ក្រចេះ ៖ លួចម៉ូតូម្នាក់ត្រូវបាននគបាលក្រុងក្រចេះក្របួចជាប់ នៅចំណុចកែងផ្លូវលេខ5 ជួរមាត់ទន្លេក្រុងក្រចេះ ខេត្តក្រចេះ ។ ហេតុការណ៍នេះកើតឡើងនៅវេលាម៉ោង8,30នាទីព្រឹក ថ្ងៃទី28 ខែធ្នូ ឆ្នាំ2016 ។
បើតាមសម្តីរបស់សមត្ថកិច្ចនគរបាលក្រុងក្រចេះ បានអោយដឹងថា មុនឈានដល់កាចាប់ខ្លួនជនសង្ស័យរូបនេះ គឺដោយសាមានកាផ្តល់ពត៌មានពីប្រជាពលរដ្ឋដែលរស់នៅភូមិសំបុក ឃុំសំបុក ស្រុកចិត្តបុរីថា មានចោរលួចម៉ូតូ កំពុងឆ្ពោះដំណើទៅទីរួមខេត្តក្រចេះ ហើយជនសង្ស័យក៏បានយកម៉ូតូដែលខ្លួនលួចមកនោះ ទៅលក់ជាច្រើនកន្លែង តែគ្មានអ្នកទិញ ។ ដោយមានការសង្ស័យ ពលរដ្ឋនៅទីនោះក៏ផ្តល់ព័ត៌មានទៅនគបាលក្រុងក្រចេះភ្លាមៗផងដែរ ។
សមត្ថកិច្ចបានបន្តទៀតថា ជនសង្ស័យរូបនេះបានធ្វើសកម្មភាភ 2 លើក ក្នុងពេលតែមួយ ដោយជនសង្ស័យបានលួចម៉ូតូក្នុងភូមិរបស់ខ្លួន ដែលមានសោរជាប់និងម៉ូតូស្រាប់នោះ ជិះបានប្រម៉ានប្រហែល100ម៉ែត្រ ត្រូវម្ចាស់ម៉ូតូឃើញទាន់ ជនសង្ស័យក៏ចុះរត់ ក៏ប្រទះម៉ូតូដែលគេចតចោលដោយមានសោរជាប់នៅម៉ូតូទៀត ក៏យកម៉ូតូនេះបន្តមកទីរួមខេត្តក្រចេះ ក៏ត្រូវបាននគបាលក្រុងក្រចេះក្របួចជាប់តែម្តង ។
ម៉ូតូដែលជនសង្សជ័យលួចនោះម៉ាក ឌ្រីមC125សេរី2014 គ្មានស្លាកលេខចំណែកជនសង្ស័យ មានឈ្មោះ មិល គិមសី ភេទប្រុសអាយុ 26ឆ្នាំរស់នៅភូមិសំបុក ឃុំសំបុក ស្រុកចិត្តបុរី ខេត្តក្រចេះ បច្ចុប្បន្ន ជនសង្ស័យត្រូវឃុំខ្លួនបណ្តោះអាសន្ននៅអធិការដ្ឋាននគបាលក្រុងក្រចេះដើម្បីបំពេញបែបបទចាត់កាបន្ត តាមនិវិធីច្បាប់ ៕
