ក្រចេះ ៖ កម្លាំងនគរបាលការិយាល័យប្រឆាំងបទល្មើសគ្រឿងញៀនខេត្តក្រចេះ នឹងបញ្ជូនជនសង្ស័យម្នាក់ពាក់ពន្ធ័និងករណីជួញដូររក្សាទុកដោយខុសច្បាប់នូវសាធាតុញៀននឹងវត្ថុតាងមួយចំនួនទៅតុលាការនៅរសៀលថ្ងៃទី១២ខែមករាឆ្នាំ២០១៧នេះ លោក គង់ ស៊ីដន ប្រធានការិយាល័យប្រឆាំងបទល្មើសគ្រឿងញៀន នៃស្នងការនរគបាលខេត្តក្រចេះបានបញ្ជាក់ឲ្យដឹងថា កម្លាំងនគរបាលស្រុកស្នួល សហការជាមួយកម្លាំងប៉ុស្ត៏នគរបាលឃុំស្នួល បានចុះប្រតិបត្តិការបង្ក្រាបនឹងឃាត់ខ្លួនជនសង្ស័យម្នាក់នៅចំនុចផ្ទះជួល វត្តផ្សារស្នួល ស្ថិតក្នុងភូមិក្បាលស្នួល ឃុំស្នួល ស្រុកស្នួល ខេត្តក្រចេះ កាលពីថ្ងៃទី១១ ខែមករា ឆ្នាំ២០១៧ ។
ចំនែកនគរបាលស្រុកស្នួលបានឲ្យដឹងថា ប្រតិបត្តការបង្គ្រាបនេះ ដោយមានការសម្របសម្រួល ពីលោក ធុច បញ្ចសន្តិភាព ព្រះរាជអាជ្ញារងអមសាលាដំបូងខេត្តក្រចេះ ឈានទៅដល់ឃាត់ខ្លួនជនសង្ស័យម្នាក់ នៅចំនុចកើតហេតុខាងលើ ។
នគរបាលបន្ដទៀតថា ជនសង្ស័យមានឈ្មោះ ឡេង ធីញុង ភេទស្រី អាយុ៣៥ឆ្នាំ ជនជាតិខ្មែរកម្ពុជាក្រោម រស់នូវភូមិក្បាលស្នួល ឃុំស្នួលស្រុក ស្នួលខេត្តក្រចេះ នឹងដកហូតបានវត្ថុតាងម្ស៉ៅក្រាម ពណ៌ប្រភេទម៉ាទឹកកក មួយកញ្ចប់ធំទូរស័ព្ទចំនួន ២ គ្រឿង និងសម្ភារៈប្រើប្រាស់ជាច្រើន ។
បច្ចុប្បន្ន ជនសង្ស័យខាងលើត្រូវបានឃាត់ខ្លួនបណ្តោះអាសន្ន នៅការិយាល័យប្រឆាំងបទល្មើសគ្រឿងញៀនខេត្ត និងកំពុងកសាងសំណុំរឿងបញ្ជូនជនសង្ស័យទៅកាន់សាលាដំបូងខេត្តក្រចេះ នៅរសៀលថ្ងៃទី១២ ខែមករា ឆ្នាំ២០១៧ ដើម្បីចាត់ការទៅតាមនីតិវិធីច្បាប់ ៕