កំពង់ឆ្នាំង ៖ ករណីខាងលើនេះលោក ងិន ហ៊ុនប្រធានមន្ទីរកសិកម្មខេត្តកំពង់ឆ្នាំងនិយាយដូចកូនក្មេងថាលោកអត់ដឺងរឿងកូនចៅស៊ីដាច់ករណីចាប់រថយន្តដឹកឈើរាជថ្កុលចំនួន៣គ្រឿងហើយលួចដោះលែងវិញជាថ្នូរលាភសការៈនោះទេដោយសារលោករវល់ចុះបង្ក្រាបបទល្មើសនេសាទ(ស៊ិក)។
សេចក្តីរាយការណ៍ពីប្រជាពលរដ្ឋអោយដឹងថា មន្ត្រីរដ្ឋបាលព្រៃឈើបានស្ទាក់ចាប់បានរថយន្តដឹកឈើប្រភេទរាជថ្កុល ចំនួន៣ឡានយ៉ីឌុប នៅស្រុកកំពង់ត្រឡាចខេត្តកំពង់ឆ្នាំងកាលពីថ្ងៃទូ២២ធ្នូបានធ្វើការដោះលែងវិញ ដោយមានបញ្ជាលោក កែវ រិទ្ធីជាអនុប្រធានមន្ទីរកសិកម្មខេត្តមានតួនាទីចុះបង្ក្រាបបទល្មើសព្រៃឈើតាមជើងគោគ។គេជឿថាឈើនេះក្នុងមួយឡានបង់មិនក្រោម៣ពាន់ដុល្លារអាមេរិកឡើយ។ ឈើទាំង៣ឡាននោះ គេនិយាយថា៖ជារបស់ឈ្មួញឈើម្នាក់នៅខេត្តពោធិសាត់ ឈ្មោះ ផាន់ នីមួយឡាន ក្នុងចំណោមរថយន្ត៣គ្រឿង រថយន្ត១គ្រឿងមានស្លាក លេខ ពោធិសាត់ 3A-0615។
គួរបញ្ជាក់ថា នៅពេលព្រលប់ ថ្ងៃទី២២ ខែធ្នូ ឆ្នាំ២០១៦ មានសេចក្តីរាយការណ៍ប្រាប់សារពតិមានថា៖ មានរថយន្តយ៉ីឌុប ចំនួន៣គ្រឿង ដឹកឈើប្រភេទរាជថ្កុលមានម្ចាស់ឈ្មោះ ផាន់ នី ឆ្លងកាត់ខេត្តកំពង់ឆ្នាំង នៅចន្លោះ ម៉ោង១០ដល់ម៉ោង១២ នៅក្នុងចំណោមរថយន្តទាំង៣គ្រឿង មានរថយន្តមួយគ្រឿងដែលបានដឹងស្លាក់លេខ(ស្លាក លេខ ពោធិសាត់ 3A-0615) ហើយអ្នកសារពតិមានក៏បានរាយការណ៍ឲ្យលោក អនុប្រធានមន្ទីរកសិកម្មខេត្តឈ្មោះ កែវ រិទ្ធ បានដឹងជាមុន ពីព្រោះអ្នកកាសែតមិនមានតួនាទីស្ទាក់ឃាត់រថយន្តបទល្មើសឡើយ។
ករណីខាងលើនេះ លោក កែវ រិទ្ធី ជាអនុប្រធានហើយជាអ្នកចុះបង្ក្រាបបទល្មើសព្រៃឈើជើងគោគផងនោះ បានឆ្លើយប្រាប់ អ្នកសារព័ត៍មាន វេលាម៉ោង៤និង៥៧នាទីល្ងាចថ្ងៃនោះថា លោកមិនបានដឹងរឿងនេះទេ ។ ស្រាប់តែមួយសន្ទុះក៍បានទូរស័ព្ទមកប្រាប់វិញថា រថយន្តទាំង៣គ្រឿងខាងលើ គឺមន្ត្រីរដ្ឋបាលព្រៃឈើ ស្រុកកំពង់ត្រឡាច ជាអ្នកស្ទាក់ចាប់បាន តែលោកបានបញ្ជាឲ្យដោះលែងវិញ ព្រោះដឹកគ្រាប់ពោត(ស៊ិក)។
ចំណែកលោក ងិន ហ៊ុន ប្រធានមន្ទីរកសិកម្មខេត្តបានបញ្ជាក់ប្រាប់អ្នកសារព័ត៍មានឲ្យដឹងនៅវេលាល្ងាចថ្ងៃនេះថាករណីខាងលើនេះលោកមិនបានដឹងទាល់តែសោះ ហើយលោកនឹងធ្វើការស៊ើបអង្កេតលើករណីនេះ។-មានការកត់សម្គាល់ថា៖នៅខេត្តកំពង់ឆ្នាំងតាំងពីក្រសួងកសិកម្មប្រតិភូអំណាចមន្ីរជំនាញននៅថ្នាក់ក្រោមជាតិមកគេឃើញមានអ្នកខ្លះខំចុះទឹកវៃត្រីអោយចូលលប!!!អ្នកខ្លះឡើងគោគបំរុងចាប់ត្រី តែបែជាចាប់បានរថយន្តដឹកឈើហើយបែជាដោះលែងវិញ!!! មេៗ មន្ទីរ កសិកម្មខេត្តកំពង់ឆ្នាំង មានអ្នកខ្លះធាត់ឡើងគីឡូដោយមិនដឹងខ្លួន!៕