កំពង់ស្ពឺ ៖ ទីតាំងស្តុកលាក់ឈើប្រណិតទីតាំងស្តុកឈើចំនួន៨កន្លែង ក្នុងដីឡូត៍មួយដ៏ធំ ភូមិគោក ឃុំសង្កែសាទប ស្រុកឱរ៉ាល់ ខេត្តកំពង់ស្ពឺត្រូវបាន កម្លាំងកងរាជអាវុធហត្ថខេត្តកំពង់ស្ពឺ សហការជាមួយកម្លាំងក្រុមស្រាវជ្រាវព័ត៌មាន និងបង្ក្រាបបទល្មើសព្រៃឈើ របស់កងរាជអាវុធហត្ថលើផ្ទៃប្រទេស សម្របសម្រួល ដោយតំណាងអយ្យការខេត្តរកឃើញកាលពីរសៀលថ្ងៃទី២០ ខែធ្នូ ឆ្នាំ២០១៦នេះ ។
ប្រភពពីសមត្តកិច្ចដែលចូលរួមប្រតិបត្តិការ ចុះបង្ក្រាបឈើទាំងនេះ បានឲ្យដឹងថា កម្លាំងបានរកឃើញជាបឋមមានគំនរឈើចំនួន៨កន្លែង ឈើខ្លះដាក់នៅក្នុងឃ្លាំង ខ្លះដាក់នៅក្នុងរោង លាក់ទុកនៅក្នុងស្រះទឹក ខ្លះដាក់នៅទីវាល កន្លែងសិប្បកម្ម ខ្លះនៅក្នុងរថយន្តកូរ៉េ និងខ្លះនៅក្នុងរថយន្តឃ្លប់មាន បិទផ្លាកយីហោភេសជ្ជៈរបស់ចិន ។
ទីតាំងមួយកន្លែងៗនៅក្នុងឃ្លាំងដដែលនោះ ក៏បានរកឃើញនូវប្រភេទឈើរាជកុល ដែលមានមុខកាត់ធំៗ ដែលឈ្មួញបានយកអុសទៅគ្របពីលើជាការបិទបាំងផងដែរ។
ក្នុងករណីរកឃើញឃ្លាំងស្យកលាក់ទុកឈើប្រណិតនេះមានការសង្ស័យថាជាកម្មសិទ្ធរបស់មន្ត្រីយោធាមួយរូបឈ្មោះជាថេងដែលធ្លាប់ត្រូវបានអាវុធហត្ថចាប់ខ្លួនពេលដឺកឈើថ្វើឲ្យបាក់ស្ពាននៅកំពត់តែត្រូវបានតុលាករដោះលែងផងដែរ។
ទោះជាយ៉ាងណាមន្ត្រីអាវុធហត្ថក៏មិនទាន់បានបញ្ជាក់ថា ម្ចាស់ទីតាំងមានឈ្មោះ ជា ថេងនោះជា ដែលបុគ្គលនេះជាឈ្មួញឈើម្នាក់បានធ្វើឲ្យបាក់ស្ពាន នៅខេត្តកំពតនាពេលកន្លងទៅ ដោយសារតែរថយន្តដឹកឈើធ្ងន់ពេកនោះក៏ទេដែរ ហើយនៅពេលនេះ កម្លាំងកំពុងធ្វើការវាស់វែង ដើម្បីចង់ដឹងឈើទាំងនេះមានប៉ុន្មានគូប។សង្ឃឹមថាសមត្តកិច្ចនឹងអាចរកឃើញម្ចាស់បទល្មើសឲ្យមកទទួលទោសជាមិនខាន។បើរកមិនឃើញមានន័យថាការបង្ក្រាបគឺធ្វើឲ្យតែល្អមើលដូចជាការបក់ផ្សែងតែប៉ុណ្ណោះ៕
