ខេត្តបាត់ដំបង ៖ រឿងអនាម័យសុខភាពវាជាតួនាទីរបស់សុខាភិបាល តែបើរឿងក្លិនស្អុយឆ្អាបឆ្អេះវាជាតួនាទីរបស់បរិស្ថានដែលជាស្ថាបន័យថ្មីក្នុងសម័យថ្មីនេះ។ដោយឡែកនៅក្នុខេត្តបាត់ដំបងក្លិនស្អុយឆ្អាបឆ្អេះហាក់បីដូចជាមិនបង្កការឈឺក្បាលហាលថ្ងៃអីដល់លោកជួប.សារ៉ុនប្រធានមន្ទីបរិស្ថានខេត្តបាត់ដំបងអីម៉ាតិច? ។
ជាក់ស្តែងប្រជាពលរដ្ឋនិងលោកគ្រូអ្នកគ្រូសិស្សានុសិស្សដែលរស់នៅនិងមករៀនបង្រៀននៅសាលាបឋមសិក្សាវត្តគរភូមិវត្តគរបាននិងកំពុងជួបបញ្ហាស្អុយឆ្អេះឆ្អាបដែលបង្កឡើងដោយ ទីតាំងសត្វឃាតមួយកន្លែងជាប់និងក្លោងទ្វារសាលាតែម្តង។ទីតាំងសត្តឃាតនេះមានម្ចាស់ឈ្មោះឡោ.លាងហេងនិងប្រពន្ធឈ្មោះប៉ុក ដែលបានមកបោះទីតាំងធ្វើអាជីវកម្មសត្វឃាដមាន់ទាបង្កក្លិនស្អុយមកហើយតែគេមិនដែលឃើញមានការទប់ស្កាត់ដោះស្រាយពីសមត្ថកិច្ចជំនាញបរិស្ថានសោះ។
ប្រជាពលរដ្ឋ ក៏ដូចជាលោកគ្រូ សាលាបឋមសិក្សាវត្តគរភូមិវត្តគរ បានឲ្យដឹងថា ៖ គេធ្លាប់ឃើញមានសមត្តកិច្ចមកដែរតែគ្រាន់តែមកអើតៗជួបម្ចាស់អាជីវកម្មហើយទៅបាត់ស្ងាត់ឈឹងទៅវិញទៅ។ពលរដ្ឋសង្ស័យថាកូនចៅលោកជួប.សារ៉ុនគឺមកហឹតក្លិន លុយម្ចាស់អាជីវកម្មហើយានជាមិនធំក្លិនស្អុយនោះ។
រឿងនេះ ភ្នាក់ងារពត៌មានយើងបានទាក់ទងទៅ លោក ជួប .សារ៉ុន ប្រធានមន្ទីបរិដ្ឋានខេត្តបាត់ដំបងដែរតែលោកតបមកថា៖កំលាំងលោកមិនគ្រប់ពេលកំលាំងមកគ្រប់ លោកចាត់វិធានការហើយ (ស៊ិក) ។ ពាក្យសម្តីទាំងនេះបានធ្វើអោយពលរដ្ខអស់ជំនឿដោយនិយាយថា ស្ថាបន័មួយនេះថាបង្កើតមកបង្ហិនតែប្រាក់ខែរដ្ឋប៉ុណ្ណោះ ?។
សូមបញ្ជាក់ថា ៖ ទីតាំងអាជីវកម្មសត្វឃាតមាន់កសិកម្មមួយនេះ ស្ថិតនៅភូមិសង្កាត់វត្តគរក្រុងបាត់ដំបង មិនត្រឹមតែមានជះក្លិនស្អុយទេ? ចំណែកកាកសំណល់ត្រូវបានទម្លាក់ចូលអូរ ហើយហូរចូលក្នុងស្ទឹងសង្កែ ធ្វើអាយប៉ះពាល់ទឹកស្ទឹងកខ្វក់ និងអាចរីកសាយជម្ងឺផ្តាសសាយបក្សីដល់សុខភាពមនុស្សសត្វដែលប្រាស្រ័យប្រើប្រាស់ទឹកស្ទឹងទៀតផងក៏ថាបាន ។ តែទោះជាមានហានីភ័យបែបនេះក៏ដោយក៏មិនឈឺក្បាលដល់លោកិប្រធានមន្ទីបរិស្ថានខេត្តបាត់ដំបងឡើយ ៕
