ខេត្តព្រះសីហន ៖ កាលពីថ្ងៃទី៩ ខែមករា ឆ្នាំ២០១៧ លោកទុំ ណូប្រធាន សាខាគយនិងរដ្ឋាករ ខេត្តប៉ៃលិន ត្រូវបានផ្ទេរភារកិច្ច មកជាប្រធាន សាខាគយនិងរដ្ឋាករ ខេត្តព្រះសីហនុវិញ ជំនួសលោក លោក យ៉ឹក យូ ប្រធានសាខាគយ និងរដ្ឋាករ ខេត្តព្រះសីហនុ ផ្ទេរភារកិច្ចទៅ កាន់ប្រធាន សាខាគយ និងរដ្ឋាករ កំពង់ផែអន្តរជាតិ ក្រុងព្រះសីហនុ ជំនួសលោក គិន លី ដែលត្រូវចូលនិវត្តន៍ក្រោមអធិបតីភាពលោកនួនច័ន្ទរិទ្ធអនុប្រធានលោកគុណញឹមមេគយធំស្រុកខ្មែរនិងលោក យន្ត មីន អភិបាលខេត្តព្រះសីហនុ។លោកនួនច័ន្ទរិទ្ធបានថ្លែងជំរុញ អោយប្រធាននៃ ថ្នាក់ដឹកនាំ នៃអង្គភាពទាំងពីរ ដែលទើប តែងតាំងថ្មី ត្រូវខិតខំជំរុញកៀរគនូវការ បង់ពន្ធចូលរដ្ឋ អោយបានច្រើន និងធ្វើការបង្ក្រាប ទំនិញគេចពន្ធ ទាំងឡាយ ដោយសហការជា មួយស្ថាប័ន ពាក់ព័ន្ធ ជាពិសេសស្ថាប័នច្បាប់ ។
ស្តាប់ការណែនាំរបស់លោកនួនច័ន្ទរិទ្ធដូចជាពិរោះគួសមក៏ប៉ុន្តែសួថាតើលោកទុំ ណូនិងលោក យ៉ឹក យូស្តាប់ដែរអត់?។ព្រោះថាដើម្បីបានតំណែងទាំងពីរនេះតើអស់លោកម្នាក់ៗត្រូវចាយសេវ៉ាអស់ប៉ុន្មាន?។ជាក់ស្តែងមុននឹងបញ្ចេញលោកគិនលីពីមេគយផែដែលអ្នកណាក៏ដឹងថាជាកន្លែងរកចំណូលដ៏ធំទាំងរដ្ឋនិងឯកជននោះមានធ្លាយព័ត៌មានថា អគ្គនាយកដ្ឋានគយ និងរដ្ឋាករ ប្រកាសដេញថ្លៃប៉ុស្តិ៍ សាខាគយ កំពង់ផែខេត្តព្រះសីហនុ ក្នុងតម្លៃ១លានដុល្លារឡើង ។
ព័ត៌មានទាំងនោះ គឺបានលេចចេញពីប្រអប់មាត់មន្ត្រីគយស្ទើគ្រប់កន្លែងទាំងអស់ដែលពួកគេខ្សឹបខ្សៀវគ្នាអំពីការដេញថ្លៃប៉ុស្តិ៍ខ្លាញ់មួយនេះ ។បើទោះបីវាជាពតិមានក្រៅផ្លូវការក៏ពិតមែនក៏ប៉ុន្តែអ្នករកស៊ីក៏ដូចជាមន្ត្រីគយនិយាយថាគយផែជាកន្លែងខ្លាញ់បើគ្មានខ្សែទុយោរឹងមាំនិងប្រើសេវាទេកុំសង្ឃឹមថាបានមកកាន់ឲ្យសោះនោះ!។
សេចក្តីរាយការណ៍និយាយថាមុននិងឈានដល់ការដាក់លោកយ៉ឹកយូនេះ មានមន្ត្រីគយមិនតិចនោះទេ ដែលមានខ្សែ បក្សពួក និងមានលុយ ផងប្រជែងគ្នា ដើម្បីដណ្តើមយកដំណែង ដែលគេគិតថា ជាកន្លែងខ្លាញ់លើសគេក្នុងចំណោមប៉ុស្តិ៍គយសំខាន់ៗ ក្នុងទូទាំងប្រទេស ។
ប្រភពខាងលើបានបញ្ជាក់ថា ដោយសារតែមានការប្រជែងគ្នាចង់បានដំណែងមេគយផែអន្តរជាតិខេត្តព្រះសីហនុ នោះហើយ ទើបតម្លៃកៅអីប៉ុស្តិ៍ខ្លាញ់មួយនេះ បានឡើងតម្លៃពី៥០ម៉ឺនដុល្លារ ដល់១លានដុល្លារ ហើយអាចឡើងជាងនេះទៅទៀត ព្រោះថា លុយ១លានដុល្លារមិនច្រើននោះឡើយ សម្រាប់ប៉ុស្តិ៍អន្តរជាតិមួយនេះ ដោយសារតែចំណូលដែលគេរកបានដោយមិនប្រព្រឹត្តិអំពើពុករលួយយ៉ាងហោចណាស់ ក្នុងមួយថ្ងៃបានជិត១ម៉ឺនដុល្លារឬច្រើនជាងមួយម៉ឺនដុល្លារ ។
