ខេត្តបន្ទាយមានជ័យ ៖ លោក ស៊ឹម សំអាត មេប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែតកំពុងតែបណ្ដែតបណ្ដោយបើកដៃឲ្យកូនចៅធ្វើលិខិតឆ្លងដែននិងការប្រមូលផលអាជីវករ ដោយយកលុយនៅលើផ្លូវសារធារណៈ ចំណុចមាត់ច្រកទ្វារអន្តរជាតិប៉ោយប៉ែត ខណៈដែលអាជីវករលក់ដូរនៅតាមដងផ្លូវ បានធ្វើឲ្យមានបញ្ហាដល់មតិរិះគន់ ។
បើតាមសេចក្តីរាយការណ៍របស់ភ្នាក់ងារសារព័ត៌មាន នៅប្រទេសកម្ពុជាបានឲ្យដឹងថា សកម្មភាពច្រកទ្វារអន្តរជាតិប៉ោយប៉ែតកន្លងមក មានកម្លាំងសមត្ថកិច្ចប្រចាំនៅទីនោះ មិនបានអនុញ្ញាតឲ្យអ្នកសារព័ត៌មានថតនោះទេ ។ ការហាមឃាត់នេះ ត្រូវបានសារព័ត៌មានធ្វើការផ្សព្វផ្សាយព្រោងព្រាត ។ ជាការឆ្លើយតប បន្ទាប់ពីសមត្ថកិច្ចមិនអនុញ្ញាតឲ្យថតនោះ អ្នកសារព័ត៌មានយើងក៏បានធ្វើការថតនៅឯលើផ្លូវសារធារណៈ ចំកណ្តាលផ្លូវតែម្តង ដើម្បីផ្តិតយករូបភាពជាញឹកញ៉យ នៅតាមដងផ្លូវដែលមើលទៅមានភាពកកស្ទះ ហាក់ដូចកំពុងមានរឿងអ្វីមួយ ។ ស្រាប់តែលេចមុខមន្ត្រីនគបាលម្នាក់ពាក់ឯកសណ្ឋានស័ក្ខ ១ ប្រចាំការនៅប៉ុស្តិ៍កណ្តាលចំណុចវាយ (ប៉ាស្ពឺ) ជាប់រង្វង់មូល គេស្គាល់ថា កូនចៅរបស់លោក ស៊ឹម សំអាត បានមករារាំងមិនឲ្យថតនៅសកម្មភាពទាំងឡាយនោះ ជាដាច់ខាត ព្រោះនៅចំណុចនោះ គឺជាចំណុចមួយដ៏សំខាន់សម្រាប់ធ្វើការផ្លាស់ប្ដូរបិទអាថ៏បាំងនូវសកម្មភាពរបស់មន្ត្រីធ្វើលិខិតឆ្លងដែនមិនស្របនិងលាក់ទុកទំនិញនាំចូលខុសច្បាប់ជាច្រើន។
ជាក់ស្តែងដូចជា នៅចំណុចក្រោមប្រាសាទកំពូលបីមុខច្រកទ្វារ ដែលមានកូនចៅក្រោមបង្គាប់ឈ្មោះ ម៉ៅ ម៉យ នឹងកូនចៅមួយចំនួនទៀត ចាំជម្រិតយកលុយពីកម្មករអូសរទេះស៊ីឈ្នួលដឹកទំនិញបន្តិចបន្តួច ឆ្លងទៅប្រទេសថៃ ។ ក្រៅពីនោះ លោក ស៊ឹម សំអាត បានបើកដៃឲ្យមានការលក់ដូរ អមសងខាងផ្លូវ ចូលច្រកទ្វារ ដាក់ខែ ទៅតាមប្រភេទទំនិញដាក់លក់តិចឮច្រើន ក្នុង១តូប ចាប់ពី១៥០០០បាត (មួយពាន់ប្រាំរយ) រហូតដល់២០០០០បាត (ពីរពាន់បាត)ក្នុង១ខែៗ ។ តែបើសម្រាប់រទេះរុញលក់ផ្លែឈើ អាហារហូបចុកក្នុង១រទេះ តម្រូវឲ្យបង់ចាប់ពី១០០០-២០០០ ៥០០ (មួយពាន់បាត) (ពីរពាន់បាត) (ប្រាំរយបាត) តាមទំហំរទេះដូចជារទេះលក់នំបុ័ងក្នុង១ខែ បង់ឲ្យលោក ស៊ឹម សំអាត ៦០០បាត ។ នេះតាមសម្ដីអាជីវករលក់ដូរនៅទីនោះ
