កំពង់ឆ្នាំង៖ រថយន្តដឹកជញ្ជូនឈើ លើសច្បាប់ ប្រើអាជ្ញាប័ណ្ណលោកឧកញ៉ា ទ្រី ភាព ដែលលោកងិនហ៊ុនប្រធានមន្ទីរកសិកម្មខេត្តកំពង់ឆ្នាំងខេត្តចាប់បានកាលពីវេលាម៉ោង១២និង១៨នាទីយប់ថ្ងៃទី១៥ធ្នូ២០១៦នៅចំណុចសាលាផ្លូវវាយម្ដំផ្លូវចូលប្រលានយន្តហោះកំពង់ឆ្នាំងត្រូវបានដោះលែងវិញហើយនៅវេលាម៉ោង៣រសៀល ថ្ងៃទី១៦ ខែធ្នូ ឆ្នាំ២០១៦នេះ ។
ការដោះលែងឡានដឹកឈើល្មើសច្បាប់មួយមួយនេះត្រូវបានគេគិតថាដោយសារឥទ្ធីពលដុល្លារនិងឧកញ៉ាទ្រីភាពបើទោះបីកន្លងមកគេបានដឹងថាលោកឧកញ្ញ៉ាទ្រីភាពបានប្រកាសថាក្រុមហ៊ុនរបស់លោកបានបញ្ឈប់ការធ្វើអាជីវកម្មព្រៃឈើនៅខេត្តពោធិ៍សាត់តាំងពីឆ្នាំ២០១០ដោយសារក្រុមហ៊ុនរបស់ផុតសុពលភាពអាជ្ញាប័ណក៏ដោយ។សូមបញ្ជាក់ដែរថា៖ការដោះលែងដោយគេសំអាងថាមានច្បាប់អនុញ្ញាតតែច្បាប់ច្បាប់អនុញ្ញាតអោយដឹកត្រឹមតែ១៧ម៉ែត្រគីបប៉ុណ្ណោះផ្ទុយទៅវិញឡានមួយនេះផ្ទុកលើសដល់ជាង៣០ម៉ែត្រគីបឯណោះ។
ប្រធានមន្ទីរកសិកម្មខេត្តកំពង់ឆ្នាំងលោកងិនហ៊ុនបានបញ្ជាក់ថាឈើនោះមានច្បាប់ត្រឹមត្រូវចំណែកលោកហោតារានាយផ្នែករដ្ឋបាលព្រៃឈើកំពង់ឆ្នាំងក៏បានប្រាប់អ្នកកាសែតថាឈើមានច្បាប់PCហើយគេបង់ពន្ធជូនរដ្ឋហើយ(ស៊ិក)។ទោះជាយ៉ាងណាអស់លោកមិននិយាយពីឈើ១៨ម៉ែតគូបដែលល្មើសច្បាប់នោះឡើយ។
-សូមរំលឹកថា កាលពីវេលាម៉ោង ១២និង១៨នាទី យប់ថ្ងៃទី១៥ ខែធ្នូ ឆ្នាំ២០១៦ លោក ងិន ហ៊ុន ប្រធានមន្ទីរ កសិកម្មខេត្ត បានដឹកនាំកម្លាំងដោយមានការចូលរួម ពីមន្ត្រីរដ្ឋបាលព្រៃឈើបានស្ទាក់ចាប់បានរថយន្តដឹកឈើអា(ឈើក្រហម) ១គ្រឿង ក្នុងចំណោម ២គ្រឿង នៅចំណុច សាលាផ្លូវវាយជិតផ្សារពង្ររ តាមបណ្តោយផ្លូវជាតិលេខ៥ ក្រោយពីបានតាមតាំងពីព្រុំប្រទល់ខេត្តកំពង់ឆ្នាំង និងពោធិសាត់ ។រថយន្តដឹកជារថយន្តប្រភេទ ហ៊ី យ៉ានដាយ ផ្លូវ៤ ស្លាកលេខ ភ្នំពេញ 3A-0519 ហើយបាននាំយកមករក្សាទុកនៅមន្ទីរកសិកម្មខេត្តនាយប់ថ្ងៃដដែល។
-បើពិនិត្យមើលក្នុងលិខិតអនុញ្ញាតចុះថ្ងៃទី១៤ ធ្នូ ឆ្នាំ២០១៦ ចេញដោយ ប្រធានមន្ទីរកសិកម្មខេត្តពោធិសាត់ លោកឡាយ វិសិដ្ឋ និងនាយផ្នែករដ្ឋបាលវាលវែង លោក ជា ហួតនិងលោកអ៊ឹម សុភីនាយសង្ការដ្ឋបាលព្រៃឈើប្រម៉ោយ បានអនុញ្ញាតឲ្យ ឧកញ៉ា ទ្រី ភាព អគ្គនាយកក្រុមហ៊ុន ទ្រីភាព ដឹកជញ្ជូនផលអនុផលព្រៃឈើ មានបរិមាណចំណុះ ១៤០ ដើមស្មើ ជាង១៧ម៉ែត្រគឺប ចេញពីចំណុចចំការជ្រៃ ឃុំអន្លុងរាប ។ផ្ទុយទៅវិញគេដឹកលើសដល់ទៅ១៧ម៉ែតគូបគឺសរុបជាង៣០ម៉ែតគូប។
សកម្មភាពនៃការដឹកជញ្ជូនឈើដោយក្រុមហ៊ុនទ្រីភាពគឺដឹកចេញពីស្រុកវាលវែងដែលបើតាមការអោយដឹងពីប្រជាពលតរដ្ឋគឺ បានចាប់ផ្ដើមឡើងវិញចាប់តាំងពីអាណត្តិលោកម៉ៅ ធនិនចូលមកកាន់តំណែងជាអភិបាលខេត្តពោធិសាត់មកម្លេះក្រោយពី បានស្ងាត់មួយរយៈដោយសារលោកឧកញ្ញ៉ាទ្រី ភាពប្រកាសបញ្ឈ់ធ្វើអាជីវកម្មព្រៃនៅខេត្តពោធិ៍សាត់ដោយសារផុតសុពលភាពអជ្ញាប័ណតាំងពីឆ្នាំ២០១០មក។ផ្ទុយទៅវីញនៅតែលួចធ្វើសកម្មភាពដដែល។ជាក់ស្តែងឡានដែលចាប់បាននេះគឺជាឡានដឹកឈើក្រោមស្លាកក្រុមហ៊ុនទ្រីភាពនិងមានឈ្មោះង៉ូវទីជាំថៅកែដែលស្និទ្ធជាមួយលោកម៉ៅធនិនចៅហ្វាយខេត្តពោធិសាត់៕