ក្រចេះ ៖ កម្លាំងសមត្ថកិច្ចប៉ុស្តិ៍នគរបាលរដ្ឋបាលឃុំស្នួលបានទទួលបណ្តឹងរាយការណ៏ពីឈ្មោះ វឹន ភាន ភេទស្រី អាយុ៣៥ឆ្នាំ រស់នៅភូមិគ្រង ឃុំស្នួល ថា កាលពីយប់ថ្ងៃទី១៥ខែមករាឆ្នាំ២០១៧នៅចំណុចស្រែពោនក្រសាំង ភូមិគ្រង ឃុំស្នួល ស្រុកស្នួលខេត្តក្រចេះ។
បណ្តឹងថាករណីហឹង្សារដោយចេតមានស្ថានទម្ងន់ ទោស បង្ករឡើងដោយជនសង្ស័យឈ្មោះ ជី ប៉ុន ហៅ ចេក ភេទប្រុសអាយុ៣៨ឆ្នាំរស់នៅភូមិដូនមារឃុំស្វាយជ្រះបានយកកាំភ្លៀវ(រាងដូចស្នា)មកបាញ់លើប្តីរបស់ខ្លួនឈ្មោះទឹមធឿនភេទប្រុសអាយុ៤៥ឆ្នាំមានទីលំនៅចំណុចកើតហេតុបណ្តាលអោយរងរបួសក្រោមក្លៀកខាងឆ្វេងនិងកាប់ថែមមួយកាំបិតត្រូវចំពីលើក្បាលបណ្ដាលអោយរងរបួសជាទម្ងន់ហើយត្រូវសាច់ញាតិបញ្ជូនមកព្យាបាលនៅមន្ទីពេទ្យបង្អែកស្នួល។
ប្រភពព័ត៌មានបានឲ្យដឹងថានៅថ្ងៃទី១៦ខែមករាឆ្នាំ២០១៧កម្លាំងជំនាញបានសហការជាមួយកម្លាំងប៉ុស្តិ៍នគរបាលរដ្ឋបាលឃុំស្នួលបានចុះដល់កន្លែងកើតហេតុបើកការស៊ើបអង្កេតស្រាវជ្រាវរកមុខសញ្ញាឈានដល់ការឃាត់ខ្លួនជនសង្ស័យម្នាក់ឈ្មោះ ជី ប៉ុន ហៅ ចេក ភេទប្រុស អាយុ៣៨ឆ្នាំ រស់នៅភូមិដូនមារ ឃុំស្វាយជ្រះ យកមកអធិការដើម្បីធ្វើការសាកសួរយកចម្លើយ។
ក្រោយពេលសួរចម្លើយជនសង្ស័យបានឆ្លើយសារភាពថាខ្លួនពិតជាបានវ៉ៃជនរងគ្រោះ នឹងព្រនង់បណ្តាលអោយបែកក្បាលប្រាកដមែន ។ប៉ុន្តែខ្លួនមិនបានយកកាំភ្លៀវទៅបាញ់ជនរងគ្រោះទេ ព្រោះកាំភ្លៀវនោះគឺជារបស់ជនរងគ្រោះដែលកាន់យកមកបម្រុងបាញ់មកលើខ្លួន ។
ប៉ុន្តែខ្លួនប្រតាយប្រតបដណ្តើមបាន និងស្ទុះយកព្រនង់ដែលនៅក្បែរខ្លួនវ៉ៃទៅលើក្បាលជនរងគ្រោះប៉ុណ្ណោះ ។ រឿងរ៉ាវមូលហេតុមកពីផឹកស៊ីស្រវឹង ទាស់ពាក្យសម្តីគ្នាទើបបង្ករហេតុនេះកើតទ្បើង ។ បច្ចុប្បន្នជនសង្ស័យ ឈ្មោះ ជីប៉ុន ហៅ ចេក ត្រូវបានឃាត់ខ្លួនបណ្តោះអាសន្ននៅអធិការដ្ឋាននគរបាលស្រុកស្នួល ដើម្បីកសាងសំណុំរឿងបញ្ជូនទៅការិយាល័យជំនាញខេត្តចាត់ការបន្តតាមនីតិវិធី ៕
