ខេត្តរតនគិរី ៖ ការដឹកជញ្ជូនឈើប្រណីតទៅយ៉ាងរលូននៅប្រទេសវៀតណាមដោយឆ្លងកាត់ក្រុងបានលុង ស្រុកបរកែវ ស្រុអូរយ៉ាដាវ តាមណ្ដោយផ្លូវជាតិលេខ78A យ៉ាងអនាធិបតេយ្យ បើទោះបីជាមានបទបញ្ជាយ៉ាងដាច់ខាតពីប្រមុខរាជរដ្ឋាភិបាលយ៉ាងណាក៏ដោយក៏មេឈ្មួញរូបនេះគ្មានការខ្លាចញញើតជំនាញពាក់ពន្ធ័តាមដងផ្លូវបន្តិចសោះក៏អាងអំណាចប្ដីជា P,M ។
ជាក់ស្ដែងនៅល្ងាចថ្ងៃទី០១ មករា ឆ្នាំ២០១៧ អ្នកសារព័ត៌មានយើងបានថតនៅសកម្មភាពឡានដឹកឈើរបស់ស្រីម៉ីដែលដឹកមកពីរស្រុកវ៉ីនសៃ យកមកស្តុបទុកនៅឃ្លាំងមួយកន្លែងស្ថិតនៅភូមិ ជ្រីសង្កាតយក្សឡោមក្រុងបានលុង។
បើតាមប្រភពទីតាំងនោះអតីតគឺជាកន្លែងឈើប្រណីតរបស់មេឈ្មួញម្នាក់ឈ្មោះស្រីម៉ី តែនៅពេលអ្នកសារព័ត៌មានយើងបានតាមថតយករូបភាព ស្រាប់តែលេចមុខស្ត្រីម្នាក់ដែលគេស្គាលឈ្មោះស្រីតី ជាអតីតកូនប្រសាចៅហ្វាយខេត្តចាស់ គឺលោក ខាំ ខឿន បានមកតាមក្រោយ ហើយលួចថតឡានអ្នកសារព័ត៌មានទៀតផង រួចប្រាប់ថា ជាឈើរបស់ចែ បន្ទាប់មកក៏ឆ្លើយថា ខ្ញុំជួលឃ្លាំងចែដាក់ទេ ក្រោយមកទៀតក៏ឆ្លើយថា រថយន្តបាឡែនដឹកឈើចូលឃ្លាំងនោះខ្ញុំមិនស្គាល់ទេ បន្តិចក្រោយមកក៏លេចមុខឈ្មួញឈើពីរនាក់ប្ដីប្រពន្ធ ហើយអះអាងថា រថយន្តបាឡែនពណ៌ទឹកប្រាកនោះជារថយន្ដរបស់ខ្លួនស៊ីស្នួលដឹកឲ្យគេពីវ៉ីនសៃមក តែខ្ញុំមិស្គាល់ម្ចាស់ឈើនោះទេ ហើយក៏បើកឡានត្រឡប់ទៅវិញបាត់ទៅ ។
តាមប្រភពព័ត៌មានបានឲ្យដឹងថា ស្រីម៉ីជាជើងខ្លាំងក្នុងការដឹកជញ្ជូនដោយអាងខ្នង អាងខ្សែរបស់ប្ដីជាPM ទើបគេធ្វើទៅបានដោយរលូន ៕