តាមមន្ត្រីគយនិយាយថា ជាមធ្យមក្នុងមួយថ្ងៃមានកុងតឺន័រ ផ្ទុកទំនិញប្រមាណជាង៦០០គ្រឿងធ្វើចរាចរក្នុងកំពង់ផែមួយនេះ ហើយបើក្នុងកុងតឺន័រមួយគ្រឿង ៗ ត្រូវបង់ត្រឹមតែ១០ដុល្លារសម្រាប់ការស៊ីញ៉េដោយស្របច្បាប់នោះក៏គេអាចរកបាន៦ពាន់ដុល្លារអាមេរិកដោយមិនបាច់ប្រឹង ។ នេះគេមិនទាន់និយាយអំពីលោកគយដែលថ្លើមធំហ៊ានបិទភ្នែកឲ្យនាំចូលទំនិញគេចពន្ធឬទំនិញក្លែងភេទ ដែលទទួលបានប្រាក់លើសពីនេះដប់ដងទៅទៀត ។
លទ្ធផលដេញថ្លៃបង្ហាញថា៖អ្នកស្នងលោកគិនលីគឺលោកយ៉ឹកយូដែលជាមនុស្សជំនិតរបស់លោកកើតសុធារ៉ាមេគយចលត័ម៉ាស្រុកខ្មែរ។ហេតុអីបានជាលោកកើតសុធារ៉ាមេគយចល័តខ្លាំងដៃម៉េសអាចជ្រែតំណែងឲ្យលោកយ៉ឹកយូបាន?។ងាយស្រួលដូចបកចេកគឺថាលោកកើតសុធារ៉ានេះគឺជាក្លើម្រាក់របស់លោកទេសរដ្ឋមន្ត្រីអូនពន្ធ័មុន្នីរត្ន័រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ។
ចឹងបានជាគ្រាន់តែដកលោកកែវសុឃាងមេគយចល័តដុះស្លែចេញភ្លាមលោកកើតសុធារ៉ាត្រូវបានលោករដ្ឋមន្ត្រីតម្លើងពីមេគយខេត្តព្រះសីហនុទៅជាមេគយចល័តហើយលោកយ៉ឹកយូដែលជាមនុស្សជំនិតលោកកើតសុធារ៉ាក៏បន្តវែនជាមេគយខេត្តព្រះសីហនុចឹងទៅ។អាឡូវហេតុអីបានជាលោកយ៉ឹកយូជាមេគយខេត្តព្រះសីហនុហើយសុខចិត្តទៅធ្វើជាមេគយកំពង់ផែវិញ?មូលហេតុគឺនៅច្រកកំពង់ផែអន្តរជាតិខេត្តព្រះសីហនុមានចំណូលក្រោមតុខ្ពស់ដូចការៀបរាប់ខាងលើចឹង។
មន្ត្រីគយនិយាយដូចៗ គ្នាថា ដោយសារតែចំណូលដ៏មហាសាលនោះហើយ ទើបគយម្នាក់ៗ ស្រក់ទឹកមាត់ចង់បានកន្លែងនោះ ទោះកន្លះឆ្នាំត្រូវគេប្តូរចេញក៏ដោយ ។ ប៉ុន្តែគេគិតថា ក្រៅពីមន្ត្រីគយដែលមានខ្សែ មានបក្សពួកដែលមានអំណាចឬមានលុយទើបអាចមានសង្ឃឹមទៅអង្គុយកៅអីខ្លាញ់នោះបានឡើយ ។អាឡូវនេះបើតាមប្រភពពីអ្នករកស៊ីមិនមន្ត្រីនៅខេត្តព្រះសីហនុសកម្មភាពឃុឃឹតជាមួយឈ្មួញរកចំណូលក្រោមតុមិនចូលរដ្ឋ ដែលកើតមានជំនាន់លោកគិនលីត្រូវបានលោកយ៉ឹកយូបន្តវេនអនុវត្តន៍ដែល។
ឧទ្ទាហរណ៍ការប្រមូលលុយពីក្បាលឡានដឹកកុងតឺណឺចេញពីកំពង់ផែដើម្បីកុំឲ្យគយចលត័ធើទុក្ខតាមផ្លូវក្នុង១ឡានដឹកកុងតឺណឺពី៥០ទៅ១០០ដុល្លារតាមធុនតូចធំនៅតែបន្តដដែលគ្មានប្រែប្រួលនោះឡើយ។កន្លែងរកលុយក្រោមតុកដោយប្រើអំណាចសាធារណៈធ្វើឲ្យបាត់ចំណូលរដ្ឋចឹងគួរតែអង្គភាពប្រឆាំងអំពើពុករលួយរកវិធីតាមដានតិចមើល! ៕
