ខេត្តពោធិ៍សាត់៖ ថ្មីៗកន្លងទៅនេះ សម្ដេចក្រឡាហោមឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានដាក់ចេញបទបញ្ជាក្តៅគគុកមួយជុំវិញការបង្ក្រាបបទល្មើសធំៗចំនួន០៣គឺ បទល្មើសព្រៃឈើ បទល្មើសនេសាទ និងបទល្មើសគ្រឿងញៀន ហើយមុខសញ្ញាបទល្មើសធំៗទាំងបីនេះត្រូវចាប់ផ្តើមប្រតិបត្តិការបង្ក្រាបជាលក្ខណៈទ្រង់ទ្រាយធំ និងដូចភ្លៀងរលឹម ចាប់ពីដើមខែ មករា២០១៧នេះនៅតាមមូលដ្ឋាន ក្នុងក្របខ័ណ្ឌទូទាំងប្រទេសដើម្បីធ្វើយ៉ាងណាជម្រុញការអនុវត្តន៍ច្បាប់អោយកាន់តែមានប្រសិទ្ធិភាព ជាពិសេសគោលនយោបាយភូមិឃុំមានសុវត្ថិភាព។ សម្ដេចក្រឡាហោមក៏បានប្រកាស់ជាសារធារណៈ ថា គ្រប់មន្ត្រីអាជ្ញាធរនិងសមត្ថកិច្ចពាក់ព័ន្ធទាំអស់ទោះថ្នាក់ណាក៏ដោយប្រសិនបើមានជាប់ពាក់ព័ន្ធជាមួយបទល្មើសត្រូវដកខ្លួនចេញជាបន្ទាន់!។
បន្ទាប់ពីទទួលបទបញ្ជានិងផែនការបង្ក្រាបពីថ្នាក់លើភ្លាម គេសង្កេតឃើញតាមបណ្ដាខេត្តនៅតំបន់ជុំវិញបឹងទន្លេសាប បានចាប់ផ្ដើមចេញប្រត្តិបត្តិការបង្ក្រាបយ៉ាងសស្រាក់សស្រាំផងដែរបន្ទាប់ពីគណៈកម្មកាចម្រុះថ្នាក់ជាតិដឹកនាំដោយលោកវ៉េង សាខុនរដ្ឋមន្ត្រីក្រសួងកសិកម្មចុះត្រួតពិនិត្យទីតាំបទល្មើសនៅតំបន់បឹងទន្លេសាបកាលពីថ្ងៃទី២៨ធ្នូ២០១៦មក ហើយក៏បានសន្យានឹងចុះបង្ក្រាបបទល្មើសនេសាទនៅតំបនបឹងទន្លេសាបក្នុង១ខែអោយបានម្ដងផងដែរ ដើម្បីអនុវត្ត បទបញ្ជានិងផែនការរបស់ថ្នាក់លើដែលបានដាក់អោយថ្នាក់ក្រោមអនុវត្ត។
ដោយឡែក នៅខេត្តពោធិ៍សាត់ បើតាមការអោយដឹងប្រភពព័ត៌មានពីប្រជាពលរដ្ឋបានអោយដឹងថា គេសង្កេតឃើញមានសភាពស្ងាត់ជ្រងុំទៅដូចចោរលួចសេះ។ ការពិតមានដែរតែបង្ក្រាបបានតែអាតូចៗប៉ុណ្ណោះសម្រាប់បទល្មើសនេសាទ។ចំណែកផ្នែកខាងបទល្មើសព្រៃឈើត្រូវបានគេមើលឃើញថានៅខេត្តពោធិសាត់គេអត់ទាន់ឃើញលោកម៉ៅ ធនិនដែលជាអភិបាលខេត្តនិងជាប្រធានគណៈបញ្ជាឯកភាពខេត្តដែលមានកងកំលាំងប្រដាប់អាវុធទាំងបីប្រភេទ ជំនាញពាក់ព័ន្ធគ្រប់អង្គភាពស្ថាប័នដែលក្នុងនោះមានទាំងស្ថាប័នតុលាការ ព្រះរាជអាជ្ញា ផងដែរ ចេញប្រត្តិបត្តិការបង្ក្រាបនៅឡើយទេ។
ករណីនេះត្រូវបានប្រជាពលរដ្ឋដាក់ការសង្ស័យនិងរិះគន់ថាអាជ្ញាធរប្រហែលក្លាយទៅជាអ្នកនាំពាក្យរបស់ឈ្មួញប្រពឹត្តបទល្មើសទៅវិញដោយបានប្រកាសប្រាប់ក្រុមប្រព្រឹត្តបទល្មើសអោយដឹងខ្លួនជាមុនដែលស្ទីលនេះមិនខុសអីពីសមត្ថកិច្ចនិងជនល្មើសគឺតែមួយនោះទេហើយប្រសិទ្ធិភាពនៃការបង្ក្រាបបទល្មើសត្រូវបានគេមើលឃើញថា ហាក់មិនមានប្រសិទ្ធិភាពនោះទេ។
