ខេត្តក្រចេះ ៖ ជនគ្រឿងញៀនប្រុស-ស្រីចំនួន១៥នាក់ត្រូវឃាត់ខ្លួន រួមទាំងគ្រឿង ញៀនទំងន់ជាង១០០ក្រាម គឺត្រូវចាប់រឹបអូសក្នុងកិច្ចប្រតិបត្តការស្រាវជ្រាវបង្ក្រាបរយះ ពេលពេល១៥ថ្ងៃ គិតចាប់ពីថ្ងៃបើកយុទ្ឋនាការប្រឆាំងគ្រឿងញៀនគិតចាប់ពីថ្ងៃ ទី១មករា ពីកម្លាំងនគរបាលខេត្តក្រចេះ។ នេះបើយោងតាមរបាយការណ៍ដែលបង្ហាញដោយ ការិយាល័យប្រឆាំងគ្រឿងញៀនខេត្ត។
នាយការិយាល័យប្រឆាំងគ្រឿងញៀនខេត្តលោកវរសេនីយ៍ទោ គង់ ស៊ីដន បានឲ្យ ដឹងទៀតថា យុទ្ឋនាការប្រឆាំងគ្រឿងញៀនខេត្តកម្លាំនគរបាលការិយាល័យ និងកម្លាំងនគរ បាលស្រុកតាមមូលដ្ឋាន បានប្រើប្រាស់វិធានការស្រាវជ្រាវបង្ក្រាបលើមុខសញ្ញាជួញដូរ រក្សាទុកនិងប្រើប្រាស់ គ្រឿងញៀនបានចំនួន១១ករណី ដោយគិតចាប់ពីថ្ងៃទី១ដល់ ថ្ងៃទី១៥ ខែមករា នេះ។
ការបញ្ជាក់របស់លោកវរសេនីយ៍ទោ គង់ ស៊ីដន នាយការិយាល័យប្រឆាំងគ្រឿង ញៀនខេត្ត ឲ្យដឹងបែបនេះបានធ្វើឡើង ក្នុងគ្រាដែលកម្លាំងនគរបាលការិយាល័យប្រឆាំង គ្រឿងញៀន ក្រោមការដឹកនាំរបស់លោក សោ វុទ្ឋី ព្រះរាជអាជ្ញារងអមសាលាដំបូងខេត្ត នៅថ្ងៃទី១៥ ខែមករា បានចុះធ្វើកោសល្យវិច្ច័យលើគ្រឿងញៀនទំងន់១០០ក្រាម ដែលនគរ បាលស្ទាក់ចាប់រឹបអូស ពីជនសង្ស័យជាមុខសញ្ញាជួញដូរគ្រឿងញៀនទ្រង់ទ្រាយធំម្នាក់ ដែលបានធ្វើសកម្មភាពដឹកជញ្ជូនគ្រឿងញៀន តាមរថយន្តសាំយ៉ុងមួយគ្រឿងកាលពីយប់ ថ្ងៃទី១៣ មករា នៅក្នុងសង្កាត់ក្រគរ ក្រុងក្រចេះ។
បើតាមការបញ្ជាក់ពីលោកវរសេនីយ៍ទោ គង់ ស៊ីដន នាយការិយាល័យប្រឆាំងគ្រឿង ញៀនខេត្តរាល់ករណីដែលនគរបាលបានបើប្រតិបត្តការបង្ក្រាបនោះរួមមាន ករណីជួញដូរ គ្រឿងញៀនចំនួន៨ករណី ឃាត់ខ្លួនមនុស្ស១០នាក់ ស្រី្តជនជាតិវៀតណាមម្នាក់ ករណី រក្សាទុក១ករណី ឃាត់ខ្លួនមនុស្ស១នាក់ ករណីប្រើប្រាស់២ករណីឃាត់ខ្លួនមនុស្ស៣នាក់ ។ រាល់ករណីដែលបានបង្ក្រាបខាងលើ កម្លាំងនគរបាលជំនាញការិយាល័យបានកសាង សំណុំរឿង និងចាត់បញ្ជូនខ្លួនទាំងវត្ថុតាង និងជនល្មើសទៅតុលារដើម្បីបន្តចំណាត់ការ រួចរាល់អស់ទៅហើយដែរ។
ជុំវិញយុទ្ឋនាការនេះ លោកវរសេនីយ៍ឯក គង់ វណ្ណរឹទ្ឋ ស្នងការរងកណ្តាលប្រឆាំងបទ ល្មើស បានបញ្ជាក់ថា អនុវត្តតាមទិសដៅរបស់រាជរដ្ឋភិបាលកម្លាំងនគរបាលជំនាញក្រោម ការចង្អុលបង្ហាញនិងបញ្ជាដាក់ផែនការពីលោកឧត្តមសេនីយ៍លន់ សុផាត ស្នងការនគរ បាលខេត្ត គឺនគរបាលនៅតែបន្តនីតិវិធីស៊ើបអង្កេតស្រាវជ្រាវបង្ក្រាបលើមុខសញ្ញាគ្រឿង ញៀនដែលនៅសេសសល់បន្តទៀតឲ្យមានប្រសិទ្ឋភាព ៕