រតនគិរី ៖ នៅថ្ងៃទី១ ខែកុម្ភៈ ឆ្នាំ២០១៧នេះយ៉ាងហោចណាស់មានរថយន្តសាំយ៉ុង និងរថយន្តត្រូពិច ប្រមាណចាប់ពី30ទៅ40គ្រឿង ផ្ទុកឈើប្រណិតពេញដឹកឆ្ពោះទៅវៀតណាម តាមច្រកទ្វារអន្តរជាតិអូរយ៉ាដាវដោយរលូន ដោយគ្មានការទប់ស្កាត់ពីជំនាញនោះឡើយ ជាក់ស្តែងហ្វូងរថយន្តដឹកឈើ បានមកដល់ចំណុចច្រកទ្វារអន្តរជាតិអូរយ៉ាដាវ ដោយមានសមត្ថកិច្ចប្រចាំការ រងចាំបើកទ្វារឲ្យចូលវៀតណាមថែមទៀតផង។
ក្រុមឈ្មួញនាំគ្នាដឹកឈើប្រណិតបានដោយរលួនបែបនេះ ដោយសារអំណាចលុយ ដុល្លារពីក្រុមឈ្មួញវៀតណាមបង់ប្រចាំខែ និងប្រចាំថ្ងៃ ឲ្យក្រុមសមត្ថកិច្ចជាច្រើនស្ថាប័នដាក់ប្រចាំការ ចាប់ពីក្រុងបានលុងមកប្រមាណ៥០អង្គភាពឯណោះ។
ឡានដឹកឈើម្នាក់សុំមិនបញ្ចេញឈ្មោះ បានប្រាប់ឲ្យដឹងថា ពួកគាត់ស៊ីឈ្នួលដឹកឈើ ឲ្យឈ្មួញវៀត ណាម ក្នុងតម្លៃ១ម៉ែត្រគីប១០០០ដុល្លារ ហើយរត់ការផ្លូវបង់ឲ្យសមត្ថកិច្ចច្រើនកន្លែង ជួនកាលខាត ហើយបើរថយន្តខូចទៀតនោះច្បាស់ជាឡុងចុងតែម្តង។
ទាក់ទិនទៅនឹងសកម្មភាពក្បួនរថយន្តដឹកឈើប្រណិត សារព័ត៌មានយើងមិនអាចសុំការបំភ្លឺពីលោក អ៊ី ចំរើនមេប៉ុស៌ ច្រកទ្វារអន្តរជាតិអូរយ៉ាដាវបានទេ៕
