មណ្ឌលគិរី ៖ ប្រជាពលរដ្ឋប្រមាណជាង១០០នាក់បានប្រមូលផ្ដុំគ្នាបិទផ្លូវមុខសាលាស្រុកកែវសីមា នៅព្រឹកថ្ងៃទ១៩ខែធ្នូឆ្នាំ២០១៦ ស្ថិតនៅភូមិអូររណាខុំស្រុកខ្ទុមស្រុកកែវសីមា ។
ក្រុមប្រជាពលរដ្ឋដែលមានគ្នាជាង១០០នាក់ខាងលើសុទ្ធសឹង្ហជាពលរដ្ឋរកស៊ីដឹកជំនៀឈើចាស់ៗ ដែលសេសសល់ក្នុង ដែលគេហៅថា (ឈើអេតចាយ) ពួកគាត់បានលើកឡើងថា មន្ត្រីជំនាញ នឹងសមត្ថកិច្ចគ្រប់ស្ថាប័ន ក្នុងស្រុកកែវសីមា ជំរិតទារប្រាក់តែពីពួកគាត់ដឹកឈើ អុស នឹងជំនារឈើចាស់ៗ ដែលពួកគាត់យកទៅលក់ដូរបាយ។ ចំណែក រថយន្តធំ នឹងរថយន្ត កែច្នែរ រថយន្តសាំងយុង ដឹកឈើកាត់ស្នាក់ការរបស់ជំនាញទាំងយប់ទាំងថ្ងៃ ស្ទើររូងថ្នល់ អត់មានការបង្ក្រាប។ពួកគាត់បាននិយាយទៀតថា បើចាប់បើបង្ក្រាប សុំអោយអាជ្ញាធរមានសមត្ថកិច្ចបង្ក្រាបអោយស្មើភាពគ្នា។
អភិបាលស្រុកកែវសីមា លោក ស៊ុន វណ្ណវុឌ្ឍ បានអោយដឹងថា រហូតពេលនេះ ពួកគាត់បានបំបែកគ្នាវិញហើយ ក្រោយពីមានការសម្របសម្រួលពីអាជ្ញាធរស្រុក លោកបានបន្តថា ពលរដ្ឋគាត់ទៀមទា អោយអាជ្ញាធរជួយអន្តរាគមន៍ នឹងជួយសម្រួលជាមួយមន្រ្តីអនុវត្តច្បាប់ ក្នុងការដឹកឈើរបស់ពួកគាត់ តែលោកថា គោលការគឺមិនអាចទៅរួចនោះទេ ច្បាប់គឺច្បាប់ ។
ចំពោះពួកគាត់លើកឡើងថា មន្ត្រីជំនាញបង្ក្រាបបានតែបទល្មើសតូចតាច់ អភិបាលស្រុកកែវសីមារូបនេះ ទទួលស្គាល់ថា ពេលកន្លងមកពិតជាមានមន្ត្រី ដែលមានតួរនាទីមួយចំនួនអញ្ចឹងមែន លោកថា ក្នុងនាមរូបលោកជាគណះបញ្ជាការឯកភាពស្រុក លោកនឹងប្រជុំមន្ត្រីពាក់ពន្ធទាំងអស់ក្នុងស្រុកដើម្បីចាត់វិធានការ ៕