ខេត្តក្រចេះ ៖ មន្ត្រីនគរបាលការិយល័យគ្រឿងញៀនខេត្តបានឲ្យដឹងថា លទ្ឋផល នៃយុទ្ឋនាការបង្ក្រាបគ្រឿងដែលត្រូវអនុវត្តរយះពេល៦ខែ ក្នុងនោះមានជនជាមុខសញ្ញា គ្រឿងញៀន៣នាក់ត្រូវបានស្រាវជ្រាវចាប់ខ្លួនជាបន្តបន្ទាប់ ពាក់ព័ន្ឋនិងសំណុំរឿង២ ករណី ដែលប្រព្រឹត្តទៅនតាមស្រុកក្រុងពីរផ្សេងគ្នា ទន្ទឹមគ្នានោះការចុះផ្សព្វផ្សាយ ផលប៉ះពាល់នៃគ្រឿងញៀន របស់នគរបាលស្រុក-ក្រុង ដល់សិស្សនិស្សិតតាមគ្រិះស្ថាន សិក្សានិងសាលារៀន គឺនៅតែបន្តធ្វើឡើង។
នគរបាលការិយាល័យប្រឆាំងការជួញដូរគ្រឿងញៀនខេត្តបានឲ្យដឹងថា ផលប៉ះ ពាល់ស្តីពីគ្រឿងញៀនជាច្រើនត្រូវបានលោកឧត្តមសេនីយ៍ លន់ សុផាត ស្នងការនគរ បាលខេត្ត បានដាក់ផែនការឲ្យលោកអធិការស្រុក-ក្រុង រួមមានក្រុងក្រចេះនិងស្រុកព្រែក ប្រសព្វនៅថ្ងៃទី៤ ខែមករា នេះចុះផ្សព្វផ្សាយតាមបណ្តាគ្រិះស្ថានសិក្សានិងសាលារៀនឲ្យ សិស្សនិស្សិតបានយល់ដឹងកាន់តែច្បាស់។ ហើយការចុះផ្សព្វផ្សាយក៏ធ្វើឡើងស្របជាមួយ និងការបើយុទ្ឋនាការប្រយុទ្ឋប្រឆាំងគ្រឿងរយះពេល៦ខែរបស់រាជរដ្ឋាភិបាលផងដែរ។
ស្របទៅនិងការបើកយុទ្ឋនាការនេះ នាយការិយាល័យប្រឆាំងការជួញដូរគ្រឿង ញៀនខេត្តលោកវរសេនីយ៍ទោ គង់ ស៊ីដន បានឲ្យដឹងថា មានមុខសញ្ញាគ្រឿងញៀចំនួន ៣នាក់ ត្រូវបានកម្លាំងនគរបាលស្រុកនិងក្រុងធ្វើការចាប់បង្ក្រាបបានជាបន្តបន្ទាប់។
ក្នុងនោះ ស្រុកស្នួលឃាត់ខ្លួនមនុស្ស២នាក់ ដកហូតគ្រឿងញៀនបាន១កញ្ចប់សម្ភារ សម្រាប់ប្រើប្រាស់និងចែកចាយមួយចំនួន និងក្រុងក្រចេះឃាត់ខ្លួនបានម្នាក់ដកហូតបាន គ្រឿងញៀន៣កញ្ចប់សម្ភារសម្រាប់ប្រើប្រាស់និងចជួញដូរមួយចំនួន។
លោកនាយការិយាល័យលើកឡើងថា ក្រោយការបើកយុទ្ឋនាការស្តីពីការប្រយុទ្ឋ ប្រឆាំងគ្រឿងរយះពេល៦ខែរបស់រាជរដ្ឋាភិបាលនេះ បន្ទាប់ពីមានការប្រជុំផ្សព្វផ្សាយផែន ការរបស់លេខាធិការរដ្ឋាននៅសាលប្រជុំសាលាខេត្តកាលពីថ្ងៃទី១ ខែមករា ពីសំណាក់ លោកឧត្តមសេនីយ៍លន់ សុផាត ស្នងការនគរបាលខេត្ត លោកក៏បានដាក់បទបញ្ជា ទិសដៅផែនការយ៉ាងម៉ឺងម៉ាត់ឲ្យមន្ត្រីនគរបាល ត្រូវអនុវត្តឲ្យបានហ្មតចត់ដោយស្មារតី ទទួលខុសត្រូវខ្ពស់ប្រើប្រាស់គ្រប់រូបភាពមធ្យបាយលើ វិធានការបង្ក្រាបឲ្យមាន ប្រសិទ្ឋភាព៕