ខេត្តត្បូងឃ្មុំ ៖ នៅថ្ងៃទី ១៥ ខែ ធ្នូ ឆ្នាំ ២០១៦ ម៉ោង ៨:៤០នាទី ជំនាញផែនសន្តិសុខ និងជំនាញផែនយុត្តិធម៍ នៃអធិការដ្ឋាននគរបាលស្រុកមេមត់ បានឃាត់ខ្លួនជនជាតិវៀតណាមម្នាក់នៅចំណុចផ្សារមេមត់ ស្ថិតនៅភូមិមេមត់ផ្សារ ឃុំមេមត់ ឈ្មោះ វៀន យ៉ាងវិន ភេទប្រុស អាយុ ៤៤ ឆ្នាំ រស់នៅភូមិក្រុមទី១ ឃុំតាំងហា ស្រុកតាំងចូវ ខេត្តតៃនិញ ( ប្រទេសវៀតណាម ) ដែលចូលមកតាមច្រករបៀង ភូមិត្រពាំងឬស្សី ឃុំរូង មកលក់ឆ្នោតសន្លឹករបស់ជាតិវៀតណាម នៅចំណុចខាងលើ បញ្ចូនមកកាន់អធិការដ្ឋាននគរបាលស្រុកមេមត់ ដើម្បីធ្វើការសាកសួរចាត់ការបន្ត ។
ដោយមានការឯកភាពពីលោកឧត្តមសេនីយ៍ទោ បែន រ័ត្ន ស្នងការនគរបាលខេត្តត្បូងឃ្មុំ បច្ចុប្បន្នជំនាញយើងបានធ្វើការអប់រំ និងចុះកិច្ចសន្យាឈប់ ឲ្យចូលមកលក់ឆ្នោតនៅក្នុងទឹកដីកម្ពុជាបន្តទៀត និងបានបញ្ចូនជនជាតិវៀតណាមខាងលើ និងសន្លឹកឆ្នោត ចេញតាមច្រកដ៏ដែល ទៅប្រទេសវៀតណាមវិញ ៕