រាជធានីភ្នំពេញ ៖ អ្នកណាក៏ដឹងដែរថា រាជធានីភ្នំពេញគឺជាមជ្ឈមណ្ឌលសេដ្ឋកិច្ច និងវប្បធមិរបស់ប្រទេសជាតិហើយក៏ជាបណ្ដំនៃការលាក់បំពួនបទល្មើសដែរ ពិសេសបទល្មើសសេដ្ឋកិច្ចបំបាត់ចំណូលរដ្ឋ ។ ក្រៅពីអគ្គនាយកដ្ឋានពន្ធដាដឹកនាំដោយលោកគង់វិបុលអតីតមន្ត្រីជាន់ខ្ពស់មកពីគណបក្សហ្វុនស៊ិនប៉ិចឈរជើងរកចំណូលរដ្ឋអគ្គនាយកដ្ឋានគយនិងរដ្ឋករក្រោមចំណាត់ការរបស់ព្រតេជគុណគុណញឹមក៏មានតួនាទីសំខាន់ក្នុងការប្រមូលចំណូលពន្ធចូលថវិការដ្ឋផងដែរ។ព្រះតេជគុណគុណញឹមពេលឡើងធឺជាមេគយធំថ្មីបានដូរដាក់មនុស្សថ្មីដោយដៃផស់គាត់ឲ្យធើជាមេគយភ្នំពេញគឺលោកភេសុមុន្នីជំនួសលោកអ៊ុយកុសលមេគយភ្នំពេញជំនាន់មេគយជើងខ្លាំងចាស់ប៉ែនស៊ីមន។
តែអ្វីដែលគួឲ្យចាប់អារម្មណ៍គឺថាក្នុងតំណែងជាមេគយដែលមានកូនចៅនៅគ្រប់ខណ្ឌលោកភេសុមុន្នីត្រូវបាន បណ្ដាគេហទំព័រ មួយចំនួនបាន ផ្សព្វផ្សាយ លាតត្រដាង រឿងអាស្រូវ របស់ប្រធាន សាខាគយ និងរដ្ឋាករ រាជធានីភ្នំពេញ ដែលបាន ចាត់ឲ្យមន្ត្រី របស់ខ្លួន ប្រមូលលុយ តាមឃ្លាំងស្តុក ទំនិញ និងពីឈ្មួញ ដែលនាំទំនិញ យកមកចែកចាយ នៅរាជធានីភ្នំពេញ និងទៅតាមបណ្តាខេត្ត តាមរបៀប ពុករលួយព្រោះស៊ីដាច់?។ករណីនេះ ក្រុមឈ្មួញ និយាយថា បើទោះបីជាទំនិញបង់ពន្ធគ្រប់ ឬមិនគ្រប់ លោកគយមិនដឹងទេ គឺដឹងតែពីលុយប៉ុណ្ណោះ(ស៊ិក) ។
គេរាយការណ៍ថា ម្ចាស់ឃ្លាំងស្តុកទំនិញ ក៏ដូចជាឈ្មួញនាំទំនិញ ចូលទាំងបង់ពន្ធ ក៏ដូចជាមិនបង់ពន្ធ សុទ្ធតែជាមុខ សញ្ញារបស់ លោក ភេ សុមុន្នីទាំងអស់ ។ គ្មាននរណាអាចគេច រួចពីការដែលត្រូវបង់ប្រាក់ ជូនក្រុមមន្ត្រី គយរាជធានី ភ្នំពេញ នេះឡើយ។ មានទាំងការ បង់សម្រាប់លោកភេ សុមុន្នីផង និងសម្រាប់ ក្រុមមន្ត្រីគយ ដែលមានភារកិច្ច មកប្រមូល ប្រាក់នោះផង ។ ក្រុមឈ្មួញនិយាយថា សព្វថ្ងៃវិលមុខនឹងការ ដែលត្រូវខ្វេះហោប៉ៅ យកលុយឲ្យគយ នេះឯង ។
ប្រសិនបើ ម្ចាស់ឃ្លាំងណា មួយមិនហ៊ាន ចំណាយប្រាក់ ទៅតាមការទារ របស់មន្ត្រីគយ ទាំងនោះទេ គឺត្រូវប្រឈមនឹង ការរើកកាយ ត្រួតពិនិត្យ ទំនិញឡើងវិញ។ ប្រសិនបើ ត្រួតពិនិត្យ ឡើងវិញ គឺពិតហើយថា ទំនិញទាំងអស់ បង់ពន្ធមិនគ្រប់ ចំនួននោះឡើយ។ ប៉ុន្តែវាក៏មិន ទាំងអស់នោះដែរ ។ ក្រៅពីការដែល ធ្វើឲ្យខូចខាតទំនិញ វានឹងធ្វើឲ្យ ខាតបង់ ពេលវេលា និងប៉ះពាល់ដល់ ការរកស៊ីទៀតផង ។ដូច្នេះ ឈ្មួញត្រូវ បង្ខំចិត្តបង់ ប្រាក់ឲ្យលោក ភេ សុមុន្នី តាមការទាមទារ ។
