ពោធិ៍សាត់ៈ ៖ បទល្មើសជួញដូឈើប្រណិតនៅតែកើតមានក្នុងអាណាចក្រខេត្តពៅធិសាត់ដដែល។បើតាមសេចក្តីរាយការណ៍ពីប្រជាពលរដ្ឋ។ជាកស្តែង ឈើប្រណិតល្មើសច្បាប់ជាច្រើនកំណាត់ ត្រូវបានកម្លាំងមូលដ្ឋាន កងរាជអាវុធហត្ថស្រុកវាលវែងសហការជាមួយកម្លាំងចំរុះ រកឃើញ នៅវេលាម៉ោង១៥ និង៣០នាទី ថ្ងៃទី១៩ ខែធ្នូ ឆ្នាំ២០១៦ ស្ថិតនៅចំណុច ភូមិស្ទឹងថ្មី ឃុំប្រម៉ោយ ស្រុកវាលវែង ខេត្តពោធិ៍សាត់។
ឧត្តមសេនីយ៍ត្រី អ៊ុក សាម៉ុន មេបញ្ជាការ កងរាជអាវុធហត្ថខេត្តពោធិ៍សាត់ បានអោយដឹងថា ប្រតិបត្តិការបង្ក្រាបនេះ គឺធ្វើឡើងដោយមានការសហការរវាង កម្លាំងមូលដ្ឋានកងរាជអាវុថហត្ថស្រុកវាលវែង និងកម្លាំងចម្រុះ ទើបអាចឈានទៅដល់ ការរកឃើញឈើល្មើសច្បាប់ជាច្រើនដុំ រួមមាន ឈើកកោះ ចំនួន ១៨៧ កំណាត់ ស្មើនិង ១២.៣៣៣ ម៉ែត្រគូប ផងដែរ។
បច្ចុប្បន្ន វត្ថុតាងត្រូវមន្ត្រីជំនាញកងរាជអាវុធហត្ថខេត្ត កំពុងកសាងសំណុំរឿង ដើម្បីចាត់ការបន្តតាមនិតិវិធី។ ចំណែកម្ចាស់ឈើល្មើសច្បាប់ទាំងនោះ ត្រូវបានកម្លាំងកងរាជអាវុធហត្ថ កំពុងស្វែងរកចាប់ខ្លួន ដើម្បីយកមកផ្តន្ទាទោស តាមផ្លូវច្បាប់។ករណីនេះមាតុភូមិសូមរាយការណ៍ថា៖បើយោងតាមប្រភពព័ត៌មានពីប្រជាពលរដ្ឋបានអោយដឹងថានៅខេត្ត្តពោធិ៍សាត់សព្វថ្ងៃគេសង្កេតឃើញសកម្មភាពឈ្មួញឍរកស៊ីឈើបានសម្រុកដឹកជញ្ជូនឈើទាំងរថយន្តៗភាគច្រើនសុទ្ធតែរថយន្តយីឌុបផ្លូវ៥ដែលគេស្គាល់ច្បាស់ថាមេឈ្មួញឈើឈ្មោះង៉ោ ទីដោយជ្រកក្រោមផ្លាកអាជ្ញាប័ណក្រុមហ៊ុនលោកឧញ្ញាទ្រី ភាព។
បើទោះជាគេបានដឹងថាលោកឧញ្ញ៉ាទ្រី ភាពបានប្រកាស់បិទបញ្ឈប់ការធ្វើអាជីវកម្មព្រៃឈើនៅខេត្តពោធិ៍សាត់ដោយសារក្រុមហ៊ុនរបស់លោកបានផុតសុពលភាពអាជ្ញជាប័ណ្ណតាំពីឆ្នាំ២០១០មកក៏ដោយក៏ដោយក៏គេនៅតែឃើញឈ្មោះង៉ូវ ទីដែលជាមេឈ្មួញដុះស្លែនិងធំជាងគេនៅខេត្តពោធិ៍សាត់នៅតែបន្តដឹកជញ្ជូនឈើជ្រកក្រោមផ្លាកក្រុមហ៊ុនលោកឧកញ្ញ៉ាទ្រី ភាពដែល នៅខេត្តពោធិសាត់ដឹកចេញម្ដងៗ
គេមិនដែលឃើញសមត្ថកិច្ចខាងខេត្តឬក្រុមចម្រុះរបស់ខេត្តពោធិសាត់ដែលមានលោកម៉ៅ ធនិនជាអភិបាលខេត្តនិងជាប្រធានគណៈបញ្ជាការឯកភាពខេត្តបង្ក្រាបឬចាប់បានម្ដងណាទេ គេបែជាឃើញខាងសមត្ថកិច្ចខាងខេត្តកំពង់ឆ្នាំងចាប់បានជាបន្តបន្ទាប់ដែល សកម្មភាពនេះត្រូវបានប្រជាពលរដ្ឋរិះគន់និងដាក់ការសង្ស័ថាប្រហែលជាមានអ្នកមានអំណាចក្នុង ខេត្តពោធិ៍សាត់នៅពីខ្នងហើយ់មិនចេះអស់ ។ ព្រោះពេល ចាប់បានរថយន្តដឹកឈើម្ដងៗគេតែងតែឃើញលោកអភិបាលខេត្តអន្តរាគមន៍សុំដោះលែងជាបន្តបន្ទាប់ ។
ដល់ចឹង សមត្ថកិច្ចសមត្ថកិច្ចខេត្តធិ៍សាត់គ្រប់ស្ថាប័នរាប់តាំងពីព្រះរាជអាជ្ញាផងដែរអត់មានអ្នកណាហ៊ានក្អកជាមួយក្រុមរថយន្តដឹករបស់ឈើទាំនោះឡើយ ។ បើតាមប្រភព័ត៌មានពីខេត្តពោធិសាត់បានអោយដឹងថាឈ្មួញរកស៊ីឈើនៅខេត្តពោធិ៍សាត់សុទ្ធតែមាន ខ្នងបង្អែក៕