ក្រចេះ ៖ ហេតុការណ៍ភ្ញាក់ផ្អើលមួយបានកើតឡើង ដោយអគ្គីភយ័ឆាប់ឆេះផ្ទះប្រជាពលរដ្ឋជាច្រើនខ្នង កាលពីរសៀលថ្ងៃទី១៥ ខែមករា ឆ្នាំ២០១៧ ស្ថិតនៅភូមិព្រែកសំរោង ខ្សាច់អណ្ដែត ស្រុកឆ្លូង ខេត្តក្រចេះ ។
លោក ហេង សុថា អភិបាលស្រុកឆ្លូងបានឲ្យដឹងថា ហេតុការណ៍នេះបានកើតឡើងតាំងពីម៉ោងជាង១២ រហូតមកទល់មោងជិត៣រសៀល ទើបរលត់អណ្ដាត់ភ្លើងតែមិនទាន់រលត់ទាំងស្រុងនោះទេ ហើយខណៈពេលនេះ សមត្ថកិច្ចកំពុងបាញ់ទឹកពន្លត់បន្ដទៀតដោយប្រើទឹកអស់ជាង១០ឡានហើយ ។
លោកអភិបាលស្រុកបន្តទៀតថា ផ្ទះពលរដ្ឋដែលរងគ្រោះអគ្គីភយ័នោះ មានចំនួន៣ផ្ទះខូចខាត់ទាំងស្រុង ហើយបណ្ដាលមកពីរផ្ទុះសេខ្សែភ្លើងចេញពីផ្ទះកណ្ដាល ហើយបានឆេះរាលដាលដល់ផ្ទះសងខាងទៀត តែមិនទាន់ដឹងខូចខាតទ្រព្យសម្បិត្តអស់អ្វីខ្លះនោះទេ ហើយពេលនេះ ភ្លើងបានរលត់អណ្ដាតភ្លើងហើយ តែនៅរងើកភ្លើងក្រហមឆ្អៅ ហើយសមត្ថកិច្ចកំពុងបាញ់ទឹកដើម្បីឲ្យរលត់ទាំងស្រុង ហើយឡានបាញ់ទឹកមានចំនួនបីគ្រឿងឡានរបស់ស្នងការដ្ឋាននគរបាលខេត្តក្រចេះ២គ្រឿង និងរថយន្ដអធិការស្រុកឆ្លូងចំនួន១គ្រឿង ៕
