លោកវិស្វករ ងួន រនតៈ អភិបាលខេត្តស្តីទី នៃគណអភិបាលខេត្តបាត់ដំបង បានមានប្រសាសន៍ ក្នុងកម្មវិធីបើកសន្និបាត គណកម្មាធិការមូលដ្ឋាន សហគមន៍មន្ត្រីរាជការក្រសួងមហាផ្ទៃ នៅសាលាខេត្តបាត់ដំបង អាណត្តិទី២ កាលពីថ្ងៃទី៣០ ខែកញ្ញា ដោយបញ្ជាក់ថា ក្នុងនាមអាជ្ងាធរខេត្ត សូមសំដែងការអបអរសាទរ និងចូលរួមគាំទ្រយ៉ាងពេញទំហ៊ឹង ដល់អង្គសន្និបាត នាពេលនេះ ។
លោកវិស្វករ អភិបាលខេត្តស្តីទីបានបញ្ជាក់ទៀតថា ការរៀបចំសន្និបាតនេះ ធ្វើឡើងស្របតាមសេចក្តីជូនដំណឹង លេខ ០០២ ស,ជ,ណ,ឈ,ម,រ,ស,ម,ផ ចុះថ្ងៃទី០១ ខែកក្កដា ឆ្នាំ២០១៤ របស់គណកម្មាធិការកណ្តាល សមាគមមន្ត្រីរាជការ ស៊ីវិល ក្រសួងមហាផ្ទៃស្តីពីការរៀបចំ សន្និបាត សាខាគណកម្មាធិការមូលដ្ឋាន សមាគមមន្ត្រីរាជការស៊ីវិល ក្រសួងមហាផ្ទៃ នៅទីស្តីការក្រសួង សាលារាជធានីខេត្តទាំង ២៤ ដែលតម្រូវគណកម្មាធិការមូលដ្ឋាន សមាគមន្ត្រីរាជការស៊ីវិលក្រសួងមហាផ្ទៃ នៅតាមសាខានីមួយៗនៃរាជធានីខេត្ត រៀបចំធ្វើសន្និបាតក្នុងចន្លោះចាប់ពីថ្ងៃទី ០១ ខែសីហា រហូតដល់ថ្ងៃទី៣០ ខែកញ្ញា ឆ្នាំ២០១៤ ។
ដើម្បីស្របតាមលក្ខន្តិកៈ របស់សមាគមមន្ត្រីរាជការស៊ីវិលក្រសួងមហាផ្ទៃ ដែលបានកំណត់ និងស្របពេលដែល គណកម្មាធិការមូលដ្ឋានសាខាសមាគម មន្ត្រីរាជការស៊ីវិលក្រសួងមហាផ្ទៃ នៅសាលាខេត្តបាត់ដំបងអាណត្តិទី២ ដែលបានខិតខំ បំពេញតួនាទី ភារកិច្ចរបស់ខ្លួនកន្លងមក ស្របតាមលក្ខន្តិកៈ បទបញ្ជាផ្ទៃក្នុងក៏ដូចជាការណែនាំ និងលិខិតបទដ្ឋាននានា របស់ គណកម្មាធិការកណ្តាលសមាគម មន្ត្រីរាជការស៊ីវិលក្រសួងមហាផ្ទៃ ក្នុងស្មារតីទទួលខុសត្រូវខ្ពស់ លើកពីផលប្រយោជន៍ ដ៏ ឧត្តុងុឧត្តម ជូនសមាជិកសកម្ម របស់សមាគមដែលបានទទួលមរណៈភាព និងគ្រួសារសមាជិកសកម្ម ដែលបានមរណៈផងដែរ។
ខ្ញុំជឿជាក់ថាសមាជិកសន្និបាត និងចូលរួមផ្តល់គំនិត យោបល់ទស្សនៈល្អៗ ក្នុងការពិភាក្សាឱ្យបានផុលផុស ដើម្បីឆ្លុះបញ្ចាំ លើ របាយការណ៍បូកសរុបលទ្ធផលការងារ របស់គណកម្មាធិការមូលដ្ឋាន សាខាសមាគមមន្ត្រីរាជការស៊ីវិលក្រសួងមហាផ្ទៃ នៅ ខេត្តបាត់ដំបង ក្នុងអាណត្តិទី២ និងលើកទិសដៅ អនុវត្តបន្តអាណត្តិទី៣ ពិសេសប្រមូលគំនិតល្អៗសម្រាប់ដាក់ជូនមហាសន្និបាត ៕
