ខេត្តរតនគីរី ៖ នៅសាលរដ្ឋបាលខេត្តរតនគិរី មានរៀបចំពិធីប្រកាសតែងតាំងប្រធានមន្ទីរបរិស្ថានខេត្ត នាព្រឹកថ្ងៃទី១១ ខែមករា ឆ្នាំ២០១៧ ក្រោមអធិបតីភាពឯកឧត្តមសាយ សំអាល់ រដ្ឋមន្ត្រីក្រសួងបរិស្ថានដោយមានការចូលរួមឯកឧត្តមថង សាវុន អភិបាលគណៈអភិបាលខេត្តរតនគិរី ឯកឧត្តមណាប់ ប៊ុនហេង សមាជិកក្រុមប្រឹក្សាខេត្ត ថ្លែងក្នុងឱកាសនោះឯកឧត្តមថង សាវុនអភិបាលគណៈអភិបាលខេត្តរតនគិរីបានផ្តាំផ្ញើរដល់លោក ផុនខេមរិន្ទ បច្ចុប្បន្ន ជាអនុប្រធានស្តីទីត្រូវក្រសួងបរិស្ថាន ប្រកាសតែងតាំងជាប្រធានមន្ទីរបរិស្ថានខេត្តរតនគិរីថ្មី ជំនួសលោកជូ សុភ័ក្ត្រត្រូវផ្ទេរភារកិច្ចថ្មីថា ៖ អោយខិតខំយកចិត្តទុកដាក់ចំពោះការងារនិងគោលនយោបាយរាជរដ្ឋាភិបាលក៏ដូចជាក្រសួងបរិស្ថានដាក់ចុះ ត្រូវយកចិត្តទុកដាក់លើការងារគ្រប់គ្រងនិងការងារផ្តល់សេវ៉ាជូនប្រជាពលរដ្ឋបន្តការងារទំនាក់ទំនងអោយបានល្អ ជាមួយអង្គភាពពាក់ព័ន្ធនិងអង្គការជាដៃគូរសង្គមស៊ីវិលនានា ។
លោក ផុន ខេមរិន្ទ ប្រធានមន្ទីរបរិស្ថានថ្មីបានឡើងប្តេជ្ញាចិត្តស្មោះត្រង់ គោរពនិងអនុវត្តអោយបានខ្ជាប់ខ្ជួនជានិច្ចនូវគោលនយោបាយរបស់រាជរដ្ឋាភិបាលកម្ពុជា ដែលមានសម្តេចអគ្គមហាសេនាបតីតេជោហ៊ុន សែន ជាប្រមុខដឹកនាំដ៏ឆ្នើមអោយទទួលបានជោគជ័យខិតខំយកចិត្តទុកដាក់អោយអស់ពីសមត្ថភាព កម្លាំងកាយចិត្ត និងស្មារតី បំពេញការងារប្រកបដោយឆន្ទះទទួលខុសត្រូវខ្ពស់ និងប្រកាន់ខ្ជាប់នូវសិលធម៌ ឥរិយាបថ ជាអ្នកដឹកនាំ។
ឯកឧត្តមរដ្ឋមន្ត្រី សាយ សំអាល់ ក៏បានធ្វើការផ្តាំផ្ញើរដល់មន្ត្រីទើបតែប្រកាសតែងតាំងអោយយកចិត្តទុកដាក់ ជាពិសេសបន្តអនុវត្តយុទ្ធសាស្ត្រចតុកោណតំណាក់កាលទី៣ និតិកាលទី៥ នៃរដ្ឋសភា និងលើកកំពស់ស្ថានភាពប្រសិទ្ធិភាព ការជឿទុកចិត្តក្នុងការផ្តល់សេវ៉ាសាធារណៈ ប្រកបដោយគុណភាពតាមរយៈការប្រកាស់ខ្ជាប់នូវឆន្ទៈ ម្ចាស់ការភក្តីភាព និងមនសិកាវិជ្ជាជីវៈរបស់មន្ត្រីរាជការដែលជាលក្ខខណ្ឌដ៏ចាំបាច់មួយដើម្បីអោយសម្រេចនូវគោលបំណងនៃការដំណើរការកែទម្រង់ជាពិសេស សហការកែទម្រងជាសាធារណៈ។
ឯកឧត្តមបន្តថា ៖ ក្រសួង និងរៀបចំកាត់បន្ថយដីសម្បទានពី៩០ឆ្នាំមកត្រឹម៥០ឆ្នាំ ដើម្បីងាយស្រួលអោយប្រជាពលរដ្ឋងាយស្រួលក្នុងការប្រកបមុខរបរកសិកម្ម បន្តពីក្រុមហ៊ុនដែលវិនិយោគជាមួយរាជរដ្ឋាភិបាល ហើយបែងចែកដីកសិកម្មនិងដីអភិរក្សអោយបានច្បាស់លាស់ ហើយមិនបំពានទៅលើដីកសិកម្មដែលប្រជាពលរដ្ធដាំដុះកសិកម្មនោះឡើយ ៕
