ភ្នំពេញៈមន្ត្រីពន្ធនាគារខេត្តកំពង់ធំផ្នែកអនុរក្សម្នាក់ត្រូវបានគេរាយការណ៍ថាកំពុងតែល្បីល្បាញខាងរំលោភសេពសសន្ថវៈ(រួមបវេណី)អំពើអនាចារ ទៅលើប្រុសក្មេងស្អាត ៗនិងចូលចិត្តប្រើអំពើហិង្សាដ៏ឃោរឃៅព្រៃផ្សៃបំផុត។មន្ត្រីនោះមានឈ្មោះ ភិន សំអុលភេទប្រុស អាយុខ្ទង់៥០ឆ្នាំជាងមានតួនាទីជា មន្ត្រីអនុប្រធានការិយាល័យប្រតិបត្តិ នៃពន្ធនាគារខេត្តកំពង់ធំផ្នែកអនុរក្សជារៀងរាល់ថ្ងៃ តែងតែជេរបញ្ចោរអ្នកទោស មិនថាយប់ឬថ្ងៃដូចសត្វធាតុដោយគំរាមកំហែងអ្នកទោសនៅក្នុងគុកខេត្តកំពង់ធំថា«គុកនេះជាគុករបស់អញ អ្ហែងចង់ខ្លាំងអី…!»។
ថ្មីៗនេះមានអ្នកទោសបានស្លាប់ពីរនាក់ ដោយសារបុគ្គលនេះមិនបញ្ជូន ទៅសង្គ្រោះបន្ទាន់នៅមន្ទីរពេទ្យធំ។ គាត់បានចោទប្រកាន់អ្នកទោសថា ឈឺពុត! ។តែធាតុពិតគឺជាលេសហេតុផលនៃ អំពើពុករលួយតែប៉ុណ្ណោះ។ដោយសារចារិកស្រីឈ្លោះមិនរើសមុខនោះ សូម្បីតែមន្ត្រីពន្ធនាគារគ្នាឯងក៍លោក ភិន សំអុល ឆ្កឹះឆ្កៀលចាក់ចុចជេរបញ្ចោរមិនរើសមុខឡើយ។មូលហេតុត្រូវបានគេរាយការណ៍ថា៖ ព្រោះគាត់អាងខ្នងបង្អែក អគ្គស្នងការពន្ធនា គារក្រសួងមហាផ្ទៃនៅពីក្រោយខ្នង។ ថ្វីបើ លោកភិន សំអុល មានតួនាទីស័ក្តិតូចក្តី។
នៅក្នុងគុកខេត្តកំពង់ធំ អ្នកលក់ដូរសុទ្ធតែមានការដេញថ្លៃត្រឹមត្រូវ តែត្រូវបានលោក សំអុល ចាក់រុកដេញគេឱ្យចេញរួចយកកន្លែងនោះលក់ខ្លួនឯងដោយដំឡើងថ្លៃទំនិញគ្រប់មុខមួយទ្វេគុណនឹងបីទៅបួនដងដូចជា ត្រី ប្រហុក ផ្អក សាច់គោ និងសាច់ជ្រូក។ល។និង។ល។នៅក្នុងអំឡុងខែកុម្ភៈឆ្នាំ២០១៥កន្លងមកអគ្គស្នងការនគរបាលជាតិបានបញ្ជូនមន្ត្រីអធិការកិច្ចមួយក្រុ មចុះទៅស៊ើបអង្គេតរឿងលោក ភិន សំអុល រំលោភសេពសន្ថវៈ អ្នកទោសបុរសៗ នៅខេត្តកំពង់ធំរយៈពេលបីថ្ងៃ តាមរយៈពាក្យបណ្តឹងអ្នកទោសក្នុងគុកបួននាក់ បានប្តឹង។ អគ្គស្នងការន គរបាលបានត្រឹមតែបញ្ឈរជើងបុគ្គលនោះតែប្រាំមួយខែ ក៍ដោះលេងឱ្យមានសេរីភាពវិញ ហើ យគេបានធ្វើទុក្ខម្នេញអ្នកទោសកាន់តែសាហាវលើសដើម។
ករណីនេះលោក ខៀវ សុភ័គអ្នកនាំពាក្យក្រសួងមហាផ្ទៃធ្លាបើបានប្រាប់កាសែតឱ្យដឹងថា៖ ក្រសួងមហាផ្ទៃមិនគាំទ្រ រឿងទាំងប៉ុន្មាន ដែលបុគ្គល (ភិន សំអុល) បានធ្វើនោះទេ។ អ្វីដែលខ្ញុំបានទទួលដឹងដំណឹងនេះ!