ខេត្តពោធិ៍សាត់ ៖ ក្រោយពីមានសេចក្តីរាយការណ៍ ពីប្រជាពលរដ្ឋកាលពីថ្ងៃទី១៧ ខែមករា អភិបាលខេត្តបាន ដាក់បទបញ្ជាទៅកាន់មន្ត្រីជំនាញសហការណ៍និងកងរាជអាវុធហត្ថខេត្ត ចុះបង្ក្រាបបទល្មើសនេសាទដោយចាប់បានទូកអួនរបស់ជនជាតិវៀតណាមចំនួន៥ទូក និងបន្តចាប់ចំនួន៣០ទូកទៀតដែលបានលបលួចធ្វើសកម្មភាព ក្នុងស្រុកចំនួន៣ ខេត្តពោធិសាត់ «ស្រុកបាកាន ស្រុកក្រគរ និងស្រុកកណ្តៀង»។
នៅល្ងាចថ្ងៃទី១៩ ខែមករា ឆ្នាំ២០១៧ នេះទូកអូនចំនួន៥ទូករបស់ជនជាតិយួនដែលសមត្ថកិច្ចចាប់បាននោះត្រូវបានគេបង្ហើបប្រាប់ថា ខាងសមត្ថកិច្ចជំនាញជលផលបានរៀបចំឯកសារ ដោះលែងឲ្យមានសេរីភាពវិញឡើងវិញហើយនៅល្ងាចថ្ងៃនោះដោយសារមានអ្នកអន្តរាគមន៍ពីអ្នកមានអំណាច ឲ្យមានការសម្របសម្រួលធ្វើការផាកពិន័យ រួចដោះលែង ដើម្បីកុំឲ្យបែករឿងរ៉ាវ រហូតឈានដល់ចាប់ទូក៣០គ្រឿងទៀតដែលកំពុងធ្វើសកម្មភាព។
សេចក្តីរាយការណ៍បានអោយដឹងថាទូកអ៊ួន១គ្រឿងត្រូវចំណាយលុយដោះលែង៤លានរៀល។ក្នុងនោះទូកអ៊ួនដែលត្រូវដោះលែងមានចំនួន៣ទូក។
ប្រភពពីក្រុមមន្ត្រីកងរាជអាវុធហត្ថចូលរួមបង្ក្រាបទូកអួនខាងលើសុំមិនបញ្ចេញឈ្មោះបានបង្ហើបឲ្យដឹងថា:ពួកគាត់ខំប្រឹងចុះទៅបង្ក្រាបទាំងកណ្ដាលថ្ងៃក្ដៅ ម្យ៉ាងមានទឹកលលកធំៗពិបាកក្នុងការបង្ក្រាបណាស់ ពេលដឹងថា: ទូកអ៊ួនត្រូវមន្ត្រីជលផលដោះលែង ពួកលោកមានអារម្មរណ៍មិនសប្បាយចិត្ត!! -ផ្ទុយទៅវិញនៅខេត្តកំពង់ឆ្នាំង សមត្ថកិច្ចចាប់អ៊ួនជាង១០ទូកគេមិនដោះលែង ទើបអាចលុបបំបាត់បទល្មើសទាំងនោះបាន។
ពាក់ព័ន្ធនិងករណីខាងលើនៅថ្ងៃទី ២០ មករាឆ្នាំ២០១៧នេះ លោកភុន.សុវណ្ណា នាយសង្កាត់ជលផលស្រុកកណ្ដៀង បានប្រាប់តាមទូរសព្ទ័អោយដឹងថាការដោះលែងទូលអួនខាងលើដោយមានបទបញ្ជារពីថ្នាក់លើដោយធ្វើការពិន័យអន្តរកាលតាមច្បាប់ស្ដីពីជលផលនិងបានធ្វើកិច្ចសន្យាបញ្ឈប់មិនអោយធ្វើសកម្មភាពនេសាទបន្តទៀត ។ ប៉ន្តែទោះយ៉ាងណាខាងថ្នាក់ដឹកនាំរងៗក្នុងខណ្ឌនិងមន្ត្រីជលផលខេត្តពោធិ៍សាត់មួយចំនួនបានសដែងនូវការមិនពេញចិត្តចំពោះលោកនាយខ័ណ្ឌដែលពេលមានករណីចុះបង្ក្រាបថ្នាក់លើបញ្ជាពួកគេ ដល់ពេលដោះលែងមិនផ្ដលព័ត៌មានអោយពួកគេដឹងនោទេសង្ស័យពាក់ព័ន្ធអំពើពុករលួយ។ម្យ៉ាងវិញទៀតវាបានផ្ទុយនិងបទបញ្ជារបស់សម្ដេចក្រឡាហោមស ខេងផងដែរ ៕