បើយោងតាមបណ្តាញសង្គមហ្វេសបុក និងបណ្តាញផ្សព្វផ្សាយព័ត៌មានក្នុងស្រុកមួយចំនួនបានបង្ហាញឈ្មោះជនប្រព្រឹត្តិល្មើសជូនអស់លោកបានជ្រាបអស់ហើយ។បណ្តាញសង្គមមួយចំនួនបានលើកឡើងអោយដឹងកាលពីទី០៣ខែមករាឆ្នាំ២០១៧ ដោយបានរៀបរាប់ឈ្មោះរបស់កំពូលមេឈ្មួញធំៗនិងល្បីៗក្នុងខេត្តពោធិសាត់ ដែលរួមមាន៖ ឈ្មោះ ប៊ុនហេង ផ្ទះនៅពោធិ៍សាត់ លោក ហយ (ហៅតាហយ) ផ្ទះនៅបំណក់និងក្រគររកស៊ីឈើបានលុយបើកការ៉ាស់សាំង២កន្លែងនៅបណក់ស្រុកក្រគរហើយតាហយនេះមានលុយច្រើនណាស់ពីបទល្មើសឈើ និងមានលទ្ធភាពប្រើខ្មោចស្ទើទូទាំងខេត្តពោធិសាត់ឲ្យកិនម្ស៉ៅអោយទៀតផង។
ឈ្មោះ លោក វៃ និងឈ្មោរដ្ឋា ជើងខ្លាំងខាងទិញទឹកចិត្តមន្ត្រីជំនាញនិងសមត្ថកិច្ចនិងមេឈ្មួញម្នាក់ទៀត គឺលោក ង៉ូវ ទីនៅត្រពាំជង ដែលជាមេឈ្មួញធំជាងនៅខេត្តពោធិ៍សាត់និងជាអ្នកផ្គត់ផ្គង់ប្រភេទឈើក្រហមខុសសច្បាប់ដឹកចេញពីឃំុអន្លុងរាប ស្រុកវាលវែងទៅចែកចាយ នៅតាមដេប៉ូចាប់ តាំងពីខេត្តពោធិសាត់ បាត់ដំបង ប៉ៃលិន កំពង់ឆ្នាំង កំពង់ស្ពឺ កណ្តាលនិងរាជធានីភ្នំពេញដោយជ្រកក្រោមផ្លាកយីហោក្រុមហ៊ុនទ្រី ភាព ដោយមានខ្នងយក្សជាបង្អែករឹងមាំនៅពីក្រោយខ្នងបើទោះជាគេដឹងថាលោកឧកញ្ញ៉ាទ្រី ភាពធ្លាប់បានប្រកាស់បិទបញ្ឈប់ការធ្វើអាជីវកម្មព្រៃឈើនៅខេត្តពោធិ៍សាត់ ដោយសារអាជ្ញាប័នក្រុមហ៊ុនរបស់លោកឧកញ្ញាទ្រី ភាពបានផុតសុពលភាពអាជ្ញាប័នតាំពីឆ្នាំ២០១០ទៅហើយក៏ដោយ។ ក្រៅពីឈ្មោះខាងលើនេះក៍នៅមានមេឈ្មួញល្បីៗជាច្រើននាក់ទៀតផងដែរ។ល។
ព័ត៌មាននេះថ្វីត្បិតតែបណ្តាញសង្គម បានលើកឡើងមិនសូវបានពឹស្ដា លម្អិតអោយអស់មែន ប៉ុន្តែវាអាចជាតម្រុយសម្រាប់លោកអភិបាលខេត្តនិង កងកម្លាំងទាំងបីប្រភេទព្រមទាំង អង្គភាពជំនាញពាក់ព័ន្ធនិងស្ថាប័នព្រះរាជអាជ្ញា តុលាការ ក្នុងការតាមដាន ស៉ើបអង្កេតវែកមុខរកជនសង្ស័យទាំងអស់នោះដើម្បីឈានដល់ការបង្ក្រាបនិងចាប់ខ្កួនយកមកផ្តន្ទារទោសតាមច្បាប់ផងដែរ។
កុំធ្វើតែចំពោះប្រជាពលរដ្ឋដែលរកទទួលទានតូចតាចជាលក្ខណៈគ្រួសារគ្រាន់ដូរបាយដូរអង្កហូបចម្អែតក្រពះនិងអោយកូនទៅរៀនបែរជាត្រូវសមត្ថកិច្ចជំនាញនិងកងកម្លាំងបង្ក្រាបយ៉ាងសកម្មនិងឃោរឃៅបំផុត និងត្រូវបានគេចោទប្រកាន់ថា ជាអ្នកដែលបំផ្លិចបំផ្លាញព្រៃឈើនិង ជាឧក្រិដ្ឋជនព្រៃឈើ ទៅវិញ។ មិនតែប៉ុណ្ណោះរហូតតាមប្រមាញ់ចាប់អ្នកកាសែតដាក់គុកដែលគ្រាន់តែចុះយកព័ត៌មានករណីក្រុមឈ្មួញទាំងនោះរកស៊ីដឹកជញ្ជូនឈើតាមរថយន្តយីឌុបទាំងរថយន្តៗដែលដឹកបន្តកន្ទុយចេញពីស្រុកវាលវែងប៉ុុណ្ណោះ។
តើទង្វើបែបនេះជាការត្រឹមត្រូវដែរឬទេ???បើសិនដូចករណីបែបនេះវាមិនខុអ្វីពីពាក្យចាស់ធ្លាប់ពោលទេថាខ្លាលីគោកាត់ភូមិនាំគ្នាសម្ងំនៅអោយស្ងៀម តែបើឆ្មាស៊ីត្រីអាំងវិញ នាំគ្នាវ៉ៃឆ្មាចង់ងាប់ចង់រស់ហើយ;។សារព័ត៌មានយើងនឹងព្យាមតាមដានរឿងនេះជាបន្តបន្ទាប់ទៀត ដោយទន្ទឹងរង់ចាំមើលចំណាត់ការនិងប្រសិទ្ធភាព និងប្រសិទ្ធផលលើការអនុវត្តន៍ការងារជាក់ស្តែងរបស់ លោក ម៉ៅ ធនិនអភិបាលខេត្ត្តពោធិ៍សាត់ក្នុងការអនុវត្តបទបញ្ជារបស់សម្ដេចក្រឡាហោមស ខេង តើមានតម្លាភា និងប្រសិទ្ធភាពដល់កំរិតណា?៕
