ភ្នំពេញ ៖ថ្ងៃទី២៤ មករា គេមិនទាន់ឮប្រតិកម្មពីលោក សេង ប៊ុនវេ ងហៅអាចារ្យអេម្ចាស់ស្ថានីវិទ្យុACទេ តែកញ្ញាស៊ីខេ ដែលជាអ្នកផ្លោះតុ បានសុំទោស ហើយបានពន្យល់ថាកម្មវិធីគេតម្រូវចឹងមកក្រុមការងារវិទ្យុអេប៊ីស៊ីបានប្រតិកម្មស្ងាត់ៗ ដោយបិទពណិបៃតងហ្វេសប៊ុកផែកABC Cambodia familyដែលទទួលបានការចូលមើលនិងឡាចកម្មិនជាច្រើន។
ប្រតិកម្មនេះបានកើតឡើងក្រោយពីលោករដ្ឋមន្ត្រីក្រសួងព័ត៌មាន ខៀវ កាញារីទ្ធ សម្រេចចេញលិខិតមួយចុះថ្ងៃទី២៤មករាបញ្ឈប់ ទូរទស្សន៍ប៉ុស្តិ៍លេខ៣មិនឲ្យសហការជួលម៉ោងការផ្សាយរបស់វិទ្យុ ABC កម្ពុជារបស់លោកអាចារ្យ A នៅពេលព្រឹកៗសំអាងថា កម្មវិធីរបស់វិទ្យុ ABC នោះ ខ្វះសីលធម៌ និងធ្វើឲ្យប៉ះពាល់ដល់កិត្តិយស និងសេចក្តីថ្លៃថ្នូររបស់ពិធីករ ពិធីការិនីផ្សេងទៀត ។
សូមបញ្ជាក់ថាស្ថានីយទូរទស្សន៍ប៉ុស្តិ៍លេខ៣ រាជធានីភ្នំពេញ បានជួលម៉ោងផ្សាយឲ្យវិទ្យុ ABC ដែលមានលោកសេងប៊ុនវែងហៅអាចារ្យ A ជាប្រធានផ្សាយកម្មវិធីអេប៊ីស៊ីស្រ៊ីស្ព្រីង(ABC 3 Spring)រយៈពេល៣ម៉ោងក្នុងមួយព្រឹក។ ប៉ុន្តែបន្ទាប់ពីដំណើរការផ្សាយកម្មវិធីនេះ មួយរយៈពេលខ្លីកន្លងមក បានកើតមានប្រតិកម្មពីសំណាក់មហាជនជាច្រើន ដោយធ្វើការរិះគន់ទៅលើពិធីករ ពិធីការនី នៃកម្មវិធីចម្រុះ ABC 3 Spring ដែលបានប្រព្រឹត្តិនូវអំពើពុំគួរគប្បី(បាហ្គាយ) ដោយសម្តែងកាយវិការមិនសមរម្យ ការប្រើពាក្យសម្តីខ្វះសីលធម៌ វិជ្ជាជីវៈជាអ្នកសារព័ត៌មាន និងបានប្រមាថមើលងាយអ្នកស្តាប់ ក៏ដូចជាទូរទស្សនិកជន ក្នុងពេលកំពុងបំពេញភារកិច្ចរបស់ខ្លួន។
លិខិតរបស់លោក ខៀវ កាញារីទ្ធ រដ្ឋមន្ត្រីក្រសួងព័ត៌មាន ដែលផ្ញើជូនលោក ខាំពូន កែវមុណីអគ្គនាយកស្ថានីយវិទ្យុ ទូរទស្សន៍ប៉ុស្តិ៍លេខ៣ រាជធានីភ្នំពេញបានលើកឡើងថា៖ កន្លងមក ក្រសួងព័ត៌មានបានឯកភាពអនុញ្ញាតឲ្យលោកខាំពូន កែវមុណី ធ្វើកិច្ចសហការជាមួយស្ថានីយវិទ្យុ ABC កម្ពុជា FM 107.50MHz ក្នុងការផលិតកម្មវិធីចម្រុះ ដើម្បីធ្វើការផ្សាយផ្ទាល់តាមកញ្ចក់ទូរទស្សន៍ប៉ុស្តិ៍លេខ៣ រាជធានីភ្នំពេញ រយៈពេល៣ម៉ោងក្នុងមួយថ្ងៃ ដោយចាប់ពីម៉ោង៦ ដល់ម៉ោង៩ ព្រឹក។
ប៉ុន្តែបន្ទាប់ពីស្ថានីយទូរទស្សន៍ប៉ុស្តិ៍លេខ៣ រាជធានីភ្នំពេញ បានដំណើរការផ្សាយកម្មវិធីនេះ មួយរយៈពេលខ្លីកន្លងមក បានកើតមានប្រតិកម្មពីសំណាក់មហាជនជាច្រើនធ្វើការរិះគន់ ទៅលើពិធីករ ពិធីការនី កម្មវិធីចម្រុះ ABC 3 Spring ដែលបានប្រព្រឹត្តនូវអំពើពុំគួរគប្បី ដោយសម្តែងកាយវិការមិនសមរម្យ ការប្រើពាក្យសម្តីខ្វះសីលធម៌ វិជ្ជាជីវៈជាអ្នកសារព័ត៌មាន និងបានប្រមាថមើល ងាយអ្នកស្តាប់ ក៏ដូចជាទូរទស្សនិកជន ក្នុងពេល កំពុងបំពេញភារកិច្ចរបស់ខ្លួន ដែលធ្វើឲ្យប៉ះពាល់ ដល់កិត្តិយស និងសេចក្តីថ្លៃថ្នូររបស់ពិធីករ ពិធីការិនីផ្សេងទៀត។