ក្រសួងនឹងចាត់ឱ្យមន្ត្រីជំនាញចុះទៅស៊ើបអង្គេតរឿងនេះជាបន្ទាន់។តែលោក ភាន ឆវ័ន្ត ដែលជាប្រធានគ្រប់គ្រងគុកខេត្តកំពង់ធំ បានបដិសេធសេចក្តីរាយការណ៍នេះ។ គាត់ថាអត់មានករណីដូច ការផ្តល់ដំ ណឹងទៅឱ្យកាសែតនោះទេ។ លោកថា រាល់ករណីរឿងអ្វីកើតមានឡើងគឺសុទ្ធតែមានគណៈកម្មការចុះត្រួតពិនិត្យជា ពិសេសមានព្រះរាជអាជ្ញាចូលរួម។ ពាក់ព័ន្ធព័ត៌មានថ្មីៗដែលទុកឱ្យអ្នកទោសស្លាប់ពីរនាក់នៅ ក្នុងគុកខេត្តកំពង់ធំលោក ភាន ឆវ័ន្តថាបានធ្វើរបាយការណ៍ជូនអគ្គស្នងការនគរបាលជាតិរួចហើយ។ ទោះជាយ៉ាងណា លោក ភិន សំអុល អនុប្រធានការិយាល័យពន្ធនាគារខេត្តកំពង់ធំ ទទួលបន្ទុកផ្នែកអនុរក្ស បាន លោកទទួលស្គាល់ថាបាន ដោះទ្រនាប់ជើងផ្ទាត់វាយក្បាលស្ត្រីអ្នកទោសពិតប្រាកដមែន។ ប៉ុន្តែក្នុងលក្ខណៈបែបអប់រំមិន ធ្ងន់ធ្ងរទេ(ស៊ិក)។
ទាក់ទងដល់ រឿងរំលោភសេពសន្ថវៈអ្នកទោសប្រុសៗ លោកភិនសំអុលបានឲ្យដឹងថា៖ អ្នកទោសបួននាក់ដែលបានប្តឹងខ្ញុំនោះ ត្រូវបញ្ជូនទៅខេត្តបាត់ដំបងជាមួយអ្នកទោសសរុ ប២០នាក់។ ព្រោះគុកកំពង់ធំមានកន្លែងតូចចង្អៀត។ និយាយជារួមទៅរឿងទាំងអស់នេះវាមិន ពិតទេ ព្រោះក្រុមការងារអគ្គស្នងការ បានចុះស្រាវជ្រាវម្តងហើយ។
យោងតាមប្រភពពីបុរសម្នាក់ ធ្លាប់ជាប់គុកនៅខេត្តកំពង់ធំ អស់រយៈពេលជិតពីរឆ្នាំបានឲ្យដឹង ថា៖លោក ភិន សំអុល ជាមនុស្សកាកសំណល់ខ្មែរក្រហម បានប្រើអំពើហិង្សាដោះយកទ្រនាប់ជើងវាយក្បាលស្ត្រីជាប់គុកពីរនាក់ហើមក្បាល កាលពីថ្ងៃ ទី១៥ខែធ្នូឆ្នាំ២០១៦ ព្រោះតែពួកគេប្រកែកគ្នាបន្តិចបន្ទួច។ ដោយញៀនដៃវាយមនុស្សគ្មានទោសពៃ ភិន សំអុល បានវាយបុរសឈ្មោះ ហាវ ភឿង រយះក្បាលចេញឈាមប្រវែងមួយថ្នាំងដៃកន្លះដោយគ្មានមូលហេតុអ្វីសោះ។
ប្រភពដដែលបានបង្ហាញ អំពើឃោរឃៅរបស់ ភិន សំអុល ទៀតថា គាត់បានវាយបុរសម្នាក់ឈ្មោះ សុជ សាម នឹងដងអំបោសឫស្សីរហូតក្លាយទៅជាមនុស្សឆ្កួតដែលកំពុងតែសង្គ្រោះបន្ទាន់នៅមន្ទីរពេទ្យធំខេត្តកំពង់ធំ។ អ្វីដែលកាន់តែធ្ងន់ធ្ងរនោះ ចាប់តាំងពីឆ្នាំ២០០១ រហូតដល់ខែកុម្ភៈឆ្នាំ២០១៥ ត្រូវបានប្រភពដ ដែលបន្តថា លោក សំអុល បានរំលោភសេពសន្ថវៈ អ្នកទោសប្រុសក្មេងស្អាតៗ រាប់ពាន់នាក់នៅក្នុងគុកខេត្តកំពង់ធំ។
ក្នុងឆ្នាំ២០១៥ដោយការអត់ទ្រាំមិនបាន រំលោភសេពសន្ថវៈទាំងព្រឹក ទាំងល្ងាច ហើយមានពេលខ្លះរំលោភម្តងពីរនាក់ផងនោះ មានមនុស្សបួននាក់បានចេញមុខប្តឹ ង ភិន សំអុល ទៅសាលាខេត្តកំពង់ធំ។ ក្នុងនោះមានឈ្មោះ លុច្ស កុយ, ស្រ៊ី ប៉េ ,យក់ រីហ្សែន និង ប៉ែត សុខហៃ។ ដើម្បីលុបលាងអំពើពាលរបស់ខ្លួនលោក សំអុល ឱ្យគេដឹកអ្នកប្តឹងទាំងបួននាក់នោះផ្លាស់ទៅគុកខេត្តបាត់ដំបងដោយយកលេសថាទាំងបួននាក់មិនគោរពវិន័យគុក។ រីឯអ្នកនៅសល់ត្រូវគាត់គំរាមកំហែងទុកជាមុនកុំឱ្យប្តឹងផ្តល់ដូចទាំងបួននាក់នោះបន្តទៀត។
