ក្រចេះ ៖ កម្លាំងជំនាញនគរបាលស្រុកសំបូរ បានសហការជាមួយកម្លាំងនគរបាលបាលប៉ុស្ត៏រដ្ឋបាលសណ្តាន់ បានឃាត់ខ្លួនជនសង្ស័យមួយនាក់ ពាក់ពន្ធ័ករណីជួញដូរគ្រឿងញៀន នៅចំនុចសាលាឆទាន ស្ថិតក្នុងភូមិធំឃុំសណ្តាន់ ស្រុកសំបូរ ខេត្តក្រចេះ កាលពីវេលារំលងអធ្រាត ឈានចូលថ្ងៃទី១៨ ខែធ្នូ ឆ្នាំ២០១៦ ។
លោក ណយ ស៊ីថាច អធិការរងស្រុកសំបូរបាន ឲ្យដឹងថា ជនសង្ស័យមានឈ្មោះ ម៉ូវ អង់ ភេទប្រុសអាយុ៣៥ មានទីលំនៅភូមិសង្គម ឃុំសណ្តាន់ ស្រុកសំបូរ ខេត្តក្រចេះ ។
ការឃាត់ខ្លួនជនសង្ស័យម្នាក់ខាងលើដកហូតបាននៅវត្ថុតាង រួមមានគ្រឿងញៀនម្សៅក្រាម ពណ៌សថ្លា ចំនួន១កញ្ចប់ធំ និង ៣ កញ្ចប់តូច ទូរស័ព្ទចំនួន ១ គ្រឿង រួមទាំងសម្ភារៈ សំរាប់ជួញដូរគ្រឿងញៀនជាច្រើន ។
បច្ចុប្បន្នជនសង្ស័យ នឹងវត្ថុតាងត្រូវបានកម្លាំងនគរបាលស្រុកសំបូរ កំពុងកសាងសំណុំរឿងបញ្ជូនទៅការិយាល័យប្រឆាំបទល្មើសគ្រឿងញៀនខេត្ត ដើម្បីចាត់ការបន្ត ទៅតាមនិតិវីធិច្បាប់ ៕
