រៀបចំកម្មវិធីប្រឡង បវរកញ្ញាទេសចរណ៏អន្តរជាតិ-ពិភពលោក លើកទី ១៧ នឹងត្រូវធ្វើឡើងនៅថ្ងៃទី ៣១ ធ្នូ ២០១៣ នៅ ឯប្រទេសម៉ាឡេស៊ី និងដែលមានការគាំទ្រពី ក្រសួងពត៌មាន ការទំនាក់ទំនង និងវប្បធម៌ នៃប្រទេសម៉ាឡេស៊ី និងក្រសួងវប្បធម៏ និងវិចិត្រសិល្បៈនៃប្រទេសកម្ពុជា។
ការប្រឡងបវរកញ្ញាជាលក្ខណៈអន្តរជាតិលើកទី ១ នៅក្នុងព្រះរាជាណាចក្រកម្ពុជា ដែលជាផ្នែកមួយនៃកម្មវិធីប្រឡង បវរកញ្ញាទេសចរណ៏អន្តរជាតិ-ពិភពលោក លើកទី ១៧ជាលទ្ធផល បេក្ខនារីជ័យលាភីជាបវរកញ្ញាទេសចរណ៏អន្តរជាតិ-កម្ពុជា លេខ ១ និងក្លាយជាអ្នកតំណាងប្រទេសកម្ពុជាទៅប្រឡងបវរកញ្ញាទេសចរណ៍ពិភព គឺ បានទៅលើកញ្ញា ប៊ី សុធារី ខណៈ បេក្ខនារីជាប់លេខ ២ បានទៅលើកញ្ញា នី ដាណេ និងបេក្ខនារីជាប់លេខ ៣ បានទៅលើកញ្ញា លឿង ណារី ។
កញ្ញា ប៊ី សុធារី នឹងត្រូវចូលខ្លួនប្រកួតដណ្តើមតំណែងបវរកញ្ញាទេសចរណ៍ពិភពជាមួយ នឹងបវរកញ្ញានានាមកពី៦០ប្រទេស នៅទីក្រុងកូឡាឡាំពួរ ប្រទេសម៉ាឡេស៊ីនៅថ្ងៃទី៣១ ធ្នូ ២០១៣៕
