ខេត្តពោធិសាត់៖ ចាងហ្វាងការផ្សាយ គេហទំព័រសារព័ត៍មាន បេះដូងរាស្ត្រ ត្រូវបានមន្ត្រីយោធាម្នាក់ឈ្មោះលឿង សារាត់ (ហៅថាន់) ដែលគេស្គាល់ថាជាអ្នក រត់ការបទល្មើសនេសាទទូកអូសអួននិងអូសយ៉ាំងកាវ ប្តឹងទៅកាន់តុលាការ ខេត្តពោធិសាត់ ។ ការប្តឹងផ្តង់នេះបានកើតឡើងក្រោយគេហទំព័រសារព័ត៌មាន បេះដូងរាស្ត្រ ដោយបានចុះផ្សាយព័ត៌មាន ស្តីពីការបង្ក្រាបបទល្មើសនេសាទក្នុងអាណាចក្រខេត្តពោធិសាត់ ដែលក្នុងនោះបានប៉ះពាល់ដល់ផលប្រយោជន៍របស់ឈ្មោះថាន់ដែលគេស្គាល់ថាជាឈ្មួញរត់ការបង្កើតឲ្យមានបទល្មើស ។
ករណីនេះ ក្រោយពីអ្នកសារព័ត៌មានបេះដូងរាស្ត្រ បានរាយការណ៍ជូន លោកម៉ៅធនិន្នអភិបាលខេត្តពោធិសាត់ អំពីករណីបទល្មើសទូកនេសាទអូសអួននិងអូសយ៉ាំងកាវចំនួន៣៥វង់ចេញធ្វើសកម្មភាពក្នុងបឹងទន្លេសាប មក លោកអភិបាលខេត្តពោធិសាត់ក៏ បានបញ្ជាឲ្យ មន្ត្រីជំនាញបចុះង្ក្រាបបទល្មើសទូកយាំងកាវ និងទូកអ៊ួនទាំងនោះ។ ជាក់ស្តែងនៅល្ងាចថ្ងៃទី១៧ ខែមករា ឆ្នាំ២០១៧ មន្ត្រីជំនាញក៏បានចុះបង្ក្រាបដោយចាប់បានទូកអូសអួនចំនួន៥គ្រឿងរបស់ជនជាតិវៀតណាម ពិតប្រាកដ មែន។
ចំណែកទូកនេសាទចំនួន៣០គ្រឿងផ្សេងទៀតបានគេចខ្លួនបាត់អស់ មិនហ៊ានចេញធ្វើសកម្មភាព បន្តទៀតហើយលោកអភិបាលខេត្ត បានបញ្ជាអោយមន្ត្រីជលផល ឃ្លាំមើលសកម្មភាពបទល្មើសនេះជាបន្តរហូត។
ករណីនេះបានធ្វើឲ្យចាយលុយអ្នករត់ការណ៍ ទូកអ៊ួនរបស់ជនជាតិវៀតណាម ឈ្មោះ លឿង សារ៉ាត់(ហៅថាន់)បាត់បង់ប្រយោជន៍ពីបទល្មើសនេសាទខាងលើក៏បានប្រើប្រាស់ការគំរាមតាមផ្លូវច្បាប់ក្នុងគោលបំណងបំបាក់ស្មារតីអ្នកសារព័ត៍មាន មិនឲ្យសសេរចុះផ្សាយរឿងពិតតទៅទៀត ដែលខ្លួនជាមន្ត្រីយោធាបានប្រព្រឹត និងនៅពីក្រោយខ្នងបទល្មើសនេសាទខាងលើ។ជនជាតិវៀតណាម ឈ្មោះ លឿង សារ៉ាត់(ហៅថាន់)បានដាក់ពាក្យប្តឹងចាងហ្វាងការផ្សាយកាសែត (បេះដូងរាស្ត្រ) ទៅកាន់តុលាការ ខេត្តពោធិសាត់ (ដោយចោទប្រកាន់ ថាបានចុះផ្សាយព័ត៍មាន លើបណ្តាញទំនាក់ទំនងសង្គម សសេរពាក្យមួលបង្ខួចបង្កាច់ បំផ្លើសការពិត ទំលាក់កំហុស ដែលធ្វើអោយប៉ះពាល់ កិត្តិយស និងអង្គភាពរបស់គាត់)។ផ្ទុយទៅវិញប់តាមការសង្កេតប្រសិនបើរឿងប្រព្រឹត្តបទល្មើសនេសាទមិនពិតមែននោះម្លេះមន្ត្រីជលផល ក៍មិនអាចចាប់ទូកប្រព្រឹត្តបទល្មើសបានដែរ។