ចំណែកអ្នកម៉ូតូឌុបតម្រូវឲ្យបង់លុយក្នុ១ខែ៣០០បាត (បីរយបាត) ទើបអនុញ្ញាតឲ្យចូលទៅដឹកម៉ូយដល់ក្បាលស្ពានមិត្តភាពកម្ពុជា-ថៃបាន ។
ប្រការទាំងនេះធ្វើឲ្យកកស្ទះបាត់បង់សណ្ដាប់ធ្នាប់សាធារណៈប៉ះពាល់ដល់អារម្មណ៏ភ្ញៀវទេសចរណ៍ជាតិនិងអន្តរជាតិបាតតម្លៃថ្លៃថ្នូរដល់ថ្នាក់ដឹកនាំ ។ ក្រៅពីនោះនៅមានរឿងផ្ដល់លិខិតឆ្លងដែនឲ្យពលរដ្ឋ ពលករឆ្លងដែនសម្រាប់ទៅធ្វើការប្រទេសជិតខាង។ លោកស៊ឹម សំអាត បង្គាប់ឲ្យយកលុយក្នុងម្នាក់ៗតម្លៃពី១៣០០(មួយពាន់បីរយបាត)(១៥០០បាត)មួយពាន់ប្រាំរយបាត)បើរង់ចាំយក១-២ម៉ោងមានន័យថាធ្វើភ្លាមយកភ្លាម ។ បើធ្វើថ្ងៃនេះយកថ្ងៃស្អែកតម្លៃ៨០០-១០០០បាត (ប្រាំបីរយបាត)(មួយពាន់បាត) ។ នេះជាការរិះគន់មតិពលរដ្ឋ និងពលករចំណាក់ស្រុក ។ ករណីនេះ អ្នកសារព័ត៌មានយើងសុំការបំភ្លឺពីលោក ស៊ឹម សំអាត ពុំបានទេពាក់ព័ន្ធពីបញ្ហានេះ។
បើតាមប្រភពខ្សឹបខ្សៀវពីប្រជាពលរដ្ឋក៏ដូចជាអាជីវករ និងមជ្ឈដ្ឋានទូទៅបានឲ្យដឹងថា សមត្ថកិច្ចអន្តោប្រវេសន៍ក្រោមការដឹកនាំរបស់លោក ស៊ឹម សំអាត បានឃុបឃិតគ្នាជាមួយថៅកែកាស៊ីណូឡាក់គី អនុញ្ញាតឲ្យរថយន្តដឹកភ្ញៀវបើកឆ្លងកាត់ប៉ុស្តិ៍ត្រួតពិនិត្យម៉ាសេរីមិនចាំបាច់ត្រួតពិនិត្យស្អីនោះទេ ។ ដូចជាលិខិតឆ្លងដែននិងឯកសារផ្សេងៗនោះក៏មិនខ្វល់ទេជាថ្នូរទឹកប្រាក់ចំនួន៨០០០បាត(ប្រាំបីពាន់បាត)ប្រចាំ១ខែ ។
បើពិតដូចប្រភពខ្សឹបខ្សៀវមែននោះ ទង្វើបែបនេះធ្វើឲ្យប៉ះពាល់ដល់កិត្តិយសជាតិយ៉ាងធ្ងន់ធ្ងរ និងធ្វើឲ្យអាប់ឪនដល់ថ្នាក់ដឹកនាំជាតិ ធ្វើឲ្យពលរដ្ឋអស់ក្ដីសង្ឃឹមជឿជាក់ និងធ្វើឲ្យបាត់បង់សន្លឹកឆ្នោតគណៈបក្សប្រជាជនកម្ពុជា ធ្វើឲ្យរាជរដ្ថាភិបាលមានការថយចុះប្រជាប្រិយ៏ភាពពីការគាំទ្រ រហូតឈានទៅបាត់បង់សន្លឹកឆ្នោតមួយផ្នែកណានោះក៏ថាបាន ។ ផ្ដើមចេញពីអំពើខុសឆ្គងការគំរាមកំហែងការជម្រិតយកលុយការធ្វើបាបពលរដ្ឋដែលមានជីវភាពក្រីក្រប្រចាំថ្ងៃ ។
ទាក់ទងពីបញ្ហាខាងលើអ្នកសារព័ត៌មានព្យាយាមសុំការបំភ្លឺទៅលោក ស៊ឹម សំអាត ជាច្រើនដងតែពុំអាចទាក់ទងបានទេដោយឆ្លើយថា សួរគ្មានប្រយោជន៏ ។
ប្រជាពលរដ្ឋនៅក្រុងប៉ោយប៉ែតសូមអំពាវនាវ ទៅដល់នាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋានអន្តោប្រវេសន៍ ក៏ដូចជាអង្គភាពប្រឆាំងអំពើរពុករលួយមេត្តាចាត់មន្ត្រីជំនាញចុះមកធ្វើការស្រាវជ្រាវនឹងមានវិធានការលោក ស៊ឹម សំអាត ឲ្យបានម៉ឹងម៉ាត់បំផុត ៕
