ក្រចេះ ៖ រថយន្តយីឌុបដឹកសណ្តែកសៀង មួយគ្រឿង បានបើកគារឡានអ្នកកាសែត ដែលឈប់នៅចិញ្ចើមផ្លូវ និយាយគ្នាជាមួយឈ្មួញរកស៊ីឈើ នឹងមន្ត្រីប៉ុស្ត៏ឃុំសណ្តាន់ ហើយបណ្តាលឲមន្ត្រីប៉ុស្ត៏ម្នាក់រងរបួសយ៉ាងធ្ងន់ធ្ងរ ។
ហេតុការណ៏បានកើតឡើងនូវផ្លូវជាតិ ៧ ស្ថិតក្នុងភូមិស្រែត្រែងឃុំក្បាលដំរីស្រុកសំបូរខេត្តក្រចេះ កាលពីយប់ថ្ងៃទី១២ ខែមករា ឆ្នាំ២០១៧ ។
លោក នួន សារិន អធិការរងទទួលផែនសណ្តាប់ធ្នាប់ស្រុកសំបូរបានប្រាប់ឲដឹងថា ជនរងគ្រោះ១៖ឈ្មោះ ចាន់ នឿន ជាមន្ត្រីប៉ុស្ត៏ឃុំសណ្តាន់ ភេទប្រុស អាយុ៤៨ឆ្នាំជនជាតិខ្មែរមានទីលំនៅរស់នូវភូមិធំឃុំសណ្តាន់ ស្រុកសំបូរ ខេត្តក្រចេះ ២៖ឈ្មោះវិច្ឆិកា ជាអ្នកកាសែត ៣៖ ឈ្មោះ កប ជាឈ្មួញរកស៊ីឈើ ។
លោកបានបន្តទៀតថា ករណីគ្រោះថ្នាក់ចរាចរណ៏នេះ បណ្តាលមកពីអ្នកបើកបររថយន្តយីឌុបដឹកសណ្តែកសៀង ងងុយដេក(ងោគមួយភាំង) មិនបានប្រយ័ត្នរួចក៏រេចង្កូតទៅគារឡានអ្នកកាសែត កំពុងឈប់នៅចិញ្ចើមផ្លូវ ស្របទិសគ្នាបណ្តាលឲខូចខាតអស់មួយចំហៀងនឹងបណ្តាលឲមន្ត្រីប៉ុស្ត៏រងរបួសត្រង់មុខ ក្បាលនឹងបែកប្រអប់ជើងខាងឆ្វេងយ៉ាងធ្ងន់ធ្ងរ ។ រួចបញ្ជូនជនរងគ្រោះមកសង្គ្រោះនៅមន្ទីរពេទ្យបង្អែកខេត្តក្រចេះភ្លាមៗនោះដែរ ។ ចំនែកភាគីខាងយីឌុបអ្នកបើកបរអត់ទាន់ស្គាល់អត្តសញ្ញាណទេ ។ ក្រោយពីមានគ្រោះថ្នាក់កើតឡើងកម្លាំងនគរបាលស្រុកសំបូរ បានឃាត់រថយន្តយីឌុបនឹងរថយន្តអ្នកកាសែតមករក្សាទុកនៅអធិការដ្ឋាននគរបាលស្រុកសំបូរ ដើម្បីចាត់តាមនិតិវិធីច្បាប់ ។
លោក នួន សារិន បានបញ្ជាក់ឲ្យដឹងនៅព្រឹកថ្ងៃទី១៣ខែមករាឆ្នាំ២០១៧នេះថាភាគីទាំងសងខាងកំពុងសម្របសម្រួលដើម្បីបញ្ចប់៕
