ក្រចេះ ៖ កម្លាំងនគរបាលនៃការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តក្រចេះ បញ្ជូនទណ្ឌិតចំនួន២នាក់ ដែលកំពុងអនុវត្តទោសក្នុងពន្ធនាគាររួម និងស្ត្រី១នាក់ទៀត ទៅតុលាការនៅរសៀលថ្ងៃទី២៤ ខែមករា ឆ្នាំ២០១៧ ដែលជាប់ពាក់ព័ន្ធនឹងករណីជួញដូគ្រឿងញៀន កាលពីថ្ងៃទី២២ ខែមករានេះ នៅកន្លែងសួរសុខទុក្ខអ្នកទោសមុខពន្ធនាគារ ហើយត្រូវមន្ត្រីពន្ធនាគារចាប់ខ្លួនប្រគល់ឲ្យនគរបាលប្រឆាំងគ្រឿងញៀន។ ក្រោយពីជនសង្ស័យទាំង៣នាក់នេះ បានរួមគំនិតគ្នា ធ្វើសកម្មភាពចែកចាយថ្នាំញៀន ទ្រង់ទ្រាយធំនៅក្នុងពន្ឋនាគារខេត្តក្រចេះ ។
កណីចាប់បង្ក្រាប ការជួញដូរថ្នាំញៀននៅក្នុងពន្ឋនាគារខេត្តក្រចេះ ពីសំណាក់កម្លាំងសមត្ថកិច្ច ត្រូវបានគេនិយាយថា គឺមិនមេនជាលើ់កទីមួយនោះទេ កន្លងមកការចាប់បង្ក្រាបនេះ គឺបានធ្វើឡើងជាបន្តបន្ទាប់ ។
នគរបាលបានឲ្យដឹងថា ការចុះបង្ក្រាបករណីជួញដូរថ្នាំញៀននៅក្នុងពន្ឋនាគារ របស់អនុរក្យពន្ធនាគា គឺបានធ្វើឡើងកាលពីថ្ងៃទី២២ ខែមករា ក្នុងនោះ សមត្ថកិច្ចបានចាប់ឃាត់ខ្លួនជនសង្ស័យ៣នាក់ ក្នុងនោះមានទណ្ឌិតដែលកំពុងអនុវត្តទោសចំនួន២នាក់ ដកហូតគ្រឿងញៀនប្រភេទម្ស៉ៅក្រាមពណ៌សរ(ម៉ាទឹកកក)១កញ្ចប់ធំ រួមនិងសម្ភារៈសម្រាប់វិចខ្ចប់សំរាប់ចែកចាយមួយចំនួនទៀត ។
ជនសង្ស័យទាំង៣នាក់នោះ ១ឈ្មោះ តោ សុខហ៊រ ហៅទូច ភេទស្រីអាយុ៥០ឆ្នាំ ជាមន្ត្រីពេទ្យខេត្ត មានទីលំនៅភូមិស្រែស្តៅ សង្កាត់អូរឬស្សីក្រុងក្រចេះ ទី២ឈ្មោះ ភូន សុភារ័ត្ន អាយុ២៧ឆ្នាំ ជាទណ្ឌិតគ្រឿងញៀន និងទី៣ឈ្មោះ ផេង វីរៈ អាយុ២៦ឆ្នាំ ជាពិរុទ្ឋជនគ្រឿងញៀន ជនទាំងពីរនាក់ សព្វថ្ងៃកំពុងតែអនុវត្តទោសជាប់ចោទករណីជួញដូរគ្រឿងញៀន និងកំពុងអនុវត្តទោសទោស តែត្រូវបានឃាត់ខ្លួនសារជាថ្មីទៀត លើករណីជួញដូរគ្រឿងញៀនក្នុងពន្ឋនាគារ។
ប្រភពបានឱ្យដឹងថា កាលពីថ្ងៃទី២២ខែមករា ស្ត្រីជាប់សង្ស័យឈ្មោះ តោ សុខហ៊រ ហៅទូច បានយកគ្រឿងញៀន១កញ្ចប់ធំ រួមនិងថង់ថ្លាស្ទីកសំរាប់រំលែកចែកចាយ លាក់នៅក្នុងប្រអប់ទឹកដោះគោ ចូលទៅក្នុងពន្ឋនាគារ ដើម្បីប្រគល់ឱ្យទណ្ឌិតទាំង២នាក់ខាងលើនេះ សំរាប់លក់នៅក្នុងពន្ឋនាគារ ។
យោងតាមចំលើយសារភាពរបស់ទណ្ឌិតទាំង២នាក់ បានប្រាប់សមត្ថកិច្ចថា ពួកគេទាំង២ នាក់ បានរៀបគំរោងការនាំយកគ្រឿងញៀនចូលមកលក់នៅក្នុងពន្ឋនាគារ ដោយឈ្មោះ ផេង វីរៈ ជាអ្នកទាក់ទងទិញថ្នាំញៀន ចំណែកឈ្មោះ ភូន សុភារ័ត្ន ជាអ្នករៀបគំរោងលួចលាក់នាំគ្រឿងញៀនចូលក្នុងពន្ឋនាគារ តាមរយៈម្តាយរបស់គេ ឈ្មោះ តោ សុខហ៊រ ។
ពាក់ព័ន្ឋនិងករណីចាប់បង្ក្រាបគ្រឿងញៀននៅក្នុងពន្ឋនាគារលោក ខ្វាសារ៉ន នាយកពន្ធនាគាខេត្តក្រចេះបានបញ្ជាក់ឲ្យដឹងថា ករណីខាងលើនេះ គឺម្ដាយទៅសួរសុខទុក្ខកូននិងមានឥវ៉ានផ្ញើ ហើយមន្ត្រីរបស់លោកបាន ឆែកឆេឥវ៉ានទាំងនោះ រកឃើញគ្រឿង១កញ្ចប់ធំលាក់ ក្នុងប្រអប់ទឹកដោះគោ ហើយលោកបានបញ្ជាមន្ត្រីរបស់លោកឃាត់ខ្លួន រួមនឹងវត្ថុតាងប្រគាល់ឲ្យនគរបាលប្រឆាំងគ្រឿងញៀន ហើយការបង្ក្រាបគ្រឿងញៀន ពីសំណាក់មន្ត្រីរបស់លោកប្រគល់ឲ្យការិយាលយ័ជំនាញនោះ មិនមែនលើកទី១ទេ ពីពេលមុនធ្លាក់មានករណីបោះគ្រឿងញៀន ចូលពន្ធនាគាឲ្យអ្នកទោសមន្ត្រីលោកឃាត់ប្រគល់ឲ្យមន្ត្រីជំនាញដែរ ៕
