ខេត្តក្រចេះ៖ ពលរដ្ឋមួយចំនួនដែលរស់នៅតាមម៉ាត់ច្រាំងទន្លេមេគង្គ ក្នុងភូមិឈើទាល ភ្លោះ ឃុំព្រែកសាម៉ាន់ ស្រុកឆ្លូង សម្រេចរើលំនៅដ្ឋានចេញទៅកាន់កន្លែងសុវត្ថិភាព ខណះដែលដីច្រាំងទន្លេកំពុងតែបាកស្រុត់កាន់តែខ្លាំង។ ច្រាំងទន្លេ ត្រូវបានពលដ្ឋក៏ដូចជាអាជ្ញាធរ បញ្ជាក់ថា បានកើត មានធ្ងន់ធ្ងរទៅដល់លំនៅឋានរបស់ពលរដ្ឋនៅឃុំព្រែកសម៉ាន់ ស្រុកឆ្លូង ក្នុងអំឡុងរយះពេលប៉ុន្មានថ្ងៃជាប់ៗគ្នា ខណះដែលស្ថានភាពភ្លៀងបានបង្អុរធ្លាក់ខ្លាំង។
រហូតមកទល់និងថ្ងៃទី២០ធ្នូ នេះ មានផ្ទះឈើមួយខ្នងផ្ទះ ត្រូវបានបាក់ស្រុតចូលក្នុងបាតទន្លេ និងមានផ្ទះជិត៣០ខ្នង ទៀតកំពុងតែយាយីដោយ ការបាក់ដី ហើយពលរដ្ឋជាម្ចាស់លំនៅឋានក៏កំពុងតែមានការព្រួយបារម្ភ ខណះដែលពួកគាត់រុះរើលំនៅឋានចេញពីតំបន់ជួរមាត់ទន្លេ ដែលប្រឈមនិងការបាក់ និងបានស្នាក់នៅក្រោមផ្ទះអ្នកភូមិមួយរយះ ក៏ដោយសារតែពួកគាត់មិនមានដីសម្រាប់ ផ្លាស់ប្តូរនោះទេ។
យ៉ាងណា ជាមួយនឹងបាតុភាពនេះក៏ត្រូវបានអាជ្ញាធរស្រុក បានស្នើឱ្យពលរដ្ឋត្រូវរុះរើ លំនៅដ្ឋានទៅរកកន្លែងសុវត្ថិភាព ខណះដែលពលរដ្ឋទាំងនោះបានស្នើរតបមកវិញឲ្យ អាជ្ញាធរជួយផ្តល់ដីតំបន់ណាមួយឲ្យមកពួកគាត់ ដើម្បីរុះរើលំនៅឋានចេញទៅរស់នៅ តំបន់នោះនិងបញ្ជៀសពីការគ្រោះថ្នាក់។
លើកឡើងឲ្យដឹងនៅថ្ងៃទី១៩ ខែធ្នូ ពលរដ្ឋដែលរស់នៅតំបន់បាក់ច្រាំង អំពាវនាវ យ៉ាងទទួច ឲ្យអាជ្ញាធរជួយរកទីតាំងដតំបន់ណាមួយដើម្បីឲ្យពួកគាត់បានជម្លៀសចេញ ទៅសាងសង់លំនៅឋាននៅតំបន់មានសុវត្ថិភាព។ ពួកគាត់ថា បើទោះបីជាអជ្ញាធរបាន អំពាវនាវឲ្យពួកគាត់រុះរើលំនៅឋានចេញពីតំបន់ប្រឈមនិងគ្រោះថ្នាក់។
ពាក់ពន្ធ័និងបញ្ហាខាងលើនេះ លោក ហេង ស៊ីថា អភិបាលស្រុកឆ្លួងឲ្យដឹងថា ការបាក់ច្រាំងនេះគឺគ្រោះធម្មជាតិ ហើយអាជ្ញាធរបានដោះស្រាយ ហើយដែរ ដោយកងកម្លាំង៣ប្រភេទនិងមកជួយរុះរើពួកគាត់ ហើយប្រជាពលរដ្ឋដែលរងគ្រោះខ្លាំងត្រូវជួយបន្ទាន់មានចំនួន១១គ្រួសារ ត្រូវអាជ្ញាធរប្រគល់ដីអោយពួកនៅឃុំសំបុកស្រុកចិត្របុរីដែលផ្សារមានទឹកភ្លើងប្រើប្រាស់ និងមានសាលារៀនដោយ១គ្រួសារទទួលបានដីក្បសល៣០មែត្រនិងបណ្ដោយ៤០មែត្រ។
នៅជុំវិញបាតុភាពនេះ លោក ហេង រត្ន័ម៉ូនីដា ប្រធានមន្ទីរធន់ធានទឹកដែល បានចុះពិនិត្យមើល ស្ថានភាពភូមិសាស្ត្រន៍នៅតំបន់បាក់ ច្រាំងនោះបានឲ្យថា ការបាក់ ស្រុតច្រាំងទន្លេប៉ះពាល់ដល់ផ្ទះពលរដ្ឋទាំងនោះ ក៏ព្រោះតែនៅតំបន់នេះស្ថិតនៅទីតាំង ដែលខ្សែទឹកហូរបុកខ្លាំង ហើយដីកទន្លេនៅតំបន់នេះងាយនឹងបាក់ស្រុតនៅពេលដែលទឹកហូរដោយត្រូវប្រឈមនឹងការបាក់ស្រុតដីជារៀងរាល់ឆ្នាំ៕