ខេត្តសៀមរាប ៖ មន្ត្រីអាវុធហត្ថខេត្តសៀមរាបពីរនាក់ ដែលជាកូនចៅលោក ប៉ោ វ៉ាន់និត កូនប្រសារលោកនាយឧត្តមសេនីយ៍សៅ សុខា ត្រូវបានគេរាយការណ៍ថា គោះពីម្ចាស់គោយន្តកន្ត្រៃដឹកឈើបាន១៥០០ដុល្លារអាមេរិក ។
ករណីនេះ បើតាមប្រភពដែលសុំលាក់ឈ្មោះបានទម្លាយឲ្យដឹងថា ៖ នៅព្រឹកថ្ងៃទី០៣ខែមករាឆ្នាំ២០១៧ក្នុងភូមិសាស្ត្រឃុំចាន់សស្រុកសូទ្រនិគមមានមន្ត្រីអាវុធហត្ថខេត្តសៀមរាបចំនួន២នាក់ បានធ្វើការស្ទាក់ចាប់គោយន្តកន្ត្រៃដឹកឈើរបស់ពលរដ្ឋចំនួនមួយគ្រឿងរួចដោះលែងវិញជាថ្នូរនឹងលុយ១៥០០ដុល្លារ។ តាមទម្លាប់ការដឹកឈើបន្តិចបន្តួចរបស់ពលរដ្ឋនេះដែរគឺត្រូវបានបង់លុយឲ្យសមត្ថកិច្ចជំនាញដែលឈរជើងនៅតាមដងផ្លូវគ្មានសល់កន្លែងណាមួយនោះទេ។ប៉ុន្តែ មិនដឹងហេតុអីបានជាមានមន្ត្រីអាវុធហត្ថមក ចាប់យកលុយបន្ថែមពីលើខ្ទង់នោះទៀត?។
ម្ចាស់គោយន្តកន្ត្រៃដែលអ្នកខ្លះថាជាឈ្មួញជមនាញខាងដឹកឈើដែរនោះបានបង្ហើបឲ្យដឹង ថា៖មន្ត្រីប៉េអឹមដែល មក ចាប់ឈើរបស់គាត់នោះមានឈ្មោះ លី ហួតហៅ តួក និងឈ្មោះស៊ី ប៉េអអឹម ដែលឈរជើងនៅ ស្រុកប្រាសាទបាគង។គាត់និយាយថា៖មន្ត្រីប៉េអឹមទាំង២នាក់នោះកាក់គោយន្តកន្ត្រៃរួចទាមទារជំរិតទារលុយ២០០០ដុល្លារតែសម្រួលគ្នាត្រឹម១៥០០ដុល្លារទើបពួកគាត់យល់ព្រមដោះលែងឲ្យចេញ។
ម្ចាស់គោយន្តបានបញ្ជាក់ថា៖តាមពិតមុនដំបូងមន្ត្រីអាវុធហត្ថឈ្មោះស៊ីបានសុំទិញឈើនោះតែគាត់មិនលក់ឲ្យទើបចាប់គាត់តែម្តង។ចំណែកលោកអនុសេនីយ៍ឯក លី ហួត ហៅតួក មិនអាចទាក់ ទងសុំការបំភ្លឺបានទេនៅព្រឹកថ្ងៃទី៤នេះ រហូតមកថ្ងៃទី៩ដោយហៅចូលជាច្រើនដងតែគ្មានអ្នកទទួល។
ទាក់ទិននឹងករណីនេះដែរលោក ឧត្តមសេនីយ៍ត្រី ប៉ោ វណ្ណនិត មេបញ្ជាការកងរាជអាវុធហត្ថខេត្តសៀមរាបមិនអាចទាក់ទងសុំការពន្យល់ពីលោកបានទេដោយសារហៅទូរស័ព្ទទៅលោកចូលតែគ្មានអ្នកទទួល។ ទាក់ទងករណីនេះលោក កើត វណ្ណា រ៉េត ព្រះរាជអាជ្ញាអមសាលាដំបូងខេត្តសៀមរាបបានប្រាប់កាសែតថា៖ករណីនេះលោកនៅមិនទាន់ដឹងទេ។ប៉ុន្តែលោកស្នើឲ្យជនរងគ្រោះមកដាក់ពាក្យបណ្តឹងនៅតុលាការ។បើចឹងតើអ្នកណាហ៊ានប្តឹង?!៕