំងជំនាញគ្រប់ស្ថាប័នទាំងនោះកំពុងតែសប្បាយចិត្តយកលុយពីក្រុមឈ្មួញរកស៊ីឈើតូចធំនៅក្នុងខេត្តរតនគិរីនេះខ្លាំងណាស់រហូតធ្វើអោយក្រុមសមត្ថកិច្ចទាំងនោះដូរស៊េរីឡានស្ទើរគ្រប់គ្នាទៅហើយអាឡូវនេះ៕
