ខេត្តកំពង់ធំ ៖ លោក ញាណ ឆូយអាង ខ្លូនមានលុយមានអំណាច ព្រោះមេភូមិមេឃុំអត់ហ៊ានក្អកជាមួយរងការចោទថា៖លួចដាំដំឡូងលើដីចំការប្រជាពលរដ្ឋ ។ ជនរងគ្រោះមានឈ្មោះលោកស្រី ឆែម រានី មានដីចំការមួយកន្លែងនៅចំណុចអូរគោលនៅក្នុងភូមិរនាមឃុំទំរីងស្រុកសណ្ដាន់ខេត្តកំពង់ធំ។ដីប្រមាណប្រាំហិកតាត្រូវបានជនខិលខូចឈ្មោះញាណឆូយ បានមកបំពានលួចដាំដំឡូងដោយគ្មានការអនុញ្ញាតពីម្ជាស់ដីចំការនោះឡើយ។
លោកស្រី ឆែម រានី បាននិយាយប្រាប់ឲ្យដឹងថា ដីចំការចំនួន៥ហិកតានេះប្ដីលោកស្រីជានាក់ហៅគូយន្តមកភ្ជួរលើដីចំការដើម្បីដាំដំឡូង ។ ថ្លៃភ្ជួរដីចំការនោះសរុបទាំងអស់មួយលានរៀលរង់ចាំដល់ខែដាំដំឡូង។
ស្រាប់តែក្រោយមកមានប្រជាពលរដ្ឋនៅជិតដីចំការខាងលើនោះបានទូរស័ព្ទប្រាប់ថាមានឈ្មោះ ញាណ ឆូយ នេះមកដាំដំឡូងលើដីលោកស្រីពេលនោះលោកស្រីនិងប្ដីមកដល់ចំការក៏ឃើញគេដាំរួចហើយមែន ។
លោកស្រីបានបន្តឲ្យដឹងទៀតថា នៅពេលដែលលោកស្រីបានដឹងថាឈ្មោះញាណឆូយលួចដាំដំឡូងនៅក្នុងចំការរបស់លោកស្រីរូបលោកស្រីក៏ហៅឈ្មោះញាណឆូយនេះចូលខ្លូនមកដោះស្រាយទៅតាមផ្លូវច្បាប់។ តែចាប់តាំងពីខែ០៦ មករហូតមកទល់ពេលនេះ មិនចូលខ្លូនដោះស្រាយនោះទេ។
គួររំលឹកផងដែរថា៖បើតាមប្រជាពលរដ្ឋជិតខាងបានឲ្យដឹងថាឈ្មោះញាណឆូយនេះគាត់ធ្លាប់មានប្រវត្តិរំលោភយកដីរដ្ឋថ្វើកម្មសិទ្ធិផងដែរ ។ សារព័តិមានយើងមិនអាចទាក់ទងសុំការពន្យល់ពីលោកញានឆូយចំពោះការចោទប្រកាន់ខាងលើនេះបានទេ ។ សង្ឃឹមថានឹងទទួលការបំភ្លឺពីករណីនេះមិនខាន ៕