ក្រចេះ ៖ នគរបាលស្រុកចិត្របុរីឃាត់ខ្លួនជនសង្ស័យចំនួន៣នាក់កាលពីថ្ងៃទី៣ខែមករាឆ្នាំ២០១៧ដែលជាប់ពាក់ពន្ធ័ករណីហឹង្សាដោយចេតនាកាលពីថ្ងៃទី៣១ខែធ្នូឆ្នាំ២០១៦នៅចំនុចគ្រុមហ៊ុនភូរៀងឃុំស្វាយជ្រះស្រុកស្នួលខេត្តក្រចេះ។
នគរបាលស្រុកចិត្របុរីបានឲ្យដឹងថា ជនរងគ្រោះឈ្មោះ ស៊ុន ឧត្តម ភេទប្រុសអាយុ៣២ឆ្នាំរស់នៅភូមិស្រែ នន ឃុំកន្ទួត ស្រុកចិត្របុរី ខេត្តក្រចេះ ត្រូវក្រុមជនសង្ស័យព្រួតគ្នាវាយនិងកំណាត់ជ្រុងបណ្ដាលឲ្យបាក់ដៃខាងឆ្វេង។ ចំណែកជនបង្កទាំងបីនាក់មានឈ្មោះដូចខាងក្រោម ទី១.ឈ្មោះ ធុច សារ៉ាត ភេទប្រុសអាយុ៣០ឆ្នាំ ជនជាតិ ទី២.ឈ្មោះ ផាន សុភា ភេទប្រុសអាយុ៣០ឆ្នាំ អ្នកទាំងពីររស់នៅភូមិល្អក់ ឃុំក្រែក ស្រុកពញាក្រែក ខេត្តត្បូងឃ្មុំ ។ ទី៣.ឈ្មោះ សាយិន សាមេត ភេទប្រុសអាយុ១៩ឆ្នាំ ជនជាតិខ្មែររស់នៅភូមិពងទឹក ឃុំទន្លង់ ស្រុកពញាក្រែក ខេត្តត្បូងឃ្មុំ អ្នកទាំងបីជាកម្មករនៅក្រុមហ៊ុនភូរៀង។
នគរបាលបានបញ្ជាក់ទៀតថា មូលហេតុកើតហឹង្សានេះ បណ្ដាលមកពីទំនាស់ពាក្យសំដី ហើយជនសង្ស័យកព្រួតវាយជនរងគ្រោះតែម្ដង ។ រហូតមកដល់ថ្ងៃទី១ ខែមករា ជនរងគ្រោះមកដាក់ពាក្យបណ្ដីងនៅប៉ុស្តិ៍រដ្ឋបាលកន្ទួត លុះដល់ថ្ងៃទី៣ ខែដដែល កម្លាំងនគរបាលប៉ុស្តិ៍រដ្ឋបាលកន្ទួត បាននាំខ្លួនជនសង្ស័យទាំងបីមកអធិការដ្ឋាននគរបាលស្រុកចិត្របុរី។
បច្ចប្បន្ន ជនសង្ស័យទាំងបីនាក់រួមទាំងវត្ថុតាងកំពុងឃាត់ខ្លួនបណ្ដោះអាសន្ន នៅអធិការដ្ឋាននគរបាលស្រុកចិត្របុរី ដើម្បីកសាងសំណុំរឿងតាមនិតិវិធី ៕