ប៉ុន្តែបើឈ្មួញណា មានខ្នងបង្អែករឹងមាំ ហើយបានបង់ លុយប្រចាំខែនោះ ក៏លោក ភេ សុមុន្នី មិនហ៊ានប៉ះពាល់ដែរ ។ ជាក់ស្តែងកាលពីថ្ងៃទី២៦ ខែវិច្ឆិកា ឆ្នាំ២០១៦ មន្ត្រីគយសាខាគយ និងរដ្ឋាកររាជធានីភ្នំពេញមានលោក ភេ សុមុនី្ន ប្រធានសាខាគយរាជធានីភ្នំពេញបានចុះត្រួតពិនិត្យនូវការអនុវត្តកាតព្វកិច្ចពន្ធអាករ នៅក្នុងឃ្លាំងស្ដុក ស្រាមួយកន្លែងក្រុមហ៊ុនឈ្មោះ Golden Sunshine ដែលមានទីតាំង ភូមិចំរើន ផល សង្កាត់បឹងទំពុន ខណ្ឌមានជ័យ រាជធានីភ្នំពេញ ដែលសង្ស័យមិនបានបង់ពន្ធអាករជូនរដ្ឋ សង្ស័យ ដោយអនុវត្តតាមអនុសាសន៍សម្តេចតេជោក្នុងការគៀគរប្រភពចំណូលចូលថវិកាជាតិ ។
ប៉ុន្តែក្រោយពីធ្វើការជាងពីរម៉ោងគេគ្មានពតិមានអ្វីបន្តិចពីករណីក្រុមហ៊ុន Golden Sunshineក្នុងការជាប់សង្ស័យថានាំស្រាបាកាឌីគេពន្ធនោះឡើយ ដែលគេជឿថាឈ្មួញនិងគយត្រូវគ្នាហើយ។ក្រៅពីនេះគេនៅចាំបានថា កាលពីម៉ោង៩ព្រឹកថ្ងៃទី៧តុលាឆ្នាំ២០១៦ក៏មានករណីយ៍ចឹងមួយករណីដែរ។ពេលនោះកម្លាំងគយរាជធានីភ្នំពេញ និងសមត្ថកិច្ចចម្រុះចុះឆែកឆេរត្រួតពិនិត្យឃ្លាំងស្តុកស្រាម៉ាកល្បីៗដូចជា ស្រា Johnnie Walker ស្រា Hennessy របស់ក្រុមហ៊ុន Attwood Import Export Co.,Ltd. មានលោកស្រីឧកញ៉ា លឹម ឈីវហូរ ជាអគ្គនាយិកាក្រុមហ៊ុន ដែលសង្ស័យមានប្រព្រឹត្តបទល្មើសបន្លំគេចពន្ធ នៅត្រង់ចំណុចក្រោយសណ្ឋាគារ Intercontinental បណ្ដោយផ្លូវលេខ៤៣០ សង្កាត់ទំនប់ទឹក ខណ្ឌចំការមន រាជធានីភ្នំពេញជាលទ្ធផល របាយការណ៍ជាក់លាក់ឈឹងដូច «ចោរលួចសេះ» ដែលធ្វើឲ្យមានករសង្ស័យថាគយប៉ះឈ្មួញមានខ្សែធំឬក៏គេត្រូវគ្នាទៅហើយ។
ទាំងអស់នេះគ្រាន់តែចង់បង្ហាញថានៅភ្នំពេញគ្មានមេឈ្មួញដែលមានឃ្លាំងធំៗស្តុកទំនិញមិនត្រូវគ្នាបង់សេវាឲ្យគយលោកភេសុមុន្នីដូចការចោទប្រកាន់នោះឡើយ។ព្រោះបើហ៊ានច្បាស់ជានឹងត្រូវដាក់កម្លាំងចុះឆែកឆេររករឿងខ្មាស់គេអាឡូវហ្នឹង៕