តាមលោក ខៀវ កាញារីទ្ធ បញ្ជាក់ថា “ដើម្បីបញ្ចប់នូវប្រតិកម្មពីសំណាក់មហាជន និងភាពអសកម្មទាំងឡាយ ដែលបានកើតឡើងជាបន្តបន្ទាប់មកនេះ ក្រសួងព័ត៌មានតម្រូវឲ្យឯកឧត្តម បញ្ឈប់កិច្ចសហការផលិតកម្មវិធីផ្សាយរវាងស្ថានីយវិទ្យុ ទូរទស្សន៍ប៉ុស្តិ៍លេខ៣ រាជធានីភ្នំពេញ ជាមួយស្ថានីយវិទ្យុ ABC កម្ពុជា FM107.50MHZ ជាបន្ទាន់ចាប់ពីថ្ងៃជូនដំណឹងនេះតទៅ។
សូមបញ្ជាក់ថាកន្លងមកវិទ្យុអេប៊ីស៊ីដែលបានប្រើរថយន្តគ្មានឯកសាគ្រប់គ្រាន់ទៅធ្វើសកម្មភាពហើយក៏ត្រូវបានមន្ទីរសុខាភិបាលចាប់ឃាត់ទុក។ពេលនោះវិទ្យុអេប៊ីស៊ីបានធ្វើយុទ្ធនាការវាយលុកទៅលើមន្ទីសុខាភិបាលទទួលបានជោគជ័យរហូតលោកប្រធាមន្ទីរដែលគេដឹងថាជាមនុស្សស្និទ្ធជាមួយលោករដ្ឋមន្ត្រីក្រសួងុសខាភិបាលម៉មប៊ុនហេងត្រូវបានគេដកពីតំណែង។
ការពិតជោកជ័យរបស់វិទ្យុអេប៊ីស៊ីគឺដោយសារអតីប្រធានមន្ទីរសុខាភិបាលប្រព្រឹត្តខុសដែរគឺចាប់ឡានអេប៊ីស៊ីទុកតាមរបៀបសងសឹកដោយសារវិទ្យុនេះវាប្រហារលើឆ្មបម្នាក់ដែលប្រព្រឹត្តខុសតែជាមនុស្សរបស់លោកប្រធានមន្ទីរកាន់ជើង។ក្រៅពីនោះលោកអតីប្រធានមន្ទីរចាស់ពុករលួយនិងបក្ខពួកនិយមដោយសារតែអាងរដ្ឋមន្ត្រីចឹងវាបានដឹងដល់សម្តេចតេជោទៅ។
ឥឡូវករណីកម្មវិធីអេប៊ីស៊ីស្ព្រីងដែលត្រូវបានរដ្ឋមន្ត្រីក្រសួងពតិមានហាមមិនឲ្យទូរទស្សន៍ប៉ុស្តលេខ៣ជួលម៉ោងឲ្យនេះវានឹងមានអ្វីកើតឡើង?។ព្រោះថាកម្មវិធីអេប៊ីស៊ីស្រ៊ីស្ព្រីងរបស់វិទ្យុអេប៊ីស៊ីនិងហ្វេសប៊ុកអេប៊ីស៊ីខែបូឌៀហ្វាមិលី(ABC Cambodia family)នេះបាននិងកំពុងធ្វើយុទ្ធនាការវាយប្រហារវិទ្យុអាស៊ីសេរីដែលកម្មវិធីនេះចាត់ទុកថាជាវិទ្យុប្រតិកិរិយាព្រោះបំផុសឲ្យអាមេរិកទារបំណុលពីខ្មែរ។បើគិតទៅមានប្រយោជន៍ខ្លាំងគួសមដែរ។
តើកូដ្ឋកម្មដែលវិទ្យុអេប៊ីស៊ីធ្វើដោយឈប់ធ្វើសកម្មភាពវាយប្រហារវិទ្យុអាស៊ីសេរីដែលជាវិទ្យុវាប្រហាររដ្ឋាភិបាលនោះវាអាចនឹងធ្វើឲ្យសម្តេចតេជោមិនសប្បាយចិត្តអត់?។ចឹងបើពិនិត្យឲ្យដល់តិចទៅបំរាមរបស់លោករដ្ឋមន្ត្រីក្រសួងពតិមាននឹងទទួលផលបែបណា?។ព្រោះវាគឺជាការការដាក់ទុនធំមួយដែលមិនអាចនឹកស្មានដល់ប្រសិនបើទង្វើរបស់លោករដ្ឋមន្ត្រីចំពោះក្រុមការងារអាចារ្យអេមិនបានឆ្លងនាយករដ្ឋមន្ត្រី?។
