ក្រចេះ៖ យុវជនជាច្រើននាក់ទៅលេងកំសាន្តនៅឆ្នេរខ្សាច់កោះទ្រង ត្រូវបានបាត់ខ្លួនចំនួនបីនាក់ រកមិនទាន់ឃើញដោយ ប្រទះឃើញកាបូបស្ពាយ ខោរអាវ និងស្បែកជើង ក្មេងមួយក្រុមបានទុកចោលនៅលើឆ្នេរ ដោយមិនឃើញម្ចាស់ ក៏នាំគ្នាដើររក និងរាយការជូនសមត្ថកិច្ចភ្លាមៗ ។ ហេតុការណ៍នេះ បានកើតឡើងវេលាម៉ោង៧យប់ថ្ងៃទី២៩ ខែធ្នូ ឆ្នាំ២០១៦ នៅលើឆ្នេរច្សាច់កោះទ្រង ក្នុងសង្កាត់កោះទ្រង ក្រុងក្រចេះ ។
នគរបាលក្រុងក្រចេះ បានអោយដឹងថា ពួកគេមានគ្នាបីនាក់ ជាក្មេងប្រុស ជាសិស្សសាលាទៀតផង ។
បើតាមសេចក្ដីរាយការបានអោយដឹងថា យុវជនទាំងបីនាក់នោះ បានបាត់ខ្លួនតាំងពីវេលាម៉ោង ប្រហែល៥ល្ងាច ម្លេះ តែគ្មានអ្នកសង្ស័យដោយស្មាន់ថា ពួកគេចុះលេងទឹកបាត់ ។
ពាក់ព័ន្ធជុំវិញករណីការបាត់ខ្លួនរបស់យុវជនទាំងបីនាក់លើ សមត្ថកិច្ច បានធ្វើការសន្និដ្ឋានថា អាចនឹងលង់ទឹកទន្លេស្លាប់ គ្រាដែលកម្លាំងនគលបាលនៃស្នងការខេត្ត សហការជាមួយអធិការក្រុង ចុះរាវរកមិនឃើញនៅយប់មិញនេះ ។ ហើយពួកកេទាំងបីនាក់មាន ឈ្មោះ ទី១.គង់វាសនាអាយុ១៥ឆ្នាំ រស់នៅភូមិអូរឬស្សី១សង្កាត់អូរឬស្សីក្រុងក្រចេះ ទី២. ឈ្មោះ ផុន សុធារាជ ភេទប្រុសអាយុ១៤ឆ្នាំរស់សង្កាត់អូរឬស្សីក្រុងក្រចេះ ទី៣.ឈ្មោះ វុទ្ធ លីហេង ភេទប្រុសអាយុ១៥រស់នៅភូមិវត្តសង្កាត់ក្រចេះក្រុងក្រចេះ ។
លោក នេត លីន អធិការក្រុងក្រចេះបានបញ្ជាក់ថា រហូតមកដល់ពេលនេះ កម្លាំងសមត្ថកិច្ចបានរកឃើញសាកសពចំនួន ២ នាក់ ហើយនៅ១នាក់ទៀត រកមិនទាន់ឃើញ ហើយកម្លាំងទាំងនគរបាលទាំងអាវុធហត្ថនៅតែបន្ដរុករកយ៉ាងសកម្ម ។
លោកអធិការបានបន្ដថា ករណីនេះការសន្និដ្ឋានរបស់សមត្ថកិច្ចបណ្ដាលមកពីលង់ទឹកស្លាប់ ៕
