ខេត្តរតនគិរី ៖ មានករណីយ៍កាប់ទន្ទ្រានព្រៃយកដីធ្វើចំការ នៅលើផ្ទៃដី20ហិកតា នៅត្រង់ចំណុច អូរ អំបិល ជិតបង្គោលព្រំដែនលេខ28ក្នុងភូមិសាស្ត្រ (ប៉ុស្តិរដ្ឋបាលនគរបាលភូមិភិ) លេខ509 ស្ថិតនៅក្នុងភូមិភិ ឃុំសេសាន្ត ស្រុកអូរយ៉ាដាវ ខេត្តរតគិរី។
យោងតាមរបាយការណ៍របស់អធិការដ្ឋាននគរបាលស្រុកអូរយ៉ាដាវ បានអោយដឹងថា ៖ នៅព្រឹកថ្ងៃទី០៣ ខែមករាឆ្នាំ ២០១៧ វេលាម៉ោង ៨ និង១៥ នាទីនេះថា បន្ទាប់ពីទទួលបានពាក្យបណ្តឹងពីប្រជាពលរដ្ឋជាសហគមន៍ឃុំសេសាន្ត ពាក់ព័ន្ធករណីយ៍កាប់រានព្រៃ ដើម្បីយកដីធ្វើចំការជាកម្មសិទ្ធិ លោកអធិការបានចាត់ចែងកម្លាំងភ្លាមៗ ។
សមាសភាពចូលរួមចុះប្រតិបត្តិការណ៍ត្រួតពិនិត្យរួមមាន កម្លាំងវរះការពារព្រំដែនលេខ623 កម្លាំងវរសេនាតូចការពារព្រំដែន102 កម្លាំងប៉ុស្ថិ509 (ភូមិភិ) ចំនួន03នាក់ សហការជាមួយអធិការដ្ធាននគរបាលស្រុក0យ៉ាដាវ02នាក់ កម្លាំងប៉ុស្ថិរដ្ឋបាលភូមិប៉ក់ញ៉ៃចំនួន 03 នាក់ កម្លាំងកងរាជអាវុធហត្ថ 02នាក់ កម្លាំងរដ្ធបាលព្រៃឈើ01នាក់ និង កម្លាំងរដ្ធបាលសេសាន្ត 03 នាក់ ដែលដឹកនាំដោយលោក ឡុង ស៊ីឡាប នាយផ្នែករដ្ធបាលព្រៃឈើស្រុកអូរយ៉ាដាវ បានចុះទៅត្រួតពិនិត្យជាក់ស្តែង ទីតាំងដែលប្រជាពលរដ្ឋភូមិប៉ក់ញ៉ៃចូលកាប់ទន្ទ្រានព្រៃយកដី ធ្វើចំការស្ថិតនៅភូមិសាស្ត្រខាងលើ លទ្ធផលដែលទទួលបាន: ចំការដែលកាប់ក្នុងនិយាមកា E:0767261 , N:1524313, E: 0767 186, N:1523924 ។
ទាក់ទងបញ្ហាខាងលើ លោក សេក ឌុល មេប៉ុស្តិភូមិភិ 509 អោយក្រុមអ្នកសារព័តិមានដឹងតាមទូរស័ព្ទថា ប្រជាពលរដ្ធនៅឃុំសេសាន្ត កើតទុក្ខពុំសុខចិត្តទៅលើសហគមន៍ឃុំប៉ក់ញ៉ៃដែលនាំគ្នីគ្នាម៉ាទ័ព ជាង50គ្រួសារមកកាប់ទន្ទ្រានព្រៃយកដីធ្វើចំការ ដែលជាដីព្រៃសហគមន៍រួមនៅជាប់ព្រំប្រទល់ជាប់គ្នា ។
មតិប្រជាពលរដ្ធលើកឡើងស្រដៀងៗគ្នាថា ការចុះត្រួតពិនិត្យរបស់កម្លាំងចម្រុះ នៃអធិការដ្ឋាននគរបាលស្រុកអូរយ៉ាដាវ និងនាយផ្នែករដ្ធបាលព្រៃឈើស្រុកអូរយ៉ាដាវត្រូវ មានវិធានការទប់ស្កាត់បទល្មើស ការកាប់ទន្ទ្រានយកដីធ្វើជាកម្មសិទ្ធិ ជាដីរបស់រដ្ឋត្រូវមានដំណោះស្រាយ អោយទាន់ហេតុការណ៍ដែលកើតមានជូនប្រជាពលរដ្ឋ តាមមូលដ្ឋានដែលជួបការលំបាក ៕