ប្រជាពលរដ្ឋ បានបង្ហើបថា ឈ្មោះ លឿង សាវ៉ាត ហៅថាន់ ធ្វើទាហ៊ាន ខេត្តពោធ៌សាត់នេះមាន ឈ្មោះដើម (ង្វឿង យាំងថាន់) ហៅក្រៅអាថាន់ ។ដោយសារតែរកស៊ីរត់ការបទល្មើសនេសាទ ក្នុងខេត្តពោធិសាត់ជាច្រើនឆ្នាំកន្លងមកបានកាក់កប ពេលមានលុយកាក់ច្រើនក៏បានទិញឈ្មោះ ធ្វើជាទាហ៊ានផ្នែកឌឺបេយោធាសឹករងខេត្ត ហើយនៅតែបន្តជាអ្នករត់ការទូកយ៉ាំងកាវ និងអ៊ួន និងឆ្នុក ក្នុងខេត្តពោធិសាត់ ដដែលជនជាតិវៀតណាមម្នាក់នេះមានទំនាក់យ៉ាងល្អណាស់ ជាមួយមន្ត្រីសមត្ថកិច្ចមួយចំនួនក្នុងខេត្តពិសេសជំនាជលផលនេះឯង។ ។ទូកនេសាទខុសច្បាប់ទាំងនោះបានចេញធ្វើសកម្មភាពក្នុងភូមិសាស្ដ្រទឹកដីចំនួន៣ស្រុក គឺ(ស្រុក កណ្តៀង/ស្រុកក្រគរ /ស្រុកបាកាន) ដោយគ្មានអ្នកណាហ៊ានក្អកឡើយនាពេលកន្លងមក។
សម្តេចតេជោហ៊ុន សែន បានមានប្រសាសន៍កាលពីថ្ងៃទី១៤ មករា ក្នុងពិធីជួបជុំបងប្អូនអ្នកសារព័តមានប្រមាណជា១ពាន់នាក់ថា សិទ្ធអ្នកសារព័ត៍មាន មានតួនាទីឆ្លុះបញ្ចាំង ជាកញ្ចក់ឆ្លុះបញ្ចាំងនៃបញ្ហាដែលវាកើតមានឡើង។ កញ្ចក់នោះមិនត្រូវជាកញ្ចក់ឆ្លុះទៅឃើញមនុស្សធាត់ពេក ឫស្គមពេក ទាបពេក ឫខ្ពស់ពេកនោះទេ ត្រូវឲ្យពិតដើតួរជាអ្នកសារព័ត៍មាន ដើម្បីរួមចំណែកកសាងសង្គម បើមិនដូច្នោះ តើឲ្យមេដឹកនាំ វិនិច្ឆ័យ បែបណា បើរឿងស ទៅជាខ្មៅ !!ខ្មៅទៅជាស??? សម្ដេចបានផ្ដាំថាសូមកុំធ្វើការដោះដូរ រវាងផលប្រយោជន៍លុយកាក់ និងការបំបិទព័ត៍មាន ។
សារព័ត៍មាន ដែលដោះដូរលុយកាក់ មិនអាចបម្រើសង្គមបានទេ វាកាន់តែជម្រុញសង្គមឲ្យប្រព្រិត្តអំពើពុករលួយថែមទៀត។សម្តេចតេជោបញ្ជាក់ថាកាសែតបើ ផ្សាយព័ត៍មាន ពិត កុំខ្លាចគេប្តឹង។ សារព័ត៍មាន ដែលដោះដូរនិងផលប្រយោជន៍លុយកាក់ មិនអាចបម្រើសង្គមបានទេ វាកាន់តែជម្រុញសង្គមឲ្យប្រព្រិត្តអំពើពុករលួយថែមទៀត។ សម្ដេចបានបញ្ជាក់ថា៖បើចុះផ្សាយព័ត៍មាន ថ្លោះធ្លោយ ដោយសារមានការតវ៉ា ក្នុងការសសេរផ្សាយកុំខ្លាចសសេរកែតម្រូវឲ្យគេ។
ការប្ដឺងពីចោទបទបរិហាកេរ្ត៍ដោយការសរសេរព័ត៌មានខុសការពិតនោះមិនមែនជាបទព្រហ្មទ័ណ្ឌនោះទេ សាមីខ្លួនមានសឹទ្ធតវ៉ាសុំអោយគេសរសេរកែតម្រូវអោយខ្លួនវិញ។
សារព័ត៌មានយើង សង្ឃឹមថាតុលាការនឹងព្រះរាជអាជ្ញាខេត្តពោធិសាត់ នឹងធ្វើការពិនិត្យថ្លឹងថ្លែងវិន្និច្ឆ័យនិងផ្តល់ភាពយុត្តិធម៍ក្នុងរឿងក្ដីនេះដើម្បីជួយសង្គមជាតិកុំឲ្យឈ្មួញខឹលខូចបំផ្លាញជាមិនខាន! ៕